AMOS 3:10 - Tanou Moonsoi Timugon

¹⁰ Indagu Tuhan, “Sinuangan ru mamagun ru Samaria baloi nilo ra kuliamos-kuliamos ondo' noowot intor ra kalaatan am nantakawan. Totopot ilo kalo makapandai ra mabanis guang.

AMOS 3:10 ပူးပေါင်းရင်းမြစ်များ

AYUP 20:21

Paat ra ilo mangakan, kalo igondo' mokoondo' ra suwo, kaa', raino napupusan noyo kalangkayaan nilo.

MAZMUR 14:4

Pangkuot Tuhan, “Kalo kia nakapandai ngaangai' ulun malaat ti? Kaayagan nilo mantakou ra kuliamos ru ngaangai' ulun Kuno, am kalo igondo' pakiasi' Raki'.”

AMSAL 1:13

Alapon takau kuliamos nilo ra mologo, maa' raginio baloi takano napanu' ra kuliamos ondo' ginaau!

AMSAL 11:16

Ruandu' ra matanda' urumaton ru ulun; kaa' ruandu' kalo matanda' tauyuon. Ulun matiar kalo mokoowot ra ruit; kaa' ulun mingkotog mangandoi lumangkaya'.

AMSAL 28:5

Ulun malaat kalo makaulig ra katimpakan; ulun ondo' sumamba ra Tuhan, io no makarati' toojo.

MAMPATANOU 4:1

Kopongo raginio nakakito aku poyo ra ngaangai' kolondo' katimpakan ondo' masauk ra tana' ti. Ulun ondo' naimbolo' mantangi' am kolondo' sangulun pana mangindangan risilo. Kolondo' sangulun pana makakau' mangindangan risilo sabap ra ulun-ulun mangimbolo' no makakuasa'.

JIRIMIA 4:22

Indagu Tuhan, “Sasambungon ulun Kuno; kalo makaulig ilo Raki'. Koson ilo ra lalaing sasambungon, kolondo' karatian nilo. Mapandai ilo toojo mambaal ra malaat, kaa' mailo mambaal ra moonsoi.”

JIRIMIA 5:4

Aku pana nangkara', “Ilo no ulun ayuk ondo' kolondo' napandayan ra atan pana. Sasala' baalon nilo; kalo makapandai ra gogoton ri Aki Kapuuno' nilo, am kasagaan ru Tuhan risilo.

YEHEZKIEL 18:7

Kalo mamparuung io kapoam mantakou. Pasagulion no kuliamos ondo' inapu nano koson ra jaminan ra irain. Mampaakan io ra ulun maitilan am mangani' ra bayang ra ulun kolondo' bayang.

YEHEZKIEL 22:29

Ulun langkaya' namparuung am nampagaau. Inimbolo' nilo ulun musikin am namparuung ra ulun bansa' ru bokon.

YEHEZKIEL 8:17

Indagu Tuhan raki', “Okou ulun mapandai matoi, nakakito kou kia raginio? Mamagun ru Jiuda kalo poyo najala' ra binaal nilo ondo' makauyuyu' kapoam kalaatan ondo' binaal nilo ra titikop ru pagun ti. Inambai nilo nambaal ra ngaangai' no ragiti niayuk, ralalom ru Baloi Kuno am nampasangit poyo boo Raki'. Ilai' ati kulaan ilo magasab Raki' ra ralan ondo' makauyuyu' kaga'!

GOSIA 7:1

Indagu Tuhan, “Pogonong ra Aku mamabas ra ulun Kuno Israil am mamuna' ra baal nilo, makito Ku ayuk kalaatan-kalaatan ondo' binaal nilo. Mamparuung ilo ra rondo' am bokon, sumubol ra baloi ru ulun koson mantakou, am mantakou ilo ra ulun giu' ra ralan-ralan.

AMOS 4:1

Rongog kano, akau ruandu' Samaria ondo' liminomok poyo koson ra sapi' molomok giu' ra Basan! Nangimbolo' kau ra ulun malawo, manginjang ra ulun musikin am masaga' kaga' manusub maa' raginio ralaki mino magail mangula' ra inumon makagauk ramuyun!

AMOS 5:7

Aibui boo ramuyun ondo' manumbalik ra katimpakan am nampagaau ra kuasa' ru ulun!

AMOS 6:12

Masimbul kia kuda giu' ra bulur batu? Maradu' kia raat ra sapi'? Kaa' pinatumbalik min katimpakan saboi nasauk ra tuwo, am baal ondo' motopot nasauk ra nasala.

AMOS 6:3

Marara' kau mangiou ra orou ru karaat maar noyo, kaa' binaal min mampataki' ayuk ra ratangan ru orou makalalaa' no.

AMOS 6:8

Kinalasang ru Tuhan Raja' Ondo' Maayo Kaga' Kuasa' nampakara' ragitio, “Masisang Aku ra kinalimbau ru ulun ru Israil; masisang Aku kaga' ra baloi moonsoi nilo. Pusor bandar nilo am ngaangai' ondo' soroi ra giu' pataakon Ku ra pantula'.”

MIKA 6:10

Giu' ra baloi ru ulun malaat mokoondo' ra rapu' ondo' noowot ra pamparuungan. Nampakai ilo ra tutuku' kalo motopot, rondo' baal ondo' kasisangan Kuno. Ulun ondo' mambaal raginio ukumin Kuno.

JIPANYA 1:9

Ukumin Ku ngaangai' ulun ondo' siminambayang koson ra ulun ondo' kalo nakaulig Raki', am ondo' nantakou am niayuk namatoi koson nompososok ra baloi ru tingganai pangandayan nilo ra kuliamos-kuliamos tinakou.”

2 PITRUS 3:5

Ilo ti sumingon mangimpai ra minimpuun ra bala' ri Aki Kapuuno' noyo limbowon am tana' ti nasauk ra galing i. Sinauk No tana' ti intor ra timug am nagayantanga' poyo ra timug;