AMOS 6:8 - Tanou Moonsoi Timugon

⁸ Kinalasang ru Tuhan Raja' Ondo' Maayo Kaga' Kuasa' nampakara' ragitio, “Masisang Aku ra kinalimbau ru ulun ru Israil; masisang Aku kaga' ra baloi moonsoi nilo. Pusor bandar nilo am ngaangai' ondo' soroi ra giu' pataakon Ku ra pantula'.”

AMOS 6:8 ပူးပေါင်းရင်းမြစ်များ

KASAUKAN 22:16

kono, “Ragu ru Tuhan: Magibot Aku ra inggalan Kuno galama', sabap ra binaal mu gitio am kalo inanggal mu koson mapataak ra anak langkuir muno Raki'.

MAZMUR 106:40

Ginio ra Tuhan sumangit ra ulun Nano; am mataman Io magilong risilo.

MAZMUR 47:4

Io mangindangan ritakau nangala ra ngaangai' bansa', am mapasauk ritakau ra mamarinta ra bansa'-bansa'.

MAZMUR 50:12

Amon maitilan Aku, kalo makipakan Aku ramuyun, sabap ra tana' ti am niayuk suang no longgom Kuno.

MAZMUR 78:59

Siminangit toojo i Aki Kapuuno' bulintok nakakito ra babaal raginio, am inggalari' No lingono' ngaangai' ulun Nano.

AMSAL 8:13

Mangurumat ra Tuhan arati' no masisang ra kalaatan; masisang aku ra malilimbau am masawat ragu, paliso ra malaat am ragu-ragu ra mamparuung.

JISAYA 28:1

Aibui boo ra pamarintaan ru Israil! Kinoonsoi nano malaut koson ra sampungu busak ondo' liminonot giu' ra rasawat ru ulu ru ngaangai' tingganai nano ondo' nangagauk. Aibui boo ra bandar ondo' masawat kaga' giu' ra tatanga' ru limayak malabung, kasagain kaga' ru ulun ondo' nakalangan ra nagauk am kalo boo makatutun.

JIRIMIA 12:8

Ulun pinili' Kuno minanggal Raki'; koson ra singa' giu' ra gimbaan koon raginio noyo ra ilo sumingangal Raki'. Ginio sabap ra masisang Aku risilo.

JIRIMIA 22:14

Aibui boo ra ulun ondo' mindagu, “Mambaal aku ra istana ondo' mokoondo' ra lamin-lamin mangaayo giu' ra luting no.” Pambaal io boo ra gigimpalan ra baloi nano, am tataun pinangiing intor ra tataun sidar, am tinulisan ra batik malia'.

JIRIMIA 22:5

Kaa' amon ru kalo gumagaya' kau ra susuban Kuno, magibot Aku ra istana ti masauk ra mapuut. Aku, Tuhan nakaindagu noyo.

JIRIMIA 44:26

Kaa' raino rongogo' atan ondo' raguon Kuno rirun, ngaangai' kau ulun ru Israil ondo' minayan ra Misir: Aku, Tuhan nagibot ralalom inggalan Kuno ondo' matulai ra topot-topot kalo mangiou Aku ramuyun mamakai ra inggalan Kuno paat ra akau magibot. Kalo paindaguon kau, ‘Magibot aku ralalom inggalan ru Tuhan Raja' ondo' maayag!’

JIRIMIA 49:13

Aku galama' nagibot noyo ra bandar Bojra masauk ra tana' kaagisan ondo' makalalaa'. Ulun makakurit riso am alapon inggalan nano koson ra pagulasan. Pekan-pekan giu' ra liliut nano pana malunsai ra sabubuoi no. Aku, Tuhan nakaindagu noyo.”

JIRIMIA 51:14

Tuhan Ondo' Maayo Kaga' Kuasa' nagibot noyo ralalom inggalan Nano galama' ra mamparatong Io ra ulun ra kinasuang no koson ra gapu' sampanon koson mamulunsar ra Babilonia, am gumolok ilo ra golos ru kamanangan.

SULABOI 2:5

Koson ra pantula', namuso noyo Tuhan ra Israil; namuso Io ra ngaangai' kubu am istana nano. Namparuang Io ra kangilukan ru mamagun ru Jiuda.

YEHEZKIEL 24:21

nampasaboi ra tanou ti ramuyun, ulun ru Israil: Lumimbau kau ra kinapiot ru Baloi ru Tuhan. Masaga' kau magilong am mongoi ilong, kaa' jamalin ginio ru Tuhan. Ulun ru sasambaloi min ondo' lakat poyo mamulok, ondo' minayan giu' ra Jirusalim potoyon ralalom ru pangayawan.

GOSIA 11:6

Pangayawan lumumpa' ra bandar-bandar nilo, am kulobon garabang ru bandar lunsayon. Ulun Kuno pusoon sabap ra sinugut nilo kasagaan nilo galama'.

IMAMAT 26:11

Mayan Aku ramuyun ralalom ru Kim Kuno, am kalo toojo mangimpai ramuyun.

IMAMAT 26:30

Mamuso Aku ra intok pampakanan mino giu' ra bulur-bulur no, mampalunsai ra altar-altar intok min monolob ra kaminyan, am mamatir ra baangkai mino ra rasawat ru sinungkalalaing ondo' natungkob no. Sabap ra majamalan,

AMOS 3:10

Indagu Tuhan, “Sinuangan ru mamagun ru Samaria baloi nilo ra kuliamos-kuliamos ondo' noowot intor ra kalaatan am nantakawan. Totopot ilo kalo makapandai ra mabanis guang.

AMOS 3:11

Ginio ra magawang pantula' ra pagun nilo, mamuso ra pangampinan, am mantakou ra baloi maayo nilo.”

AMOS 4:2

Aku, Tuhan Raja' matulai. Binantu' Ku noyo ra masaboi paat no ra akau ralaaton ra kakait; akau ngaangai' masauk koson ra papait soroi ra pamata'.

AMOS 5:21

Indagu Tuhan, “Masisang Aku am mampalua' ra pangiantakan ru ugama min; nasuraan Aku magilong raginio!

AMOS 8:3

Paat ra orou raginio rimbai giu' ra istana masauk ra manulaboi. Baangkai mokoloso ra ngaangai' intok. Baangkai-baangkai no patirin ra sinokon.”

AMOS 8:7

Tuhan, i Aki Kapuuno' ru Israil nagibot noyo, “Totopot kalo lilianin Ku binaal nilo ondo' malaat.

JAKARIA 11:8

Nakai' noyo orot kuno ra talu ngaulun magagalung ra bokon ondo' masisang raki'. Ginio ra pagiruon ku ilo ralalom buoi sansila'.

SAGULION 32:19

“Paat ra nakito ru Tuhan baal raginio, sangit Io, anak Nano ra ungkuyon am ruandu', inimpayan No.