AMOS 4:13 - Tanou Moonsoi Timugon

¹³ Sotopot no, i Aki Kapuuno' ondo' nambaal ra kagunungan; Io niayuk nampasauk ra angin. Pinabala' No inatangan Nano ra ulun. Kinulau No matawang masauk molondom; giu' ra rasawat ru tampak-tampak ru tana' mugar Io, Tuhan i Aki Kapuuno' Ondo' Maayo Kaga' Kuasa', ginio noyo inggalan Nano.

AMOS 4:13 ပူးပေါင်းရင်းမြစ်များ

AYUP 9:7

Mainggalaran ri Aki Kapuuno' mato ru orou sumirang, am mainggalaran butitin-butitin suminda paat ra rondom.

MAZMUR 135:7

Intor ra pompor ru tana' ti porotongon No gaun masait, pasaukon No timpalak mabaya' ra rasam, am niayuk susubon No angin mingkual intor ra namulian Nano.

MAZMUR 139:2

Napandayan Mu ngaangai' binaal kuno; intor ra maalur makarati' Kou ra kinara' kuno.

MAZMUR 147:18

Sabap ra ragu Nano, timug kiminotog no timinunang; sampuyon No angin, am timug no tumilis.

MAZMUR 65:6

Bulintok ra akai mampiau tumaam Kou am manaak Kou ramon ra kamanangan; baal-baal makaimuag binaal Mu koson mamayag ramon. Okou kalansanan ru ulun ra titikop ru tana' ti, am ulun giu' ra sandaup ru raat ondo' maalur.

KAINGKUALAN 10:22

Kakato' ri Musa longon nano tampilon ra limbowon, am kalandaman ondo' molondom kaga' matikop ra titikop ru tana' ru Misir buoi kataluan.

KAINGKUALAN 14:20

ra pangkilolot ru saujor ru Misir am ulun ru Israil. Gaun no maparatong ra kalandaman ra ulun ru Misir kaa' mangani' ra sinda ra ulun ru Israil, saboi buoi ru rondom karuo-ruo pulalai no kalo makapaginggaar ra rondo' am bokon.

JISAYA 40:12

Osoi kia makapanuku' ra timug ru raat ondo' suukon ru palar nano, kapoam manuku' ra limbowon mamakai ra dangou? Osoi kia makapanuku' ra tana' mamakai ra sangkir, kapoam manimbang ra bagat ru gunung am bulur mamakai ra timbangan?

JISAYA 45:7

Aku noyo namangun ra sinda am kalandaman; Aku noyo maparatong ra barakat am karaat. Aku noyo Tuhan ondo' nambaal ra ngaangai' no.

JISAYA 47:4

I Aki Kapuuno' ru Israil, i Aki Kapuuno' ondo' matulai, mapalabus ritakau, inggalan Nano Tuhan Ondo' Maayo Kaga' Kuasa'.

JISAYA 48:2

Kaa' mangiou am maansukan kau ra akau namagun ra bandar ondo' mapasau, am akau sumingkayut ayuk ri Aki Kapuuno' ru Israil, ondo' sabiton ra Tuhan Ondo' Maayo Kaga' Kuasa'.

JISAYA 5:30

Paat ra orou raginio, titikop ru Israil maining bolos ra mangayou koson ra nginoos mapuor ru raat. Ilai' nga, titikop ru pagun no molondom am kumuliasou-asou. Sinda masauk ra molondom.

JIRIMIA 10:13

Maya' ra susuban Nano timug giu' ra limbowon mokobolos; Magibit Io ra gaun intor ra pompor ru tana' ti. Mangkinibit Io ra ganit mainbilak ralalom ru rasam, am mangator ra angin intor ra intok pambulian.

JIRIMIA 10:16

Aki Kapuuno' ri Jakub sala' ka koson ra sinungkalalaing raginio; Io noyo namangun ra ngaangai' no. Nampili' Io ra Israil nasauk ra ulun Nano. Tuhan Ondo' Maayo Kaga' Kuasa' noyo inggalan Nano.

JIRIMIA 13:16

Urumato' noyo Tuhan, i Aki Kapuuno' muno ra Io kalo poyo mamparatong ra kalandaman, am kalayam muno makasaru ra kagunungan; ra kalo poyo sinda ondo' lansanin min kulawon masauk ra molondom kaga'.

JIRIMIA 46:18

Aku, Tuhan Ondo' Maayo Kaga' Kuasa', Aku noyo raja'. Aku noyo i Aki Kapuuno' ondo' maayag. Koson ra Gunung Tabor masawat poyo intor ra gunung ra bokon, am Gunung Karmil masawat poyo intor ra ralimbou ru raat, koon raginio noyo kaikangan ru ulun ondo' mamulunsar ramuyun.

JIRIMIA 51:16

Sumugut ra susuban Nano timug giu' ra limbowon makanginoos; namparatong Io ra gaun intor ra pompor ru tana' ti. Nangkinibit Io ra ganit mainpiat giu' ralalom ru rasam, am nangingkual ra angin intor ra intok nambulian.

JIRIMIA 51:19

I Aki Kapuuno' ri Jakub sala' ka koson ra dewa-dewa no; Io no nambaal ra ngaangai' no, am Io nampili' ra Israil nasauk ra ulun Nano galama'. Inggalan Nano iono Tuhan Ondo' Maayo Kaga' Kuasa'.

DANIL 2:28

Kaa' i Aki Kapuuno' panguasa' giu' ra suruga', nampatutun ra ngaangai' ondo' nakasibuni; nambala' Io rirun intor ra orou matong. Ginio ra iowo' aku mantunung ra inupi muno, iono pinaintalang ondo' nakito muno paat nombolong.

DANIL 2:30

Nambala' noyo toojo i Aki Kapuuno' ra ondo' nakasibuni ra inupi no raki', sala' ka sabap no ra aku mapintar poyo intor ra osoi pana, kaa' maa' raginio maratian mu inupi no am makarati' ra suang ru guang muno.

GOSIA 12:6

I Aki Kapuuno' no Tuhan Ondo' Maayo Kaga' Kuasa'. Inggalan Nano Tuhan. Inggalan raginio noyo Io masaga' ra ulun sumambayang Riso.

JOIL 2:2

Orou raginio molondom am majuut, orou maitom am makagaun. Saujor ru gapu' no matong koson ra kalandaman ondo' liminibung ra kagunungan. Kalo poyo igondo' nasauk baal koson ragitio, am baal ragitio kalo boo masauk saguli'.

AMOS 3:13

Indagu Tuhan Raja' Ondo' Maayo Kaga' Kuasa', “Raino rongogo' noyo, am pampakara' toojo ra papag ri Jakub.

AMOS 5:27

paat ra Aku mamatir ramuyun giu' ra rondo' pagun ondo' maalur poyo intor ra Damsyik.” Gini noyo ragu ru Tuhan ondo' inggalan no i Aki Kapuuno' Ondo' Maayo Kaga' Kuasa'.

AMOS 5:8

Nambaal Tuhan ra butitin-butitin giu' ra limbowon – butitin Orion am butitin Kartika. Kinulau No kalandaman nasauk ra sinda, am nangulau ra matawang nasauk ra molondom. Piniau No timug intor ra raat am timug no pinasasar ra lantur. Tuhan noyo inggalan Nano.

AMOS 6:8

Kinalasang ru Tuhan Raja' Ondo' Maayo Kaga' Kuasa' nampakara' ragitio, “Masisang Aku ra kinalimbau ru ulun ru Israil; masisang Aku kaga' ra baloi moonsoi nilo. Pusor bandar nilo am ngaangai' ondo' soroi ra giu' pataakon Ku ra pantula'.”

AMOS 8:9

Masaboi paat ra Aku mangkinibit ra mato ru orou tumolop paat ra tanga' ru orou am tana' ti lumondom paat ra orou matawang. Aku, Tuhan Raja' nakaindagu noyo.

AMOS 9:6

Binaal ru Tuhan intok ayanan Nano giu' ra limbowon, giu' ra rasawat ru tana' pinaatang No limbowon koson ra bakuran. Piniau No timug intor ra raat, am pinasasar No ra lantur, Tuhan noyo inggalan Nano.

MIKA 1:3

Mingkual Tuhan intor ra intok Nano ondo' matulai; Timinuun am minugar Io ra tampak ru gunung-gunung ra tana' ti.

ABAKUK 3:19

Okou noyo Tuhan Raja' ondo' nangani' raki' ra kaikangan, koson ra kalayam ru tambang, kalayam kuno kinaikang Mu, am pamayagan kuno inalungan Mu giu' ra kagunungan.

JAKARIA 12:1

Gitio noyo tanou intor ra Tuhan intor ra Israil. Tuhan ondo' namingkal ra limbowon, nambaal ra tana' ti, am nangani' ra kaayagan ra ulun mindagu,

MATIUS 9:4

Napandayan ri Jisus atan guangon nilono, Io pana mindagu, “Kua ramuyun ti mangkara' ayuk ra baal ondo' malaat no?

JUANIS 2:25

Kalo pana paintutunon Io ra osoi ayuk pana, sabap ra Io galama' nakatutun noyo ra ngaangai' guangon ru ulun.

JUANIS 3:8

Angin sumoyob ra ati ayuk kasagaan nano; maining ayuk bolos no, kaa' kalo mapandayan mu intor kapoam ulian nano. Nogondo' niayuk baal ru ulun anakon saguli' ru Ambiluo ri Aki Kapuuno'.”

SAGULION 32:13

“Nangiou Io risilo mamarinta ra gunung-gunung, mangakan ilo ra ampos ru tinanom giu' ra umo-umo. Nakaalap ilo ra ruu' maningot ru kataunan giu' ra bulur batu; puun jaitun nilo timinuu' ra malabung giu' ra tana' ondo' makabatu.

SAGULION 33:29

Akau Israil, maansukan kau kaga'! Kolondo' osoi pana koson ramuyun, bansa' ondo' binayag ru Tuhan. Tuhan galama' noyo ondo' nasauk ra perisai am ilang min, koson manaung ramuyun am manaak ramuyun ra kamanangan. Matong pantula' min makimasi', am kikinjangin min ilo.