AMOS 6:2 - Tanou Moonsoi Timugon

² Kaa' raino ongoi kano ilong ra bandar Kalni. Ugar no ayuk mongoi giu' ra bandar Gamat ondo' maayo, am giu' ra bandar Gat giu' ra Palistin. Indoson min kia ra bandar-bandar no moonsoi poyo intor ra pamarintaan ru Jiuda am Israil? Maayo poyo kia wilayah nilo intor ra wilayah min?

AMOS 6:2 ပူးပေါင်းရင်းမြစ်များ

KASAUKAN 10:10

Pamarintaan galing ri Nimrod nakaaya' Babil, Irik am Akad. Katatalu no ralalom ru pagun Babilonia.

2 SAMUIL 8:9

Raja' Tou intor ra pagun Gamat nokorongog ra nangala Raja' Daut ra ngaangai' saujor ru Raja' Gadadijir.

1 RAJA'-RAJA' 8:65

Giu' ra Baloi ru Tuhan no niayuk, Raja' Salomo am ngaangai' ru ulun ru Israil mangiantak ra Mangkalukub ra Raun buoi tulu' ngoorou. Masuang kaga' ulun matong mangiantak ra pangiantakan no. Intor ilo ra libung ra kinagalur ru Ginting Gamat giu' ra ralayo am balitan ru pagun ru Misir giu' ra rabugus.

2 RAJA'-RAJA' 17:24

Nagibit raja' ru Asyur ra ulun intor ra bandar Babil, Kuta, Awa, Gamat am Siparwaim minongoi ra bandar-bandar giu' ra Samaria koson mamalit ra ulun ru Israil ondo' pinatiran ra pagun. Sinalingapu nilo ra bandar-bandar no am ayan ra giu' no.

2 RAJA'-RAJA' 17:30

Ulun ru Babil nambaal ra sinungkalalaing Dewa Sukot-Binot, ulun ru Kuta nambaal ra sinungkalalaing Nirgal, ulun ru Gamat nambaal ra sinungkalalaing Asima,

2 RAJA'-RAJA' 18:34

Ati kia dewa-dewa ru pagun ru Gamat am Arpad raino? Ati kia dewa-dewa Siparwaim, Gina am Iwa? Nakaili' kia osoi-osoi namayag ra Samaria?

2 RAJA'-RAJA' 19:13

Ati kia raja'-raja' ru bandar Gamat, Arpad, Siparwaim, Gina am Iwa raino?”

2 TUNUNG RU BANSA' ISRAIL 26:6

Nangayou Raja' Ujia ra ulun ru Palistin. Ginaba' no timbok ru bandar Gat, Jabni am Asdod, am nambaal ra bandar-bandar mokoondo' ra kubu mamaar ra Asdod am giu' ra intok ru ulun ru Palistin.

JIRIMIA 49:23

Koon raginio noyo ragu ru Tuhan intor ra bandar Damsyik, “Mamagun ru bandar Gamat am Arpad maimamang am magalabo sabap ra nokorongog ilo ra tanou malaat. Guang nilo maimamang am magalabo nakalumpa' risilo koson ra kinulun ru raat.

NAGUM 3:8

Okou Niniwi, moonsoi kou poyo kia intor ra Tibi, pusor bandar ru Misir? Tibi niayuk mokoondo' ra sungoi ondo' mangampin riso koson ra timbok; Sungoi Nil noyo gagampin nano.

1 SAMUIL 17:23

Kaa' paat ra io magindagu risilo, ujak i Goliat am anggal ra saujor ru Israil koson ra ondo' maindalom nano baalon; norongog ri Daut ragu-ragu manggal nano.

1 SAMUIL 17:4

Sangulun ungkuyon ondo' makainggalan ri Goliat, intor ra bandar Gat, miningkual intor ra pangkiman ru Palistin koson gumula' ra ulun ru Israil. Sawat ru ulun no olo'-olo' talu ngamito.

1 SAMUIL 5:10

Ginio ra inataran nilo Kaban Nabantuan no ra Ikron, rondo' bandar ru Palistin ra bokon poyo. Kaa' paat Kaban no nakasaboi ra giu' no, indagu mamagun ru bandar no, “Ilai' noyo, nagibit ilo ra Kaban Nabantuan ri Aki Kapuuno' ru Israil no ragiti koson mamatoi ritakau ngai'!”

1 SAMUIL 5:8

Ginio ra nampiau ilo ra kalilimo ngaulun raja' ru Palistin ra tumimung, am pangkuot, “Atan kinua' moonsoi baalon takau ra Kaban Nabantuan ri Aki Kapuuno' ru ulun ru Israil no?” Taam raja'-raja' no, “Pabandingo' Kaban no ra bandar Gat.” Kaban no pana pinabanding boo ra Gat, rondo' bandar ru Palistin ra bokon.