AMOS 3:2 - Tanou Moonsoi Timugon

² “Intor ra ngaangai' bansa' ra tana' ti, akau noyo rorondo' bansa' ondo' nauligan Kuno am alungin. Ginio sabap ra tula min maayo, am musiti' ukumin Takamin.”

AMOS 3:2 ပူးပေါင်းရင်းမြစ်များ

KASAUKAN 10:32

Ngaangai' no papag ri Nuu, rondo'-rondo' bansa' sumugut ra papag nilo sigagama'. Kopongo rosob i, ngaangai' bansa' ru tana' ti intor ra papag ru anak-anak ungkuyon ri Nuu.

KASAUKAN 18:19

Pinili' Kuno io, maa' raginio ra masusub no anak-anak nano am papag nano gumagaya' Raki' am mambaal ra atan ondo' motopot am matanda'. Amon ru baalon nilo koson raginio, ngaangai' bantu' Kuno ri Abragam suguton Ku.”

MAZMUR 147:19

Potonowon No ragu Nano ra ulun Nano, aturan am ukum Nano ra Israil.

KAINGKUALAN 32:34

Ugar no raino am ibito' ulun raginilo mongoi ra intok ondo' sinabit Ku noyo rirun. Karaa', maningganai malaikat Kuno rirun, kaa' masaboi paat no ra mangukum Aku ra ulun ragitilo sabap ra tula nilo.”

JISAYA 63:19

am pamakuan Muno ramon koson ra kalo igondo' Kou nanguasa' ramon, am koson ra kalo igondo' akai kasauk ra ulun Muno.

JIRIMIA 1:15

sabap ra mampiau Aku ra ngaangai' bansa' giu' ra tampilon ralayo matong. Raja'-raja' nilo manirong ra panturungan ru raja' giu' ra kulobon-kulobon garabang ru Jirusalim am giu' ra liliut ru timbok no, am niayuk giu' ra liliut ru bandar-bandar ra bokon giu' ra Jiuda.

JIRIMIA 10:25

Paabuso' noyo sangit Muno ra bansa'-bansa' ondo' kalo sumamba Rirun, am ra ulun ondo' nangimpai Rirun. Pinuso nilo ulun Muno; tinutuk nilo akai lingono' am namuso ra pagun mai.

JIRIMIA 11:22

Ginio ra, indagu Tuhan Ondo' Maayo Kaga' Kuasa', “Ukumin Ku ilo! Tuu' bagu nilo matoi ralalom ru pangayawan am anak-anak nilo matoi ra bitil.

JIRIMIA 13:21

Atan kia raguon min paat ra ulun ondo' karaan min koson ra rangan, nampaala am niayuk nanguasa' ramuyun? Maaru' makaliman kau ra maruol koson ra ruandu' maganak.

JIRIMIA 14:10

Koon raginio noyo ragu ru Tuhan intor ra ulun raginio, “Masaga' ilo magiru' intor Raki' am marara' ilo magalung ra inan. Ginio ra kalo maansayan Aku risilo. Karaan ku kasalaan nilo, am mangukum risilo sabap ra tula nilo.”

JIRIMIA 9:25

Indagu Tuhan, “Masaboi paat no ra mangukum Aku ra ulun ru Misir, Jiuda, Idom, Amon, Moab, am mamagun ru tana' kaagisan ondo' nompolontob ra abuk nilo. Ngaangai' ru ulun no sinunatan noyo, kaa' kalo giminagaya' ra nabantuan ondo' tinatanduan ra sunat no. Kolondo' sangulun pana risilo am kolondo' sangulun pana ra ulun ru Israil ondo' giminagaya' ra nabantuan Kuno.”

YEHEZKIEL 5:9

Sabap ra ngaangai' binaal muno ondo' kasisangin Kuno, mangukum Aku ra Jirusalim koson ondo' kalo igondo' Kuno baalo' am kalo boo baalon Ku.

YEHEZKIEL 9:6

Potoyo' ulun matutuo, buayoi, ralaa, ina' am lalaing-lalaing. Kaa' pai' guuto' sangulun pana ondo' makatatandu' ra rabas. Intarin ra giti, intor ra Baloi Kutu.” Ginio ra tinalimpuunan nilo kandoi am namatoi ra tingganai-tingganai ondo' minigor giu' ra Baloi ru Tuhan.

DANIL 9:12

Sinugut Mu noyo ondo' rinagu Muno ramon am panguasa'-panguasa' mai. Nangukum Kou ra Jirusalim moporos poyo intor ra bandar-bandar ra bokon ra tana' ti.

GOSIA 2:13

Indagu Tuhan, “Ibiton Ku poyo io ra tana' kaagisan. Giu' no, ambion Ku io ra ragu-ragu maamis.

GOSIA 5:3

Makapandai Aku ramuyun, akau Israil. Kalo makapansibuni kau intor Raki', am ulun mino kalo maaya' sumamba Raki'.”

GOSIA 8:13

Masaga' ilo mampataak ra taak simbalui Raki', am mangakan ra kual ru taak simbalui no. Kaa' Aku, Tuhan, kalo maansayan risilo. Raino mangkara' Aku ra tula nilo, am mangukum risilo sabap ra tula-tula no. Atarin Ku ilo saguli' ra Misir.

GOSIA 9:9

Binaal mino malaat kaga', koson ondo' binaal ru ulun giu' ra Gibia. Karaan ru Tuhan tula min am mangukum ramuyun.

AMOS 2:4

Indagu Tuhan, “Mamagun ru Jiuda ruruli' noyo makatula, sabap raginio maaru' ukumin Ku ilo. Inanggal nilo susuban Kuno am kalo mampalio ra pangilaan Kuno. Pinalayau ilo ru tuhan-tuhan ra bokon ondo' sambaan ru kinamatuaan nilo.

AMOS 3:3

Iowon kia ruo ngaulun mabaya' mugar ra kalo nabantu' koson maguma' galing?

AMOS 6:1

Aibui boo ramuyun ondo' naayag ra matasu' giu' ra Sion, am akau ondo' maayag ra moonsoi giu' ra Samaria. Akau noyo ulun nauligan kaga' inggalan intor ra Israil, bansa' ondo' maayo; akau noyo ondo' ratangin ru mamagun koson makiindangan.

MIKA 2:3

Ginio ra mindagu Tuhan, “Nangatang aku koson maparatong ra karaat patiwon ramuyun. Kalo makapagiru' kau intor ra karaat no. Malumpa' kau ra kapaganan, am akau pana kalo boo makapaliso ra malilimbau.

NAGUM 3:4

Niniwi mantalan ra inan no aniin ra ukuman. Kinantalur nano mamunduk kaga' ra guang. Masuang bansa' nasinggayawan riso, am nampasauk risilo ra ulipon nano.

RINALATAN 17:26

Intor ra sangulun ayuk nakapambaal Io ra nansalinut bansa' am pinaayan No ilo ra ati ayuk intok ra tana' ti. Intor ra galing i noyo inaru' No niayuk ra atan ayuk masauk risilo am ati ayanan nilo.

ROMA 2:9

Ginio ra moonong ulun ondo' mambaal ra kalaatan no maimbolo' am makakapaganan; kasaa' ulun ru Jaudi am niayuk sala' ka Jaudi.

1 KORINTUS 8:3

Kaa' ulun ondo' totopot motogom ri Aki Kapuuno', io ti mauligan ri Aki Kapuuno'.

SAGULION 10:15

Kaa' togom ru Tuhan ra kinamatuaan mini maayo kaga' saboi nampili' Io ramuyun intor ra ngaangai' bansa', am akau noyo ulun pinili' Nano.

SAGULION 26:18

Paat ra orou raiti' niayuk Tuhan nangapu ramuyun koson ra ulun Nano galama' koson ra binantu' Nano, am nanusub Io ramuyun maa' raginio gumagaya' ra ngaangai' ukum Nano.

SAGULION 32:9

kaa' papag ri Jakub pinili' ru Tuhan tayar Nano galama'.

SAGULION 4:32

“Intutuno' paat ra galing, nabuoi ra akau kalo poyo inanak, timinalimpuun intor ra paat ri Aki Kapuuno' nambaal ra ulun giti ra tana' ti. Ilai' noyo ra titikop ru tana' ti. Igondo' kia baal maayo ragitio nasauk? Igondo' kia osoi pana nokorongog ra sauk koson ragitio?

SAGULION 7:6

Baalo' noyo baal raginio sabap akau longgom ru Tuhan i Aki Kapuuno' min. Intor ra ngaangai' bansa' ra tana' ti, nampili' Io ramuyun masauk ra ulun Nano ondo' tagamin.

1 PITRUS 4:17

Maar noyo masuku' paat ri Aki Kapuuno' mangakim ra ulun ru tana' ti, am Ulun Nano akimin No galing. Amon ru itakau noyo talimpuunan Nano, atan masauk ra tauli no risilo ondo' kalo nangintopot ra Tanou Moonsoi intor ri Aki Kapuuno' i?