AMOS 3:12 - Tanou Moonsoi Timugon

¹² Indagu Tuhan, “Koson ra sangulun magagalung ondo' nakaalap ruo kalayam kapoam santalingaan ru domba nano ondo' sinaam ru singa', koson raginio niayuk ondo' masauk; sanganu ayuk ulun maayag ra gino ngai' ru mamagun Samaria ondo' raino liminuya' ra intok kaalangan ondo' moonsoi kaga'.”

AMOS 3:12 ပူးပေါင်းရင်းမြစ်များ

JISAYA 31:4

Tuhan mindagu raki', “Kabalu' pana nasuangan magagalung gumolok, kalo maanjung nilo singa' intor ra bibiag ondo' pinatoi nano. Ginio niayuk kolondo' mokopongompong Raki' Tuhan Ondo' Maayo Kaga' Kuasa', ka manindung ra Bulur Sion.

2 RAJA'-RAJA' 16:9

Nangiou Raja' Pul ra kitaakon ru Raja' Agas. Raja' Pul am saujor nano namulunsar ra Damsyik, nampagaau ra bandar no am namatoi ra Raja' Rijin. Raja' Pul nagibit niayuk ra mamagun ru bandar Damsyik mongoi ra Kir koson ra ulun rinakop.

1 RAJA'-RAJA' 22:25

Taam i Mika, “Makapandai kou ra baal ragitio paat ra okou mansibuni giu' ra rondo' ra lamin ra talikuron no.”

1 RAJA'-RAJA' 20:34

Indagu Raja' Bingadad riso, “Bandar-bandar ragili ondo' ginaau ru ama' kuli intor ra ama' muli, pasagulion ku rirun. Patirongon mu pusor pantalanan giu' ra Damsyik koson ragili ondo' pinatirong ru ama' kuli giu' ra Samaria.” Taam Raja' Agab, “Ra kitaakon ti palabuson ku raja'.” Nambaal ilo ra pangiawan, Raja' Agab pana nangiou ra Raja' Bingadad minugar.

1 RAJA'-RAJA' 20:30

Saujor ondo' nakapagiru' intor ra giu' no minongoi ra bandar Apik, am giu' ra bandar no suang 27,000 ngaulun poyo naabaan ru timbok ru bandar no. Raja' Bingadad niayuk nagiru' minongoi ra ralalom ru bandar am siminindung giu' ra lamin talikuron ru rondo' baloi.

AMOS 6:4

Aibui boo ramuyun ondo' liminuya' ra intok kaalangan ondo' moonsoi kaga', am munsag ra mangakan ra kual ru anak sapi' am anak domba!

JISAYA 8:4

Ra kalo poyo makapanabit io ‘ina'’ am ‘ama'’, ngaangai' rapu' ru bandar Damsyik am ngaangai' kuliamos ondo' ginaau ru Samaria ibiton ru raja' ru Asyur.”

ESTER 1:6

Liliut ru istana binungaan ra tabir intor ra konoon linon makabatik motomou am mapulak, ondo' binangkos ra ribin linon matanggilung ondo' malumis, am pinasangut ra golong-golong pirok ondo' pinatakin ra lugu'-lugu' marmar. Sofa-sofa intor ra mas am pirok giu' ra liliut ru istana, pinabanta' giu' ra rasawat ru sulig ondo' inanian ra marmar mapulak, hablur malia', am kulapa' ru mutiara ondo' manguliat, am batu pirus motomou.

ESTER 7:8

Nabaya' ra nangkausan ratu' i Gaman ra rasawat ru intok turungan ri Ester koson makimasi'. Kaa' paat raginio niayuk siminaguli' raja' intor ra taman istana. Pakakito raja' ri Gaman koson raginio, indagu raja', “Atan? Ulun ti lakat niayuk poyo baani manawo ra andu' raja' ragiti, ra saang kutu am ralalom ru istana ku galama'!” Karagu ayuk ru raja' gini, kukula' ngaulun sida-sida nanguluput ra ulu ri Gaman.

MAZMUR 132:3

Kon nano, “Kalo muli' aku kapoam mombolong;

AMOS 9:8

Aku, Tuhan Raja', tatanga' mangimansa' ra pamarintaan ru Israil ondo' makatula ti, am pusoon Ku ginio intor ra tana' ti. Kaa' kalo pusoon Ku ngaangai' papag ri Jakub.

JISAYA 17:7

Bulintok ru orou raginio matong, ulun sumaguli' makiindangan Riso Namangun risilo, i Aki Kapuuno' ru Israil, i Aki Kapuuno' ondo' matulai.