AMOS 5:11 - Tanou Moonsoi Timugon

¹¹ Inimbolo' min ulun musikin am nampagaau ra gandum nilo. Ginio ra kalo mayan kau giu' ra ralalom ru baloi ondo' moonsoi intor ra batu, ondo' binaal min noyo. Kalo manginum kau ra wain intor ra umo ru anggur min ondo' moonsoi.

AMOS 5:11 ပူးပေါင်းရင်းမြစ်များ

AYUP 20:19

sabap ra nangimbolo' ilo am nompoloso ra ulun musikin, am nampagaau ra baloi ondo' binaal ru ulun bokon.

JISAYA 16:10

Ragino kolondo' osoi-osoi pana maansukan ra tana' ondo' malabung no. Kolondo' osoi-osoi pana magitatapap ra longon kapoam marimbai ra umo-umo ru anggur. Kolondo' boo mamaga' ra kawa' ru anggur. Puau ra kaansukan limininos noyo.

YEHEZKIEL 26:12

Gaawon ru pantula' kalangkayaan am kuliamos talanon muno. Gabaan nilo timbok-timbok am manutuk ra baloi moonsoi muno. Patirin nilo ngaangai' batu, tataun am natuyas ra batu ra ralalom ru raat.

YEHEZKIEL 34:21

Sangawon min am anjungon min domba ondo' marualan saboi maanjung ilo intor ra sampanon ru domba.

GOSIA 9:2

Kaa' kalo boo mabuoi matutusan kau ra gandum am umau jaitun, am wain mino makai'.

IMAMAT 26:16

ukumin Ku akau. Porotongon Ku ramuyun baal makalalaa' – maruol ondo' kalo maalap kababas am salom, saboi moolou kau am maimbolo'. Magitanom kau kaa' papalo ayuk, sabap ra kalaan kau ru pantula' mino am mangakan ra ampos ru tinanom mino.

AMOS 2:6

Indagu Tuhan, “Ulun ru Israil ruruli' noyo makatula, sabap raginio maaru' ukumin Ku ilo. Nantalan ilo ra ulun mabanis guang koson ra ulipon; ulun mabanis guang ondo' kalo makabayar ra utang nilo. Koson raginio niayuk ondo' binaal nilo ra ulun musikin ondo' kalo makabayar ra utang, kabalu' pana utang no koson ra logo ru satuop salipar.

AMOS 2:7

Kikinjangin nilo ulun malawo ondo' kalo maikang am manginggi' ra ulun musikin. Ama' am anak ungkuyon nano narulug ra ulipon ra ruandu' ondo' nogondo', saboi nampajamar ra inggalan Kuno ondo' matulai.

AMOS 3:15

Pusoon Ku baloi bulintok masimu' am baloi bulintok malasu'. Baloi ondo' binungaan ra gading puuton; ngaangai' baloi maayo lunsayon.

AMOS 3:9

Potonowo' tanou ti ra ulun ondo' minayan giu' ra istana Misir am Asdod, “Timung kano giu' ra bulur-bulur giu' ra liliut ru Samaria, am ilai' kajajawan am niayuk kalaatan ondo' nasauk ra giu'.”

AMOS 4:1

Rongog kano, akau ruandu' Samaria ondo' liminomok poyo koson ra sapi' molomok giu' ra Basan! Nangimbolo' kau ra ulun malawo, manginjang ra ulun musikin am masaga' kaga' manusub maa' raginio ralaki mino magail mangula' ra inumon makagauk ramuyun!

AMOS 6:11

Paat ra Tuhan manusub, baloi maayo am baloi boborok pusoon.

AMOS 6:12

Masimbul kia kuda giu' ra bulur batu? Maradu' kia raat ra sapi'? Kaa' pinatumbalik min katimpakan saboi nasauk ra tuwo, am baal ondo' motopot nasauk ra nasala.

AMOS 8:4

Rongog kano, akau ondo' nangimbolo' ra ulun ondo' natutusan am mamuso ra ulun musikin ra pagun ti.

AMOS 9:14

Ibiton Ku ulun Kuno Israil sumaguli' ra pagun nilo. Baalon nilo saguli' bandar-bandar ondo' nasauk noyo ra natuyas, mayan ilo ra giu' no. Mantanom ilo ra puun ru anggur am manginum ra wain. Mantanom ilo am mangakan ra ampos ru tinanom.

MIKA 1:6

Ginio ra mindagu Tuhan, “Saukon Ku Samaria ra tuntur ru natuyas giu' ra padang, am intok ru ulun mantanom ra puun ru anggur. Mamatir Aku ra batu natuyas ru bandar no mongoi ra limayak, am makito boo puun ru bandar no.

MIKA 2:2

Paat ilo mompogogot ra umo, gumaau ilo ra umo ru ulun bokon. Paat ra ilo mompogogot ra baloi, gumaau ilo ra baloi ru ulun bokon. Kolondo' sambaloi ru osoi pana, kapoam rapu' ru osoi pana ondo' mabayag.

MIKA 6:15

Mantanom kou ra gandum, kaa' kalo makumos min. Mambaal kau ra umau intor ra kawa' ru jaitun, kaa' kalo mapakai min umau no. Mambaal kau ra wain, kaa' kalo mainum min ginio.

JIPANYA 1:13

Rapu' nilo gaawon am baloi nilo pusoon. Manambaloi ilo, kaa' kalo makaayan raginio. Mangandoi ilo ra umo ru anggur kaa' kalo manginum ra wain, ampos ru umo no.”

AGAI 1:6

Masuang pinatias min ra sampug, kaa' nangkumos kau ra kalo kukula'. Makaakanon kau, kaa' kalo maukop koson mampabasug ramuyun. Makaruu' ru anggur kau kaa' kalo majala', makabayang kau kaa' kalo maukop koson mampalasu' ra inan. Gaji' ondo' inapu ru ulun mangandoi kalo maukop koson ra pakuan ru kaayagan nilo.

MALIAKI 1:4

Amon ru papag ri Isau, iono ulun ru Idom mindagu, “Bandar maino pinuso noyo kaa' baalon mai sagulio',” am Tuhan Ondo' Maayo Kaga' Kuasa' pana tumaam, “Polosoon ilo mambaal raginio saguli', kaa' lunsayon Ku poyo. Ulun manabit risilo ‘Pagun malaat’ am ‘Bansa' ondo' sinangitan ru Tuhan ra sabubuoi no.’ ”

SAGULION 28:30

“Makatamung kou sangulun ralaa, kaa' ulun ra bokon maguot riso. Manambaloi kou, kaa' kalo maayanan mu. Mantanom kou ra puun ru anggur, kaa' kalo makaakan kou ra kawa' no.

JAKUBUS 2:6

Kaa' akau ti manauyu' boo ra ulun musikin. Sala' ka kia ulun langkaya' ti noyo ondo' mangimbolo' am mamparalaat ramuyun saboi giu' ra makama?