AMOS 7:15 - Tanou Moonsoi Timugon

¹⁵ Kaa' Tuhan nampiau raki' intor ra kandoi magalung ra bibiag tinambiag am nanusub raki' mampasaboi ra tanou Nano ra ulun ru Israil.

AMOS 7:15 ပူးပေါင်းရင်းမြစ်များ

2 SAMUIL 7:8

Ginio ra balai' ulipon Kuno Raja' Daut ra gitio noyo ragu Kutu, Tuhan Ondo' Maayo Kaga' Kuasa' no riso, ‘Nangalap Aku rirun intor ra magalung ra domba giu' ra padang am napasauk Aku rirun ra tingganai ru ulun Kuno Israil.

1 RAJA'-RAJA' 19:19

Paat ri Ilia nangiruan ra intok no, nakatuum io ri Ilisa ondo' tatanga' mamparadu' ra tana'. Mokoondo' mopor am rondo' nantutuop sapi' giu' ra saang ri Ilisa, am i Ilisa galama' mamparadu' ra nantuop ra sapi' ondo' tauli toojo, iono nantuop ra sapi' ra koopor am ruo. Aluso' ri Ilia sukub nano am pabayango' ri Ilisa.

JIRIMIA 1:7

Kaa' taam Tuhan, “Pai' no indagu ra okou no lakat poyo mamulok. Ongoi no ra ulun ondo' paangayin Kuno rirun, am balai' ilo ra ngaangai' ondo' panusuban Kuno rirun.

JIRIMIA 26:12

Aku pana mindagu, “Nanusub Tuhan raki' mampatanou ra ngaangai' tanou ondo' manggal ra Baloi ru Tuhan am bandar ti koson ra ondo' norongog min noyo.

AMOS 3:8

Paat ra singa' mansangal, osoi kia kalo malaa'? Paat ra Tuhan Raja' mindagu, osoi kia mokopongkoror am kalo nampatanou ra tanou Nano?

MATIUS 9:9

Iruani' ri Jisus intok raginio. Tatanga' ra Io nangkiralan, kakito No sangulun mampalulur ra cukai, ioginio i Matius, nanturung ra baloi ru cukai no. Indagu i Jisus riso, “Baya' Raki'!” Bigor i Matius am baya' io ri Jisus.

RINALATAN 1:8

Kaa' akau makaalap ra kuasa' paat ra Ambiluo ri Aki Kapuuno' no matong ramuyun. Masauk kau boo ra sasi' Kuno giu' ra Jirusalim, ngaangai' ra Judia, am Samaria, am saboi ra ati ayuk intok ra tana' ti.”

RINALATAN 4:20

Sabap ra kalo malanggaan mai mindagu ra atan nakito am norongog mai galama'.”

RINALATAN 5:20

“Ongoi kau ra Baloi Tuhan no am potonowo' min noyo ra ulun masuang no intor ra kaayagan bagu ti.”

1 SAMUIL 10:11

Ulun ondo' nakaulig ri Saul intor ragili, nakakito ra paliso nano am sakukuot ra rondo' am bokon, “Atan kinua' nasauk ra anak ri Kis no? Inda' nua' ru i Saul niayuk nasauk ra sangulun nabi?”