AMOS 5:2 - Tanou Moonsoi Timugon

² Israil, anak ralaa no naratu' noyo, kalo boo makaluat io! Polosoon io makaluya' ra tana' nano galama', kolondo' osoi pana mangindangan riso migor.

AMOS 5:2 ပူးပေါင်းရင်းမြစ်များ

2 RAJA'-RAJA' 15:29

Paat ra pamarintaan ru Raja' Pika, Raja' Pul, raja' ru Asyur nampagaau ra bandar Iyon, Abil-Bit Maakga, Janoa, Kidis, Gajor, libung Giliad, Galilia am Naptali. Inibit no mamagun ru bandar no minongoi ra Asyur koson ra ulun rinakop.

2 RAJA'-RAJA' 17:16

Inanggal nilo ngaangai' ukum ru Tuhan, i Aki Kapuuno' nilo, am niayuk nambaal ra ruo sinungkalalaing ru sapi' intor ra basi' koson ra sambaan. Nambaal ilo niayuk ra sinungkalalaing Dewi Asyira, sumamba ra butitin-butitin am Baal.

JISAYA 14:21

Pangingguluan patalimpuunon noyo. Ngaangai' anak ru raja' ti matoi sabap ra tula ru kinamatuaan nilai. Kolondo' sangulun pana risilo makapamarinta ra tana' ti kapoam mambaal ra bandar-bandar.”

JISAYA 24:20

Tana' ti makasiling koson ra ulun nagauk, am mauyog koson ra kalukub natiu' ru bagiu'. Tana' ti maluyu' sabap tula nano maagat, am matutuk boo am kalo boo tumirong saguli'.

JISAYA 3:8

Jirusalim naratu' noyo! Jiuda pana napuut! Nansalinut raguon am binaal nilono manggal ayuk ra Tuhan. Kalo boo moopot nilo magasab ri Aki Kapuuno'.

JISAYA 37:22

Gitio noyo ragu ru Tuhan, “Bandar Jirusalim mangiis am niayuk magasab rirun, okou Sanirib.

JISAYA 43:17

Pinuso No pulalai ru saujor ra masuang; pulalai ru kurita' kuda am pulalai manangkuda. Maratu' ilo, kalo boo makasukal; matoi ilo koson ra sumbu' nalasa'.

JIRIMIA 14:17

Nanusub Tuhan raki' mambala' ra kangilukan kuno ra ulun Nano. Musiti' ku raguon koson ragitio, “Polosoon aku mantangi' ra kalo tumulou, orou am rondom lomou tumulisan, sabap ra bansa' kuno napilatan toojo am naimbolo' kaga'.

JIRIMIA 18:13

Indagu Tuhan, “Kuati' ra moonong bansa' ru mokoondo' kia baal ragitio nasauk noyo. Ulun ru Israil nambaal noyo ra ondo' makalalaa'!

JIRIMIA 2:27

Ngaangai' kau tauyuon. Akau no minindagu ra rondo' puun tataun koson ra ama' min am rondo' bulur koson ra ina' min. Baal ragitio masauk sabap ra nangiruan kau Raki' am kalo minatong Raki'. Kaa' paat ra akau makakapaganan, piawon min Aku koson mamayag ramuyun.

JIRIMIA 31:4

Kaikangon Ku saguli' intok min. Igondo' poyo ra mangalap kau ra tamburing am mansayau ra maansukan.

JIRIMIA 4:20

Karaat mansusunu' matong, titikop pagun mapuso. Pulali' ru kim mai linunsai, konoon-konoon no rinilak.

JIRIMIA 50:32

Bansa' muno ondo' malilimbau no makasaru am maratu'. Kolondo' sangulun pana mangindangan rirun migor. Monolob Aku ra bandar-bandar min, am ngaangai' ondo' giu' ra liliut no mapuso.”

JIRIMIA 51:64

Balai' ilo ra koon raginio noyo pupus ru Babilonia. Malinjob Babilonia am kalo noyo boo sumalula', sabap ra kapusaan ondo' porotongon ru Tuhan riso.” Ragu-ragu ri Jirimia polos ragiti.

JIRIMIA 8:4

Nanusub Tuhan raki' mampasaboi ra ragu-ragu ragitio ra ulun Nano, “Paat ra ulun maratu', maaru' tumirong ilo poyo. Paat ra ulun makalayau ra ralan, maaru' sumaguli' ilo ra ralan galing.

JIRIMIA 9:21

Kapatayan siminubol noyo minaya' ra gigimpalan, am siminubol ra ralalom ru istana takau; kapatayan siminansar ra anak-anak giu' ra ralan maayo am buayoi-buayoi giu' ra intok malimparang.

JIRIMIA 9:9

Kalo kia musiti' Aku mangukum risilo sabap ra binaal nilo? Kalo kia musiti' Aku mansuli' ra bansa' koson raginio? Aku, Tuhan, nakaindagu noyo.”

SULABOI 2:13

Okou Jirusalim, bandar ru Sion ondo' tagamin kaga', atan kia paraguon kuno? Kalo makapangansuk aku rirun. Osoi pana kalo poyo igondo' naimbolo' koson rirun. Karaat maayo koson ra raat malangka' am malandom lumumpa' rirun; kolondo' boo kalansanan ra tayar muno.

GOSIA 14:1

Samaria musiti' ukumin sabap giminuor Raki'. Matoi mamagun nano ralalom pangayawan. Pampasin lalagang saboi matutuk, am tinai' ru ruandu' maapang abuin.”

GOSIA 6:2

Mopongo ruo kapoam talu ngoorou babason No itakau am maayag takau giu' ra saang Nano.

AMOS 8:14

Ulun ondo' magibot ralalom inggalan ru sinungkalalaing ru Samaria, am mindagu, ‘Ralalom inggalan ru dewa giu' ra Dan’ kapoam ‘Ralalom inggalan ru dewa giu' ra Birsyiba’, maratu' am kalo boo makatirong.”

AMOS 9:11

Indagu Tuhan, “Masaboi paat no ra Aku mapatapuli' ra pamarintaan ri Daut. Raino pamarintaan raginio nasauk koson ra baloi ondo' natuyas. Punaan Ku timbok nano am baalon sagulio' saboi masauk koson ra galing i.