6 Amon ru bujung tatandu' ru pangayawan samputin, kalo kia ulun giu' ra bandar malaa'? Makalumpa' kia karaat ra rorondo' bandar, amon Tuhan kalo mamparatong ra karaat no?
Nangatang kau mambaal ra kalaatan raki', kaa' kalaatan no kinulau ri Aki Kapuuno' ra kaansayan, maa' raginio atan ondo' nasauk ra galing i mamayag ra masuang ulun ondo' mainono' ra raino ti.
Kalo poyo nakai' ragu-ragu ri Ilisa, raja' pana minatong am indagu, “Tuhan naparatong ra kapaganan ti ritakau! Atan kia onong kuno maginaa ra indangan Nano?”
Samputi' noyo bujung giu' ra titikop pagun! Golok no ra mosongou am matalinaasan. Susubo' noyo mamagun ru Jiuda am Jirusalim magiru' ra bandar-bandar mokoondo' ra kubu.
Aku no Tuhan; kua pai' kau kalaa' Raki'? Kua pai' kau ponontol ra saang Kuno? Saukon Ku nagas koson ra balitan ru raat ondo' kalo masailan ra sabuoi-buoi no. Raat pana makakinulun am kinulun rumulun ra manggayo, kaa' kalo makasail ra balitan no.
Ulun kau ru Binjamin, pagiru' no koson mamayag ra inan! Iruani' Jirusalim! Samputi' bujung giu' ra Tikoa am paangi' apui pulanu giu' ra Bit-Kirim! Karaat am usung maar sumaboi intor ra ralayo.
Samputi' bujung giu' ra Gibia! Kosongowo' bolos ru tatandu' mampiau mangayou giu' ra Rama! Golok no ra golok ru pangayawan giu' ra Bitil! Jalai no mangayou akau bansa' ru Binjamin!
Monsongorou no morongog bolos ru bujung am golok ru pangayawan intor ra saujor-saujor ondo' mamulunsar ra bandar-bandar mokoondo' ra kubu am manara-manara masawat.
Kalo poyo raginio, kolondo' ulun ondo' makaandar mampagaji' kapoam mampasiwa' ra bibiag, am kolondo' ulun ondo' makaliman ra mamimio intor ra ulisoon ru pantula'. Nangkinibit Aku ra ulun mansasangor.
Sumugut ra nangaruan ri Aki Kapuuno', nakapandai Io noyo intor poyo ra galing i koson i Jisus ti pataakon ramuyun. Pinatoi min Io ra nangkinibit kau ra ulun makatula no nanalip Riso.
Ginio sabap ra nakapandai akai atan arati' malaa' ra Tuhan, am ginio ra mapaintopot akai ra ulun. Guang mai napandayan toojo ri Aki Kapuuno', am malansan aku ra akau pana makatutun toojo ramon.