AMOS 7:1 - Tanou Moonsoi Timugon

¹ Nakaalap aku ra rondo' napakitanan intor ra Tuhan Raja'. Ralalom ru napakitanan no nakito ku Io nambaal rondo' sampanon ru gapu' kalupus ulun nopolontob ra sakot tayar ru raja'. Paat raginio sakot tumalimpuun poyo tumuu'.

AMOS 7:1 ပူးပေါင်းရင်းမြစ်များ

JISAYA 33:4

Rapu' nilono ginaau am inalap ru ulun bokon.

JIRIMIA 24:1

Rondo' paat ra Tuhan nangani' raki' ra rondo' pinaintalang. Baal raginio nasauk nalupus Raja' Joyakin anak ungkuyon ru Raja' Joyakim intor ra Jiuda, nabaya' ra pagawai-pagawai ru pamarintaan ru Jiuda, ulun manukang am mangngandoi ra mapandai toojo, rinakop ru Raja' Nibukadnijar intor ra Babilonia, am inibit koson ra ulun rinakop intor ra Jirusalim minongoi ra Babilonia. Nakito ku ruo ngambakul kawa' ru ara pinabanta' giu' ra saang Baloi ru Tuhan.

YEHEZKIEL 11:25

am aku pana nambala' ra ulun pinatiran intor ra ngaangai' ondo' nanuluan ru Tuhan raki'.

JOIL 1:4

Sampanon ru gapu' ondo' kalo mauntob suang no minorop giu' ra umo-umo am nangai' ra ampos no. Atan ondo' tinatang ru sampanon ra gapu' no, sinaliir ru sampanon ra bokon poyo.

JOIL 2:25

Paaligon Ku ngaangai' nangalubat ramuyun ra bilor-bilor bulintok ra gapu' nangakan ra ampos ru tinanom min. Aku noyo ondo' nanusub ra sampanon ru gapu' no nantipagon ramuyun.

AMOS 4:9

“Atarin Ku angin malasu' am pasisang koson mamuso ra tinanom min giu' ra umo am puun ru anggur min. Akanon koyoo' ru gapu' puun ara am puun jaitun. Kabalu' pana raginio kalo niayuk sumaguli' kau Raki'.

AMOS 7:4

Nakito ku poyo rondo' napakitanan intor ra Tuhan Raja'. Nakito ku Io tatanga' tumampos koson mangukum ra ulun Nano ra apui. Apui no monolob pangai' ra raat maayo giu' ra ragana' ru tana' am tumalimpuun monolob ra tana'.

AMOS 7:7

Nakaalap aku rondo' napakitanan ra bokon intor ra Tuhan. Nakito ku Io minigor ra sapapa' ru rondo' timbok ondo' binaal am namakai ra kalat panuku' ondo' maawar ra mabanis, am nampaguut Io rondo' kalat panuku' no.

AMOS 8:1

Nakaalap aku ra rondo' poyo napakitanan intor ra Tuhan Raja'. Nakito ku kikinawa' giu' ra ralalom ru bakul.

JAKARIA 1:20

Tuhan pana nanulu' boo ra apat ngaulun manukang ra basi' ondo' nagibit ra tukul.

MALIAKI 3:11

Kalo polosoon Ku bibiag boborok mamuso ra tinanom min; puun ru anggur min makakawa' ra maawas.