AMOS 4:8 - Tanou Moonsoi Timugon

⁸ Giu' ra kukula' bandar, mamagun nano ondo' malawo sabap ra nampaas maguyum ra timug giu' ra bandar ra bokon, kaa' timug ra giu' no kalo naukop. Kabalu' pana raginio, kalo niayuk siminaguli' kau Raki'.

AMOS 4:8 ပူးပေါင်းရင်းမြစ်များ

1 RAJA'-RAJA' 18:5

Indagu Raja' Agab no ri Obaja, “Ongoi takau ilai' moonong taur ru timug am lonor ru sungoi ra pagun ti. Maaru' lair mokoowot takau ra sakot koson mamayag ra kuda am baghal, maa' raginio kalo pana boo mamatoi ra sanginan pana intor ra bibiag takau.”

JISAYA 9:12

Ulun ru Israil lakat poyo kalo tumalikur intor ra tula. Kabalu' pana Tuhan Ondo' Maayo Kaga' Kuasa' nangukum risilo, kaa' lakat ilo poyo kalo sumaguli' Riso.

JIRIMIA 23:14

Kaa' giu' ra Jirusalim, nakakito Aku ra nabi-nabi nambaal ra baal ondo' malaat poyo kaga'. Nagabau am nansawa' ilo, am niayuk siminaung ra ulun ondo' nambaal ra malaat, saboi kolondo' sangulun pana masaga' tumalikur intor ra tula. Koson Raki', ngaangai' ilo malaat koson ra mamagun ru Sodom am Gomora.”

JIRIMIA 3:3

Ginio sabap ra rasam kalo rumatu', am rasam paat ra mambusak kalo matong. Nansalu kou ra ulun mantalan ra inan; mailo kou ra mauyu'.

JIRIMIA 3:7

Guang Kuli ru mabaal no ngaangai' no, sumaguli' io Raki'. Kaa' kalo siminaguli' io, am i Jiuda, pabukat nano ondo' kalo gumagaya', nakakito ra ngaangai' binaal nano.

JIRIMIA 5:3

Sotopot no gogoton ru Tuhan gagaya'. Lambaan No akau, kaa' kalo lioon min. Popolon No akau, kaa' marara' kau mangapu ra pangilaan. Mokotog guang min am marara' tumalikur intor ra tula.

GOSIA 11:5

“Marara' ilo sumaguli' Raki'. Ginio ra musiti' ilo sumaguli' ra Misir, am bansa' ru Asyur mamarinta risilo.

GOSIA 7:10

Kinalimbau ru ulun ru Israil makito toojo am nasauk ra inono' ru kasalaan nilo. Kabalu' pana ngaangai' nasauk noyo, kalo siminaguli' ilo Raki', Tuhan i Aki Kapuuno' nilo.

AMOS 4:6

“Aku noyo ondo' namparatong ra bitilan ra ngaangai' ru bandar min, kaa' kalo siminaguli' kau Raki'.

MIKA 6:14

Mangakan kau, kaa' kalo maasug; maitilan kau ayuk. Mantakou kau ra kuliamos, kaa' kalo mabulian min. Ngaangai' atan ondo' pinauli min pusoon Ku ralalom ru pangayawan.

AGAI 1:6

Masuang pinatias min ra sampug, kaa' nangkumos kau ra kalo kukula'. Makaakanon kau, kaa' kalo maukop koson mampabasug ramuyun. Makaruu' ru anggur kau kaa' kalo majala', makabayang kau kaa' kalo maukop koson mampalasu' ra inan. Gaji' ondo' inapu ru ulun mangandoi kalo maukop koson ra pakuan ru kaayagan nilo.

AGAI 2:17

Pinaratong Ku noyo angin malasu' am namparatu' ra rasam batu koson manutuk ra ngaangai' ampos ru umo min, kaa' lakat poyo marara' kau sumaguli' Raki'.