AMOS 6:14 - Tanou Moonsoi Timugon

¹⁴ Indagu Tuhan Ondo' Maayo Kaga' Kuasa', “Ulun ru Israil, mangator Aku ra saujor ru rondo' bansa' ra bokon koson manguasa' ra pagun min. Mangimbolo' ilo ramuyun, intor ra Ginting Gamat giu' ra ralayo saboi ra Limayak Araba giu' ra rabugus.”

AMOS 6:14 ပူးပေါင်းရင်းမြစ်များ

1 RAJA'-RAJA' 8:65

Giu' ra Baloi ru Tuhan no niayuk, Raja' Salomo am ngaangai' ru ulun ru Israil mangiantak ra Mangkalukub ra Raun buoi tulu' ngoorou. Masuang kaga' ulun matong mangiantak ra pangiantakan no. Intor ilo ra libung ra kinagalur ru Ginting Gamat giu' ra ralayo am balitan ru pagun ru Misir giu' ra rabugus.

2 RAJA'-RAJA' 14:25

Raja' Jirobiam nampagaau saguli' ra ngaangai' wilayah ondo' ragili linonggom ru Israil, intor ra Ginting Gamat giu' ra ralayo saboi ra Raat Matoi giu' ra rabugus. Koon raginio noyo ondo' binantu' ragili ru Tuhan, i Aki Kapuuno' ru Israil, pinabala' galing ra ulipon Nano, Nabi Junus anak ri Amitai intor ra Gat-Gipir.

2 RAJA'-RAJA' 15:29

Paat ra pamarintaan ru Raja' Pika, Raja' Pul, raja' ru Asyur nampagaau ra bandar Iyon, Abil-Bit Maakga, Janoa, Kidis, Gajor, libung Giliad, Galilia am Naptali. Inibit no mamagun ru bandar no minongoi ra Asyur koson ra ulun rinakop.

2 RAJA'-RAJA' 17:6

iono paat ra bilor kasiam ra pamarintaan ru Raja' Gosia, raja' ru Asyur nangala ra Samaria. Inibit no ulun ru Israil giu' ra Asyur koson ra ulun rinakop. Santayaran ra ulun ru Israil no pinaayan no giu' ra bandar Galag, santayaran no giu' ra kiing ru Sungoi Gabor giu' ra libung ru Gojan, am santayaran poyo giu' ra bandar-bandar ru pagun Madai.

JISAYA 7:20

Bulintok raginio Tuhan mampagaji' ra sangulun manunukur, ioginio raja' Asyur intor ra sandaup ru sungoi Iprat. Raja' no manukur ra jangut am abuk ra ulu ru ulun ru Israil, am niayuk bulu ra inan nilono.

YEHEZKIEL 47:20

Balitan ralayo binaal ru Raat Tanga', am mongoi ra ralayo saboi ra rondo' intok giu' ra tampilon kalasaan ru Ginting Gamat.

GOSIA 10:5

Mamagun ru bandar Samaria malaa' am nangulir sabap ra natatakan ra sapi' mas giu' ra Bitil. Ilo am imam-imam ondo' nangandoi ayuk ra sapi' mas mantangi'. Gumolok ilo paat ra katulayan ru sinungkalalaing no lumiot.

AMOS 3:11

Ginio ra magawang pantula' ra pagun nilo, mamuso ra pangampinan, am mantakou ra baloi maayo nilo.”