AMOS 4:7 - Tanou Moonsoi Timugon

⁷ Aku nongompong ra rasam rumatu' paat ra tatanom min musiti' maasa' ra timug. Paratuon Ku rasam giu' ra rondo' bandar kaa' kalo paratuon ra bandar ra bokon. Rondo' umo marasaman, kaa' umo ra bokon mapuaan.

AMOS 4:7 ပူးပေါင်းရင်းမြစ်များ

KAINGKUALAN 10:22

Kakato' ri Musa longon nano tampilon ra limbowon, am kalandaman ondo' molondom kaga' matikop ra titikop ru tana' ru Misir buoi kataluan.

KAINGKUALAN 10:23

Kalo makapangkito ulun ru Misir ra rondo' am bokon, am buoi ru ginio kolondo' sangulun pana ondo' mingkual intor ra baloi. Kaa' intok inayanan ru ulun ru Israil nagulayun matawang.

KAINGKUALAN 8:22

Kalo mapatiu' Aku ra tampilon Gosyin intok inayanan ru ulun Kuno. Kolondo' bulongor ra giu' no. Mambaal Aku ra baal ragitio maa' raginio makapandai kou ra Aku, Tuhan, makakuasa' ra pagun ti.

KAINGKUALAN 9:26

Tampilon ayuk ra Gosyin, intok inayanan ru ulun ru Israil kalo nalumpa' ra rasam batu.

KAINGKUALAN 9:4

Pansalaan Ku bibiag tinambiag ru ulun ru Israil am bibiag tinambiag ru ulun ru Misir. Sanginan pana ra bibiag tinambiag ru ulun ru Israil kalo matoi.

JISAYA 5:6

Polosoon ku tuwin io ru alab. Puun ru anggur kalo boo indaanin ku kapoam intawangin ku. Kaa' polosoon ku malungkutan ru kusingan. Ompolon ku poyo gaun maa' raginio kalo mamparatu' io ra rasam.”

JIRIMIA 14:22

Kolondo' dewa ru bansa'-bansa' makapamparatu' ra rasam; limbowon pana kalo makapamparatu' ra rasam. Iou Tuhan, i Aki Kapuuno' mai, Okou no rorondo' ayuk kalansanan mai, sabap ra Okou no ondo' nangkinibit ra ngaangai' no nasauk.

JIRIMIA 14:3

Nanusub ulun langkaya' ra ulipon-ulipon maguyum ra timug; minongoi ilo ra tulubong-tulubong kaa' kolondo' boo timug; siminaguli' ilo ra rarapu' kolondo' suang. Mabaya' ra nasindualan guang am kolondo' kalansanan nauyu' ilo am sinilian bulos.

JIRIMIA 14:4

Sabap ra kalo riminatu' rasam tana' mapua' kaga'; ulun-ulun magitanom nasindualan guang, nauyu' ilo am sinilian bulos.

JIRIMIA 3:3

Ginio sabap ra rasam kalo rumatu', am rasam paat ra mambusak kalo matong. Nansalu kou ra ulun mantalan ra inan; mailo kou ra mauyu'.

JOIL 2:23

“Pakaansuk kano, akau mamagun ru Sion, pakaansuk kano sabap ra atan ondo' binaal ru Tuhan, i Aki Kapuuno' min ramuyun; Nangani' Io ra rasam ondo' maukop bulintok raun tumutu', Namparatu' Io ra rasam bulintok ra masimu' am rasam bulintok ra mambusak koson ragili.

JAKARIA 14:17

Amon ru bansa' ondo' kalo masaga' matong koson sumamba ra Raja', Tuhan Ondo' Maayo Kaga' Kuasa', rasam kalo rumatu' giu' ra pagun nilo.

JUANIS 4:35

Kon ru ulun, ‘Apat poyo ngambulan am mangkumos noyo.’ Kaa' pulolowo' min noyo umo ra nangalia' no, sama' noyo kumoson.

1 KORINTUS 4:7

Osoi kia nampasauk ramuyun maatang intor ra ulun bokon? Sala' ka kia i Aki Kapuuno' nangani' ramuyun ra ngaangai' ondo' naapu mino? Kua guat lumimbau kau, koson atan ondo' soroi ramuyun sala' ka tinaakan?

SAGULION 11:17

Amon ru manggal kau ra ukum no, sumangit Tuhan ramuyun. Ompongon No rasam, am mapuaan kaga' tana' mino saboi tatanom kalo tumuu'. Mataki' kau boo matoi ra giu', kabalu' pana tana' ondo' tinaakan Nano ramuyun, tana' ra moonsoi.

JAKUBUS 5:17

Koson ra nabi Ilia ra galing i, ulun io ayuk toojo mogondo' ritakau. Kaa' nakiasi' io toojo koson kalo parasamon, am totopot rasam no kalo noyo riminatu' buoi talu ngambilor naintanga'.

PINAINTALANG 11:6

Mokoondo' ilo ra kuasa' mangangob ra limbowon ti saboi kalo boo rumasam buoi ilo mampabala' ra tanou intor ri Aki Kapuuno'. Mokoondo' ilo niayuk ra kuasa' ra ngaangai' taur ru timug, koson makapangulau ra timug no masauk ra raraa'. Mokoondo' ilo niayuk ra kuasa' mambaal ra nansalinut kapaganan malaat ra tana' sasanggilan ayuk maya' ayuk ra kasagaan nilo galama'.