AMOS 7:17 - Tanou Moonsoi Timugon

¹⁷ gitio noyo ragu ru Tuhan, ‘Andu' muno masauk ra ulun mantalan ra inan giu' ra ralan-ralan ru bandar am anak-anak muno potoyon ralalom ru pangayawan. Tana' muno tatayaron am taakin ra ulun bokon; okou galama' matoi giu' ra pagun ru ulun ondo' kalo makaulig ri Aki Kapuuno'. Mamagun ru Israil maaru' ibiton ra pamatiran, maalur intor ra pagun nilo galama'.’ ”

AMOS 7:17 ပူးပေါင်းရင်းမြစ်များ

2 RAJA'-RAJA' 17:6

iono paat ra bilor kasiam ra pamarintaan ru Raja' Gosia, raja' ru Asyur nangala ra Samaria. Inibit no ulun ru Israil giu' ra Asyur koson ra ulun rinakop. Santayaran ra ulun ru Israil no pinaayan no giu' ra bandar Galag, santayaran no giu' ra kiing ru Sungoi Gabor giu' ra libung ru Gojan, am santayaran poyo giu' ra bandar-bandar ru pagun Madai.

MAZMUR 78:55

Bulintok ra ulun Nano nakasuku' ininggalaran No namagun no, am tatayaro' no pagun no ra ngaangai' ru bansa' ru Israil, am intok ru pantula' pinataak No ra ulun Nano.

JISAYA 13:16

Makakito ilo ra lalagang nilono lambaan saboi matoi, baloi nilono gaawon, am andu' nilono sowoon.”

JISAYA 22:18

Luluiron No okou am pobobolon koson ra bula giu' ra pagun ondo' maayo. Matoi kou ra giu', mababaya' ra kurita' kuda ondo' anggakon muno. Nampakauyu' kou ra pabukat ru tuan muno.

JIRIMIA 14:16

Ulun ondo' nangapu ra ragu inala' nilono pana potoyon ra ralan mogondo'. Baangkai nilono papatiron giu' ra ralan-ralan ra Jirusalim; kolondo' ulun mompolobong ra baangkai nilono. Koon raginio noyo pupus nilo ngaangai', makaaya' andu', anak ungkuyon am ruandu' nilo. Mangkinibit Aku risilo mansaan ra kinibit ru kalaatan nilono.”

JIRIMIA 20:6

Okou no, Pasyur, rokopon am auton ra Babilonia mababaya' ra ngaangai' sasambaloi muno. Giu' no patayan muno am lobongon mababaya' ra ngaangai' rangan muno ondo' nangkirongog ra abau muno.’ ”

JIRIMIA 28:12

Kalo nabuoi kalupus kasaukan raginio, nanusub Tuhan raki'

JIRIMIA 28:16

Ginio ra Tuhan galama' minindagu ra pusoon No okou. Bilor ragitio niayuk matoi kou, sabap ra nanusub kou noyo ra bansa' ragitio manggal ra Tuhan.”

JIRIMIA 29:21

Tuhan Ondo' Maayo Kaga' Kuasa', i Aki Kapuuno' ru Israil, nakaindagu intor ri Agab anak ri Kolaya, am intor ri Jidikia anak ri Maasiya, ondo' namakai ra inggalan ru Tuhan koson mampasaboi ra abau ramuyun. Minindagu Tuhan ra pataakon No ilo ra kuasa' ru Raja' Nibukadnijar intor ra Babilonia, ondo' mamatoi risilo ra saang min.

SULABOI 5:11

Andu' mai sinawa' giu' ra Bulur Sion, ralaa mai rinulug giu' ra moonong bandar giu' ra Jiuda.

YEHEZKIEL 4:13

Indagu Tuhan, “Koon raginio noyo ralan ru ulun ru Israil mangakan ra akanon ondo' kalo iowon ru Taurat, kaa' pantutuliaron Ku ilo ra pagun-pagun ra bokon.”

GOSIA 9:3

Akau, ulun ru Israil kalo mayan giu' ra pagun ondo' pataakon ru Tuhan ramuyun. Musiti' kau sumaguli' ra Misir am mangakan ra akanon ondo' kalo maakan giu' ra Asyur.

AMOS 6:7

Ginio ra akau no kasaa' toojo patirin ra pagun. Bunsag am pagakanan mino pupusin.

AMOS 7:11

Kono, ‘I Jirobiam matoi ralalom pangayawan, am ulun ru Israil ibiton ra pamatiran, maalur intor ra pagun nilo galama'.’ ”

AMOS 8:1

Nakaalap aku ra rondo' poyo napakitanan intor ra Tuhan Raja'. Nakito ku kikinawa' giu' ra ralalom ru bakul.

AMOS 9:1

Nakito ku Tuhan minigor ra sapapa' ru altar. Nangani' Io ra susuban ragitio, “Lambaa' kapuoro' toojo ulu ru lugu' giu' ra Baloi Kuno maa' raginio titikop ru langgar mapuyu'. Popolo' ulu-ulu ru lugu' no am polosoo' ngaangai' no maratu' ra rasawat ru ulu ru ulun. Ulun ondo' kalo matoi potoyon Ku ralalom pangayawan. Kolondo' sangulun pana makapagiru' koson mamayag ra inan.

AMOS 9:8

Aku, Tuhan Raja', tatanga' mangimansa' ra pamarintaan ru Israil ondo' makatula ti, am pusoon Ku ginio intor ra tana' ti. Kaa' kalo pusoon Ku ngaangai' papag ri Jakub.

MIKA 1:16

Mamagun ru Jiuda kau ngai', lomporo' noyo abuk mino koson tatandu' mangulir ra lalaing-lalaing katagaman mino. Lingono' min buluti' abuk, sabap ra ngaangai' anak min patirin intor ra pagun.

JAKARIA 14:2

Timungon ru Tuhan ngaangai' bansa' koson mangayou ra Jirusalim. Bandar no gaawon, baloi-baloi nano takawin am ruandu'-ruandu' nano sowoon. Sampiruo ra mamagun nano patirin ra pagun, kaa' ondo' bokon no kalo pabandingon intor ra bandar no.