AMOS 7:4 - Tanou Moonsoi Timugon

⁴ Nakito ku poyo rondo' napakitanan intor ra Tuhan Raja'. Nakito ku Io tatanga' tumampos koson mangukum ra ulun Nano ra apui. Apui no monolob pangai' ra raat maayo giu' ra ragana' ru tana' am tumalimpuun monolob ra tana'.

AMOS 7:4 ပူးပေါင်းရင်းမြစ်များ

JISAYA 27:4

Kalo boo sumangit Aku ra umo no. Amon ru makasulinit am makasakot, koyoon Ku surui' saboi mapuso.

JIRIMIA 4:4

Guuto' min nabantuan min am Aku, Tuhan min; patimpoko' inan min Raki', akau mamagun ru Jiuda am Jirusalim. Amon ru kalo, sangit Kuno sumolob koson ra apui ondo' kalo malasa' ru osoi pana, sabap ra ngaangai' binaal min ondo' malaat!”

YEHEZKIEL 21:3

ra Aku, Tuhan mindagu: Aku pantula' min. Butuson Ku ilang am mamatoi ramuyun ngaangai', ondo' malaat am niayuk ondo' moonsoi.

JOIL 1:19

Gumolok aku Rirun, iou Tuhan, sabap padang sakot am puun tataun mapua' noyo am minatoi, ilain koson nosolob ru apui.

JOIL 2:30

“Mangani' Aku ra tatandu' ra orou raginio, giu' ra limbowon am ra tana' ti; mokoondo' malayak ra raraa', apui am lisun ra makapal.

IMAMAT 10:2

Pulali' ru Tuhan naparatong ra apui, ondo' nonolob risilo saboi minatoi ra giu' no niayuk, giu' ra ralalom ru Kim ru Tuhan.

AMOS 1:4

Ginio ra atarin Ku apui ra istana ondo' binaal ru Raja' Gajail am monolob ra kubu-kubu ru Raja' Bingadad.

AMOS 1:7

Ginio ra atarin Ku apui giu' ra timbok ru bandar Gaja am mangumpo ra ngaangai' kubu no.

AMOS 2:5

Ginio ra atarin Ku apui giu' ra pagun ru Jiuda am solobon kubu-kubu ru Jirusalim.”

AMOS 4:11

“Pusoon Ku santayaran intor ramuyun koson ra Aku namuso ra Sodom am Gomora. Ulun ondo' lakat poyo naayag ra gino kau po ngai' koson ra putul ru luton ondo' inalap intor ra apui. Kabalu' pana raginio, kalo niayuk sumaguli' kau Raki'.

AMOS 5:6

Saguli' kano ra Tuhan, am akau pana maayag. Amon ru kalo sumaguli' kau Riso, matong Io koson ra apui ondo' bibilak ra ulun ru Israil. Apui monolob ra mamagun ru Bitil am kolondo' sangulun pana makalasa' ra apui no.

AMOS 7:1

Nakaalap aku ra rondo' napakitanan intor ra Tuhan Raja'. Ralalom ru napakitanan no nakito ku Io nambaal rondo' sampanon ru gapu' kalupus ulun nopolontob ra sakot tayar ru raja'. Paat raginio sakot tumalimpuun poyo tumuu'.

AMOS 7:7

Nakaalap aku rondo' napakitanan ra bokon intor ra Tuhan. Nakito ku Io minigor ra sapapa' ru rondo' timbok ondo' binaal am namakai ra kalat panuku' ondo' maawar ra mabanis, am nampaguut Io rondo' kalat panuku' no.

MIKA 1:4

Ngaangai' gunung liminuu' ra ragana' ru kalayam Nano koson ra dian ralalom ru apui ondo' mapaang; tana' intor ra gunung lumuyu' mongoi ra limayak koson ra timug giu' ra rasawat ru bulur tumilis mongoi ra ragana'.

NAGUM 1:6

Osoi kia tumaan paat ra Tuhan sumangit? Kolondo' osoi pana makalabus intor ra sangit Nano. Paabuson No sangit Nano ondo' bibilak, saboi batu maumok am masauk ra kaau giu' ra saang Nano.

UNTABAN 16:35

Kopongo raginio paparatong Tuhan ra apui ondo' nanimbula' am nonolob ra 250 ngaulun ondo' napataak noyo ra kaminyan.

SAGULION 32:22

Sangit Kuno bibilak koson ra apui, am monolob ra ngaangai' rasawat ru tana'. Tumuun apui no ra tana' ru ulun namagatoi, am mangumpo ra bakat ru gunung-gunung.

IBRANI 1:7

Am intor ra malaikat-malaikat mindagu i Aki Kapuuno' kon ragitio: “Saukon takamin mogondo' ra angin, am ulipon-ulipon Kuno mogondo' ra simbula' ru apui.”

PINAINTALANG 4:1

Kopongo raginio, pakitono' aku poyo. Ilai' ku naukab rondo' kulobon giu' ra suruga' no. Am naining ku bolos koson ra bujung, ondo' minindagu raki' ra talimpuun i, kono, “Pagaloi. Tuluin tokou atan ondo' inaru' masauk malupus ragitio.”