AMOS 7:13 - Tanou Moonsoi Timugon

¹³ Pai' boo raguo' manala' ragiti ra Bitil. Bandar ti tayar ayuk ru raja' sumambayang, iono intok sambayangan ru pagun.”

AMOS 7:13 ပူးပေါင်းရင်းမြစ်များ

1 RAJA'-RAJA' 12:29

Raja' Jirobiam noposoroi rondo' sinungkalalaing ru sapi' mas giu' ra Bitil am rondo' poyo giu' ra Dan.

1 RAJA'-RAJA' 12:32

Raja' Jirobiam niayuk namuun ra rondo' pangiantakan ru ugama paat ra orou koopor am limo ra sila' kabalu', koson ra pangiantakan giu' ra Jiuda. Giu' ra rasawat ru altar ra Bitil, nampataak io ra taak ra ngaangai' sinungkalalaing ru sapi' mas ondo' binaal nano. Raja' Jirobiam nampaayan ra imam-imam giu' ra Bitil, iono imam-imam ondo' mangandoi ra intok-intok sambayangan ondo' binaal nano.

1 RAJA'-RAJA' 13:1

Paat raginio mokoondo' sangulun nabi intor ra Jiuda. Sinusub io ru Tuhan koson mongoi ra Bitil. Nabi no nakasaboi ra giu' no paat ra Raja' Jirobiam minigor ra saang ru altar koson mampataak ra taak simbalui.

2 RAJA'-RAJA' 14:24

Makatula Raja' Jirobiam ra Tuhan, sabap minaya' ra binaal ru Raja' Jirobiam anak ri Nibat, raja' ra nakapagulu i, ondo' nangkinibit ra ulun ru Israil makatula.

JISAYA 30:10

Susubon nilo nasuangan nabi kalo paindaguon. Mindagu ilo, “Pai' paraguo' ragu ra motopot no ramon, kaa' paraguo' noyo ragu ra masaga' mai rongogon. Polosoo' akai no mantutuyang.

JIRIMIA 26:9

Kua baani kou mindagu ralalom inggalan ru Tuhan ra Baloi Nati masauk koson ra Silo, am ra bandar ti pusoon am masauk ra intok ondo' kalo boo ayanin?” Linimpuan aku boo ru ulun masuang.

AMOS 2:12

Kaa' nanusub kau ra ulun Nazir nanginum ra wain, saboi liminungkang ilo ra bantu'. Nanginggalar kau niayuk ra nabi-nabi nampasaboi ra tanou Kuno.

AMOS 3:14

Paat ra orou Aku mangukum ra ulun ru Israil sabap ra tula nilo, pusoon Ku altar-altar giu' ra Bitil. Moonong altar pandakon sangau-sangau nano saboi maratu' ra tana'.

AMOS 5:5

Pai' ongoi ra Birsyiba koson sumambayang. Pai' paguyum Raki' giu' ra Bitil sabap ra Bitil lumiot. Pai' ongoi ra Gilgal, sabap ra mamagun ru bandar no patirin ra pagun.”

AMOS 7:16

Ginio ra rongogo' noyo ragu ru Tuhan. Sabap ra nanginggalar i Amajia raki' mindagu ra manala' manggal ra ulun ru Israil,

AMOS 7:9

Intok-intok ondo' pakayon ru papag ri Isak koson sumambayang umokon. Intok-intok mapasau ru ulun ru Israil maangun ra natuyas. Pupusin Ku pamarintaan ru sasambaloi ru Raja' Jirobiam.”

RINALATAN 5:28

“Linolob takamin noyo ra pai' kau pangila' ra pangilaan ru ulun ragili. Kaa' ilai' boo binaal min! Nampatabual kau ra pangilaan min ra titikop ru Jirusalim ti, am nanguu' kau poyo ra akai no nangkinibit ra pinatayan ru ulun i.”

RINALATAN 5:40

Piawo' nilo saguli' rasul-rasul no, am palapasi' boo am inggalari' ilo manabit ra inggalan ri Jisus. Kopongo ragili pinalabus ilo.