AMOS 5:18 - Tanou Moonsoi Timugon

¹⁸ Aibui boo ramuyun ondo' mangkukuliman ra Orou ru Tuhan! Atan kia onong ramuyun orou raginio? Orou raginio iono orou ondo' molondom ayuk am sala' ka orou ondo' matawang ramuyun.

AMOS 5:18 ပူးပေါင်းရင်းမြစ်များ

JISAYA 13:6

Pantangi' no sabap orou ru Tuhan mamaar noyo, bulintok ra Tuhan Ondo' Maayo Kaga' Kuasa' mamparatong ra pamusaan.

JISAYA 24:18

Osoi-osoi kuminam pagiru' intor ra kalaanan no io maratu' ra luang no, am osoi-osoi makalabus intor ra luang makasulung ra jajaling no. Rasam maawas rumatu' intor ra limbowon am lonor ru tana' ti mogonggon.

JISAYA 5:19

Mindagu kau, “Ilai' takau atan baalon ru Tuhan. Polosoon Io mataki' mambaal ra atan rinagu Nano. Polosoon noyo i Aki Kapuuno' ru Israil, i Aki kapuuno' ondo' matulai mapaugar ra inatang Nano.”

JISAYA 5:30

Paat ra orou raginio, titikop ru Israil maining bolos ra mangayou koson ra nginoos mapuor ru raat. Ilai' nga, titikop ru pagun no molondom am kumuliasou-asou. Sinda masauk ra molondom.

JISAYA 58:2

Moonong orou ilo sumamba Raki', am makibala' ilo ra atan kasagaan Kuno, koson ayuk ilo no mambaal ra moonsoi, am gumagaya' ra ukum Kuno. Mindagu ilo ra matasu' ilo sumamba Raki' am kitaakon nilo ukum Kuno ondo' matimpok.”

JISAYA 8:22

kapoam manginduku' ra ragana', kolondo' atan-atan makito ondo' ak am kapaganan am kalandaman am niayuk kasilukan ondo' kumapit. Patirin ilo ra intok molondom kaga'.

JISAYA 9:19

Giu' ra titikop ru pagun ulun mamungkayut am mangakan ra atan ayuk maakan, kaa' kalo maasug ilo. Pabukat galama' pana akanon nilo.

JIRIMIA 13:16

Urumato' noyo Tuhan, i Aki Kapuuno' muno ra Io kalo poyo mamparatong ra kalandaman, am kalayam muno makasaru ra kagunungan; ra kalo poyo sinda ondo' lansanin min kulawon masauk ra molondom kaga'.

JIRIMIA 17:15

Indagu ulun raki', “Ati kia ngaangai' lolob ru Tuhan ramon? Polosoon Io mambaal ra ngaangai' no raino!”

JIRIMIA 30:7

Orou makalalaa' masaboi, orou ondo' kolondo' pogondo' no. Tayar ru ulun Kuno, ginio noyo orou ondo' mampakalaa' risilo, kaa' bayagon ilo.”

YEHEZKIEL 12:22

“Okou ulun mapandai matoi, kua kia ra ulun ru Israil manabit ayuk ra panginuuyan ragitio: ‘Orou nakasail, kaa' ragu manala' kalo masauk’?

YEHEZKIEL 12:27

“Okou ulun mapandai matoi, indoson ru ulun ru Israil ra pinaintalang am ragu manala' muno intor ra orou matong ondo' mabuoi poyo.

JOIL 1:15

Orou ru Tuhan mamaar noyo, paat ra Ondo' Maayo Kaga' Kuasa', mamparatong ra katutukan. Mapara' boo makalalaa' orou raginio!

JOIL 2:10

Tana' ti malunggun paat ra gapu' sumuku', am limbowon pana monontol. Mato ru orou am sila' lumondom, butitin-butitin kalo boo suminda.

JOIL 2:11

Nangani' Tuhan ra susuban ra bolos matangil ra saujor Nano. Saujor ondo' gumagaya' Riso masuang am maikang. Mapara' boo makalalaa' orou ru Tuhan! Kolondo' sangulun pana tumaan.

JOIL 2:31

Kalo poyo ra orou ru Tuhan ondo' makalalaa' am moporos no masaboi, mato ru orou masauk ra molondom, am sila' masauk ra malia' koson ra raraa'.

OBAJA 1:15

“Mamaar noyo orou no, paat ra Aku, Tuhan mangakim ra ngaangai' bansa'. Akau ulun ru Idom, atan ondo' binaal min, baalon niayuk ramuyun. Balasin kau nontopot koson ra atan ondo' binaal min.

MALIAKI 4:1

Mindagu Tuhan Ondo' Maayo Kaga' Kuasa', “Orou nano matong paat ngaangai' ulun malilimbau am malaat solobon koson ra rami. Paat orou raginio solobon ilo koyoo', am saboi kolondo' matatang.

SAGULION 32:24

Matoi ilo sabap ra mansalom am bitilan; matoi ilo sabap ra maruol ondo' makalalaa'. Maparatong aku ra bibiag masigo koson mansaam risilo, am kukuo makatuwo koson maninduk risilo.

2 PITRUS 3:10

Kaa' ratangan ru Tuhan no koson ra mantatakou rumatong. Paat ra orou raginio, limbowon lumiom mabaya' ra bolos mapuor kaga' am ngaangai' suang ru limbowon mosolob kapuso am ngaangai' suang ru tana' ti pana maliom.

2 PITRUS 3:4

Konilo ra, “Bantu' ru Tuhan ra matong Io saguli'. Ati Io? Kalio nai. Kinamatuaan takali namagatoi noyo, kaa' ngaangai' ti mogondo' ayuk koson ra talimpuun i, paat ra tana' ti biningkal!”