AMOS 6:10 - Tanou Moonsoi Timugon

¹⁰ Sangulun pabukat no, ondo' pinalansanan manalingapu ra pampalabangan ru ulun ondo' minatoi, matong koson ibiton mingkual baangkai ru pabukat nano. Mampiau io ra ulun ondo' soroi giu' ra ralalom ru baloi no, “Mokoondo' osoi kia poyo ondo' lakat poyo naayag suai ramuyun?” Taam ondo' morongog, “Kolondo'!” Pabukat no pana mindagu boo, “Pai' no boo indagu! Kalo iowon takau manabit ra inggalan ru Tuhan.”

AMOS 6:10 ပူးပေါင်းရင်းမြစ်များ

2 RAJA'-RAJA' 23:16

Kopongo raginio nampulolou Raja' Josia ra liliut nano am nakakito ra kukula' lobong giu' ra rasawat ru bulur. Kinali no lobong-lobong raginio, am nangingkual am nonolob ra bungul intor ra lobong-lobong raginio, giu' ra rasawat ru altar. Ginii noyo binaal ru Raja' Josia nampajamol ra altar no. Koon raginio noyo ragu inala' ru sangulun nabi paat ra pangiantakan, bulintok Raja' Jirobiam miningor mamaar ra altar no. Nampulolou poyo Raja' Josia ra liliut nano, am nakakito ra rondo' lobong ra bokon.

2 RAJA'-RAJA' 6:33

Kalo poyo nakai' ragu-ragu ri Ilisa, raja' pana minatong am indagu, “Tuhan naparatong ra kapaganan ti ritakau! Atan kia onong kuno maginaa ra indangan Nano?”

JIRIMIA 16:6

Ulun langkaya' am ulun musikin ra pagun ti matoi, kaa' kolondo' osoi pana manulaboi kapoam mompolobong risilo. Kolondo' sangulun pana mamilat ra inan kapoam mambulut ra ulu koson tatandu' mangulir risilo.

JIRIMIA 44:26

Kaa' raino rongogo' atan ondo' raguon Kuno rirun, ngaangai' kau ulun ru Israil ondo' minayan ra Misir: Aku, Tuhan nagibot ralalom inggalan Kuno ondo' matulai ra topot-topot kalo mangiou Aku ramuyun mamakai ra inggalan Kuno paat ra akau magibot. Kalo paindaguon kau, ‘Magibot aku ralalom inggalan ru Tuhan Raja' ondo' maayag!’

JIRIMIA 9:21

Kapatayan siminubol noyo minaya' ra gigimpalan, am siminubol ra ralalom ru istana takau; kapatayan siminansar ra anak-anak giu' ra ralan maayo am buayoi-buayoi giu' ra intok malimparang.

YEHEZKIEL 20:39

Indagu Tuhan Raja', “Raino alii ra ulun kau ngai' ru Israil, pambaal kano maya' ra kasagaan min! Samba kano ra sinungkalalaing min! Kaa' aniin Takamin ra pampakaraan ra kalupus raginio musiti' kau gumagaya' Raki', am kalo boo mampajamol ra inggalan Kuno ondo' matulai ra magibit ra taak ra sinungkalalaing min.

YEHEZKIEL 24:21

nampasaboi ra tanou ti ramuyun, ulun ru Israil: Lumimbau kau ra kinapiot ru Baloi ru Tuhan. Masaga' kau magilong am mongoi ilong, kaa' jamalin ginio ru Tuhan. Ulun ru sasambaloi min ondo' lakat poyo mamulok, ondo' minayan giu' ra Jirusalim potoyon ralalom ru pangayawan.

AMOS 5:13

Sabap ra binaal mino, ulun mapintar pana mangkara' moonsoi poyo mongkoror ayuk paat ra malaat koson raginio.

AMOS 8:3

Paat ra orou raginio rimbai giu' ra istana masauk ra manulaboi. Baangkai mokoloso ra ngaangai' intok. Baangkai-baangkai no patirin ra sinokon.”

UNTABAN 17:12

Indagu boo ulun ru Israil ri Musa, “Amon ru koson raginio, matoi akai! Maluus akai!

1 SAMUIL 31:12

kukula' ngaulun ondo' baani kaga' minugar am nangkiralan ra buoi ru rondom minongoi ra Bit-Sian. Pinatuun nilo baangkai ru Raja' Saul am anak-anak ungkuyon nano intor ra timbok ru bandar, am inibit ginilo saguli' ra Jabis, am sinolob ngaangai' baangkai no ra giu' no.