AMOS 4:1 - Tanou Moonsoi Timugon

¹ Rongog kano, akau ruandu' Samaria ondo' liminomok poyo koson ra sapi' molomok giu' ra Basan! Nangimbolo' kau ra ulun malawo, manginjang ra ulun musikin am masaga' kaga' manusub maa' raginio ralaki mino magail mangula' ra inumon makagauk ramuyun!

AMOS 4:1 ပူးပေါင်းရင်းမြစ်များ

1 RAJA'-RAJA' 16:24

Kopongo raginio nambali Raja' Omri rondo' bulur intor ra sangulun ondo' inggalan nano i Simir ra logo no 6,000 ngampila' ruit pirok. Piniot no bulur no am nambaal ra rondo' bandar ra giu' no. Raja' Omri nanginggalan ra bandar no Samaria, maya' ra inggalan ri Simir, tatangan ra bulur no ragili.

AYUP 20:19

sabap ra nangimbolo' ilo am nompoloso ra ulun musikin, am nampagaau ra baloi ondo' binaal ru ulun bokon.

AYUP 24:4

Nongompong kau ra ulun musikin mokoowot ra kuasa' nilo galama', ulun musikin pana nansibuni kalalaat.

MAZMUR 12:5

“Akai manguasa' ra kabang maiti. Mindagu akai maya' ra kasagaan ru guang mai; kolondo' sangulun pana makakau' mansawai ramon.”

MAZMUR 140:12

Polosoon noyo ulun ondo' manimbaal ra ulun bokon kolondo' ampos, pai' polosoo' ulun ra manimbaal no mayan ra tana' ti.

MAZMUR 22:12

Pai' noyo inggalur intor raki'. Kapaganan mamaar noyo, am kolondo' sangulun pana mangindangan.

AMSAL 22:7

Ulun musikin kuasaan ru ulun langkaya'. Ulun ondo' magira' kuasaan ru ulun nampaira' no.

MAMPATANOU 4:1

Kopongo raginio nakakito aku poyo ra ngaangai' kolondo' katimpakan ondo' masauk ra tana' ti. Ulun ondo' naimbolo' mantangi' am kolondo' sangulun pana mangindangan risilo. Kolondo' sangulun pana makakau' mangindangan risilo sabap ra ulun-ulun mangimbolo' no makakuasa'.

MAMPATANOU 5:8

Raja' pana malansan ra ampos kinumos.

JISAYA 28:1

Aibui boo ra pamarintaan ru Israil! Kinoonsoi nano malaut koson ra sampungu busak ondo' liminonot giu' ra rasawat ru ulu ru ngaangai' tingganai nano ondo' nangagauk. Aibui boo ra bandar ondo' masawat kaga' giu' ra tatanga' ru limayak malabung, kasagain kaga' ru ulun ondo' nakalangan ra nagauk am kalo boo makatutun.

JISAYA 5:8

Aibui boo ramuyun! Nambali kau ra baloi am umo koson mamparuang ra longgom mino. Kalo boo mabuoi makayaan noyo ulun ra bokon ra intok. Akau ayuk mayan ra pagun raginio.

JISAYA 56:12

Mindagu ilo gagaukon no, ‘Pagiginum takau ra wain ra kasuang-suang! Susuab no moonsoi poyo ka raiti'.’ ”

JISAYA 58:6

Gitio noyo pali ra kasagaan Kuno: Iruo' noyo bangkil kaimbalaan am saanin ra kolondo' katimpakan, am palabuso' noyo ulun-ulun ondo' inimbolo'.

JIRIMIA 50:11

Indagu Tuhan, “Mamagun kau ru Babilonia, ginaawan min ulun Kuno. Maansukan kau am magilakup, tumindak-tindak koson ra sapi' ondo' mangagik ra gandum kapoam koson ra kuda ondo' mampagala',

JIRIMIA 50:27

Potoyo' ngaangai' saujor nilo! Simbaluyo' ilo ngaangai'! Aibui boo ra mamagun ru Babilonia! Nasaboi paat no ra ilo ukumin!” (

JIRIMIA 51:34

Raja' ru Babilonia nongolot-ngolot noyo ra Jirusalim am inakan-akan no. Sinaliir no bandar no koson ra ulun nanaliir ra rarapu'. Koson ra tambuakal, tinolon no bandar no. Inalap no atan ayuk kasagaan nano, am ondo' bokon no patirin no.

JIRIMIA 6:6

Tuhan Ondo' Maayo Kaga' Kuasa' nanusub noyo ra raja'-raja' koson mantagar ra puun tataun am mambaal ra timbok koson magawang ra Jirusalim. Indagu Tuhan, “Mangukum Aku ra bandar ti sabap ra masuang kaga' pangimbalaan nasauk ragiti.

JIRIMIA 7:6

Pai' imboloo' bansa' ra bokon, anak kolondo' matuo am napuor. Pai' potoyo' ulun ondo' kolondo' sala ra pagun ti. Pai' samba ra tuhan-tuhan ra bokon, sabap binaal raginio mamuso ramuyun.

YEHEZKIEL 18:12

Mamparuung io ra ulun musikin, mantakou, am kalo mampasaguli' ra kuliamos ondo' inapu no koson ra jaminan ra irain. Mongoi io ra kuil-kuil am sumamba ra sinungkalalaing ondo' makauyuyu',

YEHEZKIEL 22:12

Mokoondo' ulun ondo' masauk ra ulun mamatoi ra bayarin. Mokoondo' ulun makatimung ra bunga' ru ruit intor ra gino ngai' ru ulun ru Israil. Masauk ilo ra langkaya' ra mamparuung ra ulun. Nakalilian ilo noyo Raki'.” Tuhan Raja' nakaindagu noyo.

YEHEZKIEL 22:27

Pagawai ru pamarintaan nogondo' koson ra taani ondo' naminsang ra sinaam nilo. Namatoi ilo koson masauk ra langkaya'.

YEHEZKIEL 22:29

Ulun langkaya' namparuung am nampagaau. Inimbolo' nilo ulun musikin am namparuung ra ulun bansa' ru bokon.

YEHEZKIEL 22:7

Kolondo' osoi pana giu' ra bandar no mangurumat ra ina' am ama' nano. Ruungon min ulun bansa' ru bokon, am niayuk namparuung ra ruandu' napuor am anak nailusan ra matuo.

YEHEZKIEL 34:16

“Uyumon Ku ilo ondo' natatak, ibiton muli' ilo ondo' nakalayau, am babason ilo ondo' marualan; kaa' ilo ondo' molomok am maikang pusoon Ku, sabap ra Aku magagalung ondo' mambaal ra matimpok.

YEHEZKIEL 39:18

Bibiag no musiti' mangakan ra baangkai ru saujor-saujor am manginum ra raraa' ru ulun manguasa' ra tana' ti, ondo' potoyon koson ra domba gawayan kapoam anak domba kapoam kambing gawayan kapoam sapi' gawayan ondo' molomok.

JOIL 3:3

Nagugundi' ilo koson mangaru' ra ulun makaalap ra ulun rinakop. Nantalan ilo ra lalaing ungkuyon am ruandu' maa' raginio saukon ra ulipon. Alapon nilo ruit ondo' naapu koson mambayar ra ulun mantalan ra inan am mambali ra wain.

AMOS 3:1

Akau ulun ru Israil, rongogo' tanou ru Tuhan intor ra ngaangai' ru bansa' min, ondo' inibit Nano miningkual intor ra Misir. Indagu Tuhan,

AMOS 3:3

Iowon kia ruo ngaulun mabaya' mugar ra kalo nabantu' koson maguma' galing?

AMOS 5:11

Inimbolo' min ulun musikin am nampagaau ra gandum nilo. Ginio ra kalo mayan kau giu' ra ralalom ru baloi ondo' moonsoi intor ra batu, ondo' binaal min noyo. Kalo manginum kau ra wain intor ra umo ru anggur min ondo' moonsoi.

AMOS 6:1

Aibui boo ramuyun ondo' naayag ra matasu' giu' ra Sion, am akau ondo' maayag ra moonsoi giu' ra Samaria. Akau noyo ulun nauligan kaga' inggalan intor ra Israil, bansa' ondo' maayo; akau noyo ondo' ratangin ru mamagun koson makiindangan.

AMOS 6:6

Manginum kau ra wain intor ra mangkuk ondo' tinotop suangi', am nagumau kau ra umau maamis owou ondo' moonsoi kaga', kaa' kalo nanulaboi kau ra naratuan ru Israil.

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

UNTABAN 21:33

Ulun ru Israil pana liminikou am baya' ra ralan mongoi ra Basan. Kaa' Raja' Og intor ra Basan, minugar nababaya' ra saujor nano am namulunsar risilo giu' ra Idrii.

SAGULION 24:14

Pai' ruungo' ulun gajiin ondo' musikin am natutusan, iou ra io gino ngai' ulun ru Israil kabalu' pana ulun bansa' ru bokon ondo' minayan ra rondo' ra bandar min.

SAGULION 28:33

Talingaawon ru bansa' ru bokon ngaangai' ampos ru tatanom ondo' piniratan min toojo. Akau galama' kalo mangapu ra rondo' pana, kaa' pangimbalaan ondo' mararayus am baal kalaatan.