AMOS 7:14 - Tanou Moonsoi Timugon

¹⁴ Taam i Amos, “Aku sala' ka koson ra nabi-nabi ra bokon ondo' mindagu ra manala' koson makigaji'. Sotopot no aku ti sangulun manambiag am magalung ra puun ara.

AMOS 7:14 ပူးပေါင်းရင်းမြစ်များ

1 RAJA'-RAJA' 19:19

Paat ri Ilia nangiruan ra intok no, nakatuum io ri Ilisa ondo' tatanga' mamparadu' ra tana'. Mokoondo' mopor am rondo' nantutuop sapi' giu' ra saang ri Ilisa, am i Ilisa galama' mamparadu' ra nantuop ra sapi' ondo' tauli toojo, iono nantuop ra sapi' ra koopor am ruo. Aluso' ri Ilia sukub nano am pabayango' ri Ilisa.

1 RAJA'-RAJA' 20:35

Ralalom susuban ru Tuhan, sangulun intor ra santimungan nabi nanusub ra sangulun nabi ra bokon mapalamba' riso, kaa' marara' nabi no.

2 RAJA'-RAJA' 2:15

Limo ngoopor ngaulun nabi intor ra Jiriko no nakakito ri Ilisa am indagu, “Kuasa' ri Ilia soroi ri Ilisa!” Inggaar ilo riso, am kubu samba ra saang nano,

2 RAJA'-RAJA' 2:3

Santimungan ru nabi ondo' minayan giu' ra Bitil mininggaar ri Ilisa am pangkuot riso, “Nakapandai kono kia ra Tuhan no mangalap ra tuan muno intor rirun ra orou raiti'?” Taam i Ilisa, “Nakapandai aku, kaa' pai' takano raguo' baal raginio.”

2 RAJA'-RAJA' 2:5

Santimungan ru nabi ondo' minayan giu' ra Jiriko mininggaar ri Ilisa am pangkuot riso, “Nakapandai kono kia ra Tuhan no mangalap ra tuan muno intor rirun ra orou raiti'?” Taam i Ilisa, “Nakapandai aku, kaa' pai' takano raguo' baal raginio.”

2 RAJA'-RAJA' 2:7

Limo ngoopor ngaulun intor ra santimungan ru nabi minaya' risilo mongoi ra Sungoi Jordan. I Ilia am i Ilisa minuog ra kiing ru sungoi, am limo ngoopor ngaulun nabi no minigor kalo maalur intor ra giu' no.

2 RAJA'-RAJA' 4:38

Paat ra sanganuan, paat ra bitilan nasauk giu' ra titikop ru pagun no, minuli' i Ilisa ra Gilgal. Liliwa' ra io mangila' ra sampulalai nabi, panusub io ra ulipon nano mangansak ra akanon ra ralalom ru sampagangan ra maayo risilo.

2 RAJA'-RAJA' 6:1

Paat ra sangarawan, pulalai ru nabi ondo' inila' ri Ilisa mindagu ri Ilisa, “Intok inayanan takati mapisok kaga'!

2 TUNUNG RU BANSA' ISRAIL 16:7

Paat raginio minuma' Nabi Ganani ra Raja' Asa am indagu, “Sabap ra okou liminansan ra raja' ru Siria am kalo liminansan ra Tuhan, i Aki Kapuuno' muno, nairu' boo kaluagan koson mangala ra saujor ru raja' ru Siria.

2 TUNUNG RU BANSA' ISRAIL 19:2

Sangulun nabi ininggalanan ri Jigu anak ri Ganani, minongoi uma' ra raja' am indagu riso, “Musiti' kou kia mangindangan ra ulun malaat am magibaya' ra ulun ondo' manggal ra Tuhan? Binaal muno mangkinibit ra Tuhan sumangit rirun.

2 TUNUNG RU BANSA' ISRAIL 20:34

Ngaangai' binaal ru Raja' Josapat, intor ra talimpuun ru pamarintaan nano saboi ra pupus, tinulisan giu' ra ralalom ru kitab Sejarah ri Jigu Anak ri Ganani, iono santayaran intor ra kitab Sejarah ru Raja'-Raja' ru Israil.

AYUP 30:4

Namubul ilo ra bulungkut giu' ra tana' kaagisan, am mangakan ra raun am bakat nano.

AMOS 1:1

Gitio noyo ragu-ragu ri Amos, sangulun magagalung ra domba intor ra bandar Tikoa. Ruo ngambilor ra kalo poyo nasauk tana' mogonggon, paat ra pagun ru Jiuda pinarinta ru Raja' Ujia am Israil pinarinta ru Raja' Jirobiam anak ungkuyon ru Raja' Jigoas, pinabala' ri Aki Kapuuno' ri Amos baal-baal intor ra Israil.

AMOS 3:8

Paat ra singa' mansangal, osoi kia kalo malaa'? Paat ra Tuhan Raja' mindagu, osoi kia mokopongkoror am kalo nampatanou ra tanou Nano?

JAKARIA 13:5

Kaa' mindagu io, ‘Sala' ka nabi aku. Aku ti magitanom – magitanom buoi ru bayag kuno.’

1 KORINTUS 1:27

Siningon ri Aki Kapuuno' nampili' ra ondo' kinara' ra sasambungon ru ulun ru tana' ti, koson mampakauyu' ra ulun-ulun mapintar no. I Aki Kapuuno' niayuk nampili' ra ondo' kinara' ra malawo ru ulun ru tana' ti, koson mampakauyu' ra ulun-ulun maikang no.

1 SAMUIL 10:11

Ulun ondo' nakaulig ri Saul intor ragili, nakakito ra paliso nano am sakukuot ra rondo' am bokon, “Atan kinua' nasauk ra anak ri Kis no? Inda' nua' ru i Saul niayuk nasauk ra sangulun nabi?”