AMOS 6:13 - Tanou Moonsoi Timugon

¹³ Masawat ragu min sabap kinala min noyo bandar Lodibar. Kamin ra liminimbau, “Naukop ikang mai koson mampagaau ra bandar Karnaim.”

AMOS 6:13 ပူးပေါင်းရင်းမြစ်များ

2 RAJA'-RAJA' 13:25

Paat raginio Raja' Jigoas intor ra Israil, intalu nangala ra Raja' Bingadad. Raja' Jigoas nampagaau saguli' ra bandar-bandar ondo' pinarinta ru Raja' Bingadad paat ra pamarintaan ru Raja' Jigoagas, ama' ru Raja' Jigoas.

2 RAJA'-RAJA' 14:25

Raja' Jirobiam nampagaau saguli' ra ngaangai' wilayah ondo' ragili linonggom ru Israil, intor ra Ginting Gamat giu' ra ralayo saboi ra Raat Matoi giu' ra rabugus. Koon raginio noyo ondo' binantu' ragili ru Tuhan, i Aki Kapuuno' ru Israil, pinabala' galing ra ulipon Nano, Nabi Junus anak ri Amitai intor ra Gat-Gipir.

AYUP 31:25

kapoam lumimbau ra rapu' kuno.

AYUP 31:29

Kalo igondo' aku maansukan paat ra pantula' kuno maimbolo', am kalo igondo' maansayan paat ra ilo malumpa' ru karaat.

AYUP 8:14

Malansan ilo ra banang ondo' malumot, mangintopot ilo ra tambaloi ru lawa'.

AYUP 8:15

Mapiot kia bunsut no amon ru saukon ra sandigan? Maikang kia banang amon saukon ra guutan?’

MAZMUR 2:2

Raja'-raja' ru tana' ti nagagampan giminuor, am ngaangai' namarinta maguguum guang tumula' ra Tuhan am raja' pinili' Nano.

MAZMUR 75:4

Kabalu' pana tana' ti mauyog am ngaangai' ru mamagun monontol, kapioton ku lugu'-lugu' no.

MAZMUR 75:5

Mambala' aku ra ulun mangalaat maa' raginio kalo lumimbau ilo;

MAMPATANOU 11:9

Ulun mamulok kau ngai', sia' no ra paat mamulok mino. Pakaansuk no paat ra akau lakat poyo mamulok. Baalo' noyo kasagaan min, am baya' no ra kasagaan ru guang min. Kaa' karaa' noyo ra ngaangai' binaal min akimin ri Aki Kapuuno'.

JISAYA 7:1

Raja' Agas ioginio buayoi ri Raja' Jotam am akupu ri Raja' Ujia. Bulintok ra Raja' Agas namarinta ra Jiuda, nasauk noyo pangayawan. Raja' Rijin, raja' ru pagun Siria, am Raja' Pika anak ri Rimalia, ioginio raja' ru Israil, namulunsar ra Jirusalim kaa' kolondo' ampos nilo mangala ra bandar no.

JISAYA 7:4

Susubo' io tumampos am pai' kalingas. Kalo pana malaa' io kapoam magalabo. Sangitan ru Raja' Rijin am ulun ru Siria am niayuk Raja' Pika kalo makalalaa' ka lisun intor ra ruo polompor ru luton.

JISAYA 8:6

Kon Nano, “Sabap ra ulun ragitio marara' ra timug ondo' maliuk intor ra Sungoi Syiloa, am makaansuk ilo ra saang ru Raja' Rijin am Raja' Pika,

JIRIMIA 50:11

Indagu Tuhan, “Mamagun kau ru Babilonia, ginaawan min ulun Kuno. Maansukan kau am magilakup, tumindak-tindak koson ra sapi' ondo' mangagik ra gandum kapoam koson ra kuda ondo' mampagala',

JIRIMIA 9:23

Indagu Tuhan, “Ulun mapintar kalo mamanggo sabap ra kapintaran nilo, ulun maikang kalo mamanggo sabap ra kaikangan nilo, am ulun langkaya' kalo mamanggo sabap ra kalangkayaan nilo.

YEHEZKIEL 29:3

Balai' io ra gitio noyo ragu ru Tuhan Raja' ra raja' ru Misir, ‘Aku pantula' muno, okou buayo maayo ondo' liminuya' giu' ra sungoi! Kamu ra Sungoi Nil no longgom muno, am okou nambaal no.

YEHEZKIEL 29:9

Masauk Misir ra intok kolondo' tutuu' am masiluk. Makapandai kau boo ra Aku noyo Tuhan. “Okou raja' ru Misir! Sabap ra minindagu kou ra Sungoi Nil longgom muno, am okou nambaal no,

DANIL 4:27

Ginio ra, okou raja', baya' no ra bilin kutu. Pai' boo pambaal ra tula. Baalo' atan ondo' moonsoi am matimpok, pakaasi' no ra ulun ondo' inimbolo'. Koson raginio noyo okou magulayun langkaya'.”

DANIL 4:30

indagu raja', “Ilai', mapara' gayo ru bandar Babil! Binaal ku ginio koson ra pusor bandar kuno koson mapainono' ra kuasa' am kinaayo kuno, katulayan am niayuk kinaikang kuno.”

JUNUS 4:6

Paat raginio Tuhan i Aki Kapuuno' nampatuu' ra rondo' tutuu' koson masindungan i Junus saboi maansayan io. Masaga' toojo i Junus ra tutuu' no.

JIPANYA 3:11

Paat raginio, akau ulun Kuno, kalo boo pana mauyu' kau sabap giminuor kano Raki'. Impayin Ku moonong ulun malilimbau am minsawat ragu; akau kalo boo gumuor Raki' giu' ra bulur Kuno ondo' matulai.

JAKARIA 1:19

Nangkuot aku ra malaikat ondo' minindagu raki', “Atan kia arati' ru sangau-sangau no?” Timinaam io, “Sangau-sangau no tatandu' ru kuasa' pamarintaan ru tana' ti ondo' nampatutuliar ra mamagun ru Jiuda, Israil am Jirusalim.”

JUANIS 16:20

Balain takamin toojo: Mantangi' am manulaboi kau, kaa' ulun ru tana' ti maansukan. Mangiluk guang mino, kaa' guang min ra mangiluk no makulau boo ra maansukan.

JAKUBUS 4:16

Kaa' raino minsawat boo guang min am lumimbau kau ayuk. Ngaangai' ragu lumimbau ti kalo noyo moonsoi.

PINAINTALANG 11:10

Ngaangai' ilo no maansukan ra pinatayan ru ruo ngaulun sasi' no. Munsag ilo am magagator ilo ra tangguang ra rondo' am bokon, sabap ra ruo ngaulun nabi no nangimbolo' toojo ra ulun ru tana' ti.

TINGGANAI RU BANSA' 9:27

Minongoi ilo ngaangai' ra umo ru anggur am nangupu' ra kawa' ru anggur. Pagaa' nilo boo kawa' ru anggur no, nambaal ra wain, am nambaal ra bunsag maayo. Nangakan nanginum ilo giu' ra ralalom kuil ru dewa nilo, liliwa' nagagasab ri Abimilik.

1 SAMUIL 4:5

Paat ra Kaban Nabantuan no nakasaboi ra pangkiman, noloos saujor ru Israil ra mapuor kaga' sabap ra naansukan, saboi tana' ti mapuyu'.