AMOS 4:10 - Tanou Moonsoi Timugon

¹⁰ “Atarin Ku maruol tumapik ramuyun koson ondo' inataran Ku giu' ra Misir. Potoyon Ku ulun mamulok min ralalom pangayawan am gaawon kuda min. Sosokon Ku pangkiman min ra baangkai ondo' owou no sumusuk ra arung. Kabalu' pana raginio, kalo niayuk sumaguli' kau Raki'.

AMOS 4:10 ပူးပေါင်းရင်းမြစ်များ

2 RAJA'-RAJA' 10:32

Paat raginio Tuhan nanalimpuun nompoborok ra wilayah ru Israil. Raja' Gajail, intor ra pagun Siria nanguasa' ra titikop ra tana' ru Israil

2 RAJA'-RAJA' 13:3

Ginio ra siminangit Tuhan ra Israil. Tuhan nopoloso ra Raja' Gajail, raja' ru Siria am Raja' Bingadad anak ungkuyon ru Raja' Gajail, ruruli' nangala ra Israil.

2 RAJA'-RAJA' 13:7

Kolondo' boo ra Raja' Jigoagas no pulalai mangayou ondo' ak am limo ngoopor ngaulun saujor mangkuda, mopor kurita' kuda, am mopor ngaribu ngaulun saujor mantana'. Raja' ru Siria namuso ra pulalai mangayou ru Raja' Jigoagas am kikinjangi' no ilo koson ra kaau.

2 RAJA'-RAJA' 8:12

Pangkuot i Gajail riso, “Kua kia pantangi' kou?” Taam i Ilisa, “Sabap ra makapandai aku ra baal malaat kaga' baalon muno ra ulun ru Israil. Solobon mu kubu-kubu nilo, mamatoi ra ulun mangamulok nilo ondo' moonsoi kaga', mampalamba' ra anak-anak nilo saboi matoi, am niayuk mangabu' ra tinai' ru ruandu'-ruandu' nilo ondo' maapang.”

KAINGKUALAN 10:27

Nangkinibit Tuhan ra raja' bambalingatan saboi kalo mapaugar ra ulun ru Israil.

KAINGKUALAN 10:3

Ginio ra ongoi boo tuum i Musa am i Arun ra raja' am indagu riso, “Tuhan i Aki Kapuuno' ru ulun ru Ibrani mindagu, ‘Kula' poyo buoi mu kalo masaga' kumuku' Raki'? Paugaro' noyo ulun Kuno maa' raginio makasambayang ilo Raki'.

KAINGKUALAN 14:4

Mangkinibit Aku ra raja' ru Misir bambalingatan saboi mangilou io ramuyun; kamanangan Kuno ra raja' no maparatong ra pangurumatan Raki'. Makapandai boo ulun ru Misir ra Aku noyo Tuhan.” Nambaal ulun ru Israil ra atan ondo' nanusuban risilo.

KAINGKUALAN 15:26

Indagu Io, “Amon ru totopot kau gumagaya' Raki', Tuhan i Aki Kapuuno' mino, am mambaal ra ngaangai' atan ondo' motopot ra pagilayan Kuno, am niayuk sumugut ra ngaangai' susuban Kuno, kalo mangukum Aku ramuyun ra maruol ondo' pinatiu' Kuno ra ulun ru Misir. Aku noyo Tuhan ondo' mamabas ramuyun.”

KAINGKUALAN 8:19

Indagu ulun mapandai kaga' ra sihir no ra raja', “Binaal gitio ri Aki Kapuuno'!” Kaa' lakat poyo bambalingatan raja' am marara' mangining ra ragu ri Musa am i Arun, koson ra rinagu ru Tuhan.

KAINGKUALAN 9:12

Kaa' nangkinibit Tuhan ra bambalingatan raja', am koson ra rinagu ru Tuhan, marara' raja' mangining ra ragu ri Musa am i Arun.

KAINGKUALAN 9:17

Kaa' lakat kou poyo lumimbau am kalo mapaugar ra ulun Kuno.

JISAYA 34:3

Baangkai nilono kalo lobongon, kaa' polosoon mootong. Ngaangai' gunung masauk malia' sabap ra maliuran ru raraa'.

JISAYA 50:11

Akau ondo' masaga' mangimbolo' ra ulun bokon, pusoon kau ru atang min galama'. Tuhan noyo nambaal raginio masauk, imboloon kau noyo toojo.

JISAYA 9:12

Ulun ru Israil lakat poyo kalo tumalikur intor ra tula. Kabalu' pana Tuhan Ondo' Maayo Kaga' Kuasa' nangukum risilo, kaa' lakat ilo poyo kalo sumaguli' Riso.

JISAYA 9:13

Songorou ayuk Tuhan no mangukum ra tingganai-tingganai ru Israil am mamagun. Ulu ru Israil Ingguluin am iku' pututin No.

JISAYA 9:17

Kalaatan ru ulun raginio manimbula' koson ra apui monolob ra kusingan am kaalaban. Simbula' nano koson ra kataunan nosolob ondo' lisun nano makapal.

JIRIMIA 11:22

Ginio ra, indagu Tuhan Ondo' Maayo Kaga' Kuasa', “Ukumin Ku ilo! Tuu' bagu nilo matoi ralalom ru pangayawan am anak-anak nilo matoi ra bitil.

JIRIMIA 15:3

Aku, Tuhan nakapamatas noyo ra apat baal ondo' makalalaa' lumampa' ramuyun: ilo ondo' matoi ra potoyon ralalom ru pangayawan; baangkai nilo ayaton ru uku'; susuit mangakan ra baangkai nilo, am bibiag masigo manaliir ra suwo no.

JIRIMIA 16:4

Matoi ilo sabap ra matiu' ra maruol ondo' magibit ra matoi. Kolondo' sangulun pana manulaboi kapoam mompolobong risilo. Baangkai nilo kumalayatan koson ra baja ra tana'. Matoi ilo ralalom pangayawan kapoam matoi ra bitilan. Baangkai nilo akanon ru susuit am bibiag masigo.

JIRIMIA 18:21

Kaa' raino, iou Tuhan, polosoo' noyo anak-anak nilo matoi ra bitilan kapoam matoi ralalom ru pangayawan. Polosoon noyo bala ruandu' nilo mailusan ra ralaki am anak; polosoon noyo bala ru ungkuyon matoi sabap ra maruol tumapik am ulun mamulok matoi ralalom ru pangayawan.

JIRIMIA 48:15

Moab am bandar-bandar nano pinuso noyo; ulun mamulok no ondo' moonsoi kaga' pinatoi. Aku noyo raja', Tuhan Ondo' Maayo Kaga' Kuasa', am Aku nakaindagu noyo.

JIRIMIA 49:26

Paat orou raginio bala kamulakan potoyon giu' ra ralan maayo, am ngaangai' saujor no pusoon.

JIRIMIA 5:3

Sotopot no gogoton ru Tuhan gagaya'. Lambaan No akau, kaa' kalo lioon min. Popolon No akau, kaa' marara' kau mangapu ra pangilaan. Mokotog guang min am marara' tumalikur intor ra tula.

JIRIMIA 6:11

Iou Tuhan, sangit Muno risilo niayuk malasu' ra ralalom ru inan kutu! Kalo noyo moorot ku.” Tuhan pana mindagu, “Paabuso' sangit Kuno ra lalaing-lalaing giu' ra ralan-ralan maayo am ra ulun mamulok ondo' tatanga' mantitimung. Mansawo rokopon, am ulun matutuo pana rokopon.

JIRIMIA 9:22

Baangkai kumalayatan giu' ra ati-ati, koson ra tuntur ru pampalabung ra tana', koson ra gandum ondo' tinantab am iniruanan ru ulun manantab, am kalo linulur ru osoi pana. Nanusub Tuhan raki' mampatanou ra tanou raginio.”

GOSIA 11:5

“Marara' ilo sumaguli' Raki'. Ginio ra musiti' ilo sumaguli' ra Misir, am bansa' ru Asyur mamarinta risilo.

JOIL 2:20

Painggaluron Ku pulalai ru gapu' ondo' minatong intor ra ralayo. Pagiruon Ku santayaran intor ra pulalai raginio giu' ra tana' kaagisan. Baris ra pagulu ru pulalai no pagiruon saboi malinjob giu' ra Raat Matoi, am baris ra tinaulian malinjob giu' ra Raat Tanga'. Gapu' ondo' minatoi masauk ra mootong. Pusoon Ku pulalai raginio sabap ra ngaangai' binaal nano ramuyun.

IMAMAT 26:16

ukumin Ku akau. Porotongon Ku ramuyun baal makalalaa' – maruol ondo' kalo maalap kababas am salom, saboi moolou kau am maimbolo'. Magitanom kau kaa' papalo ayuk, sabap ra kalaan kau ru pantula' mino am mangakan ra ampos ru tinanom mino.

IMAMAT 26:25

Porotongon Ku pangayawan giu' ra pagun mino koson mangukum ramuyun, sabap ra lumungkang ra nabantuan Kuli ramuyun. Paat ra mantimung kau ralalom ru bandar koson makiampin, porotongon Ku maruol ondo' magibit ra patayan saboi makirakop kau kalalaat ra pantula' min.

AMOS 4:6

“Aku noyo ondo' namparatong ra bitilan ra ngaangai' ru bandar min, kaa' kalo siminaguli' kau Raki'.

AMOS 8:3

Paat ra orou raginio rimbai giu' ra istana masauk ra manulaboi. Baangkai mokoloso ra ngaangai' intok. Baangkai-baangkai no patirin ra sinokon.”

AGAI 2:17

Pinaratong Ku noyo angin malasu' am namparatu' ra rasam batu koson manutuk ra ngaangai' ampos ru umo min, kaa' lakat poyo marara' kau sumaguli' Raki'.

SAGULION 28:21

Maparatong Io ra maruol-maruol ramuyun, saboi kolondo' sangulun pana ra popolos mino matatang ra tana' ondo' ayanin mino.

SAGULION 28:22

Mangukum Tuhan ramuyun ra maruol-maruol ondo' tumapik, lanit-lanit am salom. Maparatong Tuhan ra tampio am angin malasu' saboi kumoson min mapuso. Karaat-karaat marayus lumumpa' ramuyun saboi kau matoi.

SAGULION 28:60

Io mampalumpa' ramuyun ra ngaangai' maruol ondo' makalalaa' ondo' kalaanin min giu' ra Misir ragili. Kalo mababas kau intor ra maruol raginio.

SAGULION 7:15

Mangampin Tuhan ramuyun intor ra ngaangai' maruol. Kalo mopoloso Io ramuyun marualan ra makalalaa' koson ondo' nailian min giu' ra Misir, kaa' mapalumpa' Io ra maruol raginio ra ngaangai' pantula' min.