Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




AMOS 5:6 - Tanou Moonsoi Timugon

6 Saguli' kano ra Tuhan, am akau pana maayag. Amon ru kalo sumaguli' kau Riso, matong Io koson ra apui ondo' bibilak ra ulun ru Israil. Apui monolob ra mamagun ru Bitil am kolondo' sangulun pana makalasa' ra apui no.

အခန်းကိုကြည့်ပါ။ ကော်ပီ




AMOS 5:6
28 ပူးပေါင်းရင်းမြစ်များ  

Nakapandai aku ra natulaan aku noyo; ginio sabap ra siminigulu aku ra ngaangai' bansa' intor ra ralayo koson muma' rirun ra orou raiti'.”


I Jirobiam sangulun mamulok ondo' matasik, am paat ra Raja' Salomo nakakito ra mapara' pirot ri Jirobiam no mangandoi, nangani' Raja' Salomo riso ra kandoi koson ra mantainu ra ngaangai' ulun inulipon giu' ra wilayah ru bansa' ru Manasi am Ipraim.


Inimpayan nilo Aku, am nampataak noyo ra taak-taak simbalui ra tuhan-tuhan ra bokon. Binaal nilo napasingkual ra sangit Kuno. Raino sumangit Aku ra Jirusalim, am sangit Kuno kalo noyo malasa'.


Mindagu guang kutu, “Ibok no sumamba Riso.” Mataki' aku matong, iou Tuhan;


Amon ulun inimpayan magilong ra baal ragitio, maansukan ilo; ulun ondo' sumamba ri Aki Kapuuno' mintopot poyo.


“Amon ru mansuru sasangulun ra umo nano, am sumunsung apui no ra malalaat am rumalat ra umo ru ulun bokon saboi monolob ra gandum ondo' tatanga' tumuu' kapoam gandum ra binangkos noyo, musiti' ulun nansuru no mambayar ra kalubatan.


Koson ra rami nosolob ra baa makaapui, koson raginio niayuk ra ulun-ulun makakuasa' ondo' pusoon ru binaal malaat nilo galama', am kolondo' sangulun pana mopolonggo' ra pamusaan raginio.


Rongogo' noyo akau bansa' Kuno, ratong kano Raki', aniin Takamin ra kaayagan moonsoi. Sabap ra togom am gagaya' ondo' binantu' Ku ri Daut, Timbakasanin Ku bantu' mantilayun Kuno ramuyun.


Saguli' noyo ra Tuhan buoi ra maalap ayuk poyo; piawo' noyo Io buoi ra Io mamaar ayuk poyo.


Indagu aku ra raja', “Okou raja' kalo pataakon ra pantula'. Kitaakon ku, gagayaa' noyo ragu ru Tuhan maa' raginio ngaangai' no maayag am painawo muno pana maalungan.


Guuto' min nabantuan min am Aku, Tuhan min; patimpoko' inan min Raki', akau mamagun ru Jiuda am Jirusalim. Amon ru kalo, sangit Kuno sumolob koson ra apui ondo' kalo malasa' ru osoi pana, sabap ra ngaangai' binaal min ondo' malaat!”


Ginio ra Aku, Tuhan Raja' mampalumpa' ra sangit Kuno ra bibilak ra Baloi ru Tuhan, ra ulun am bibiag, am niayuk ra puun tataun am ampos ru tana' ti. Sangit Kuno bibilak koson ra apui ondo' kalo malasa'.


ra Aku, Tuhan mindagu: Aku pantula' min. Butuson Ku ilang am mamatoi ramuyun ngaangai', ondo' malaat am niayuk ondo' moonsoi.


Balai' ilo ra sabap ra Aku, Tuhan Raja', i Aki Kapuuno' ondo' maayag, kalo masaga' Aku magilong ra ulun makatula matoi. Masaga' Aku poyo magilong ra ilo tumalikur intor ra tula am maayag. Akau Israil, langgai' noyo mambaal ra tula! Kua kasaga' kau matoi?


balai' ilo ra Aku, Tuhan Raja', mangalap ra tataun ondo' makatatandu' ru Israil am patunggulon ginio ra tataun ondo' makatatandu' ru Jiuda. Guuton Ku karuruo tataun no maa' raginio masauk rondo' tataun ralalom ru kalindu' Kuno.


Paat ra orou Aku mangukum ra ulun ru Israil sabap ra tula nilo, pusoon Ku altar-altar giu' ra Bitil. Moonong altar pandakon sangau-sangau nano saboi maratu' ra tana'.


Pirot kano mambaal ra moonsoi am pai' pambaal ra malaat, maa' raginio maayag kau. Tuhan i Aki Kapuuno' Ondo' Maayo Kaga' Kuasa' pana totopot mabaya' ramuyun koson ra rinagu min.


Indagu Tuhan ra ulun ru Israil, “Saguli' kano Raki', am akau pana maayag.


Manginum kau ra wain intor ra mangkuk ondo' tinotop suangi', am nagumau kau ra umau maamis owou ondo' moonsoi kaga', kaa' kalo nanulaboi kau ra naratuan ru Israil.


Saguli' no ra Tuhan, akau ngaangai' ulun ondo' gumagaya' ra susuban Nano. Baalo' noyo atan ondo' kasagaan ru Tuhan, am painggana' guang mino giu' ra saang Nano. Maaru' lair akau makalabus intor ra ukuman paat ra orou ru Tuhan mampakito ra sangit Nano.


Kaikangon Ku mamagun ru Jiuda; mamayag Aku ra mamagun ru Israil. Makaasi' Aku risilo am magibit risilo ngaangai' muli'. Pamakuan Kuno risilo ilain koson ayuk ra ilo kalo igondo' Ku impayi'. Aku noyo Tuhan, i Aki Kapuuno' nilo; iowon Ku pakiasian nilo.


Sangit Kuno bibilak koson ra apui, am monolob ra ngaangai' rasawat ru tana'. Tumuun apui no ra tana' ru ulun namagatoi, am mangumpo ra bakat ru gunung-gunung.


sabap Tuhan i Aki Kapuuno' mino koson ra apui ondo' mangumpo. Kalo masaga' Io pogondoon ra atan pana.


Tayaron tana' no ra tulu' ngantayaran: bansa' ru Jiuda magulayun ra wilayah nano giu' ra tampilon rabugus am bansa' ru Jusup giu' ra wilayah nano tampilon ralayo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ