AMOS 2:13 - Tanou Moonsoi Timugon

¹³ Raino jajakin Takamin saboi ra tana', koson ra kurita' ru sapi' ondo' nososok ra inaut ra gandum.

AMOS 2:13 ပူးပေါင်းရင်းမြစ်များ

KASAUKAN 37:7

Naginupi aku ra itakau ngai' giu' ra umo ondo' tatanga' mamangkos ra gandum. Gandum ra binangkos kuli timinolorog. Gandum ra binangkos mini liminiput am kuku' ra binangkos kuli.”

AYUP 39:12

Malansan kou kia ra sapi' masigo koson manimung ra kumoson, am magibit ra ampos ru tinanom muno mongoi ra intok pangagikan?

MAZMUR 78:40

Mapara' ilo masalok lumaat Riso giu' ra tana' kaagisan; mapara' ilo masalok mapangiluk ra guang Nano!

JISAYA 1:14

Masisang Aku ra pangiantakan min ra Sila' Bagu am orou-orou matulai no, ondo' mapakapagon Raki', am naagui Aku mansaan raginio.

JISAYA 43:24

Kalo binalian min Aku ra kaminyan maamis owou, kapoam jinala' min Aku ra lomok ru bibiag ondo' pataakon min. Kaa' sinimbagatan min boo Aku ra tula mino; kasalaan mino napakapagon Raki'.

JISAYA 7:13

Taam boo i Jisaya, “Rongogo' min toojo, akau papag ru Raja' Daut. Kalo kia poyo sama' okou mangkinam ra orot ru ulun? Musiti' kia okou mangkinam ra orot ri Aki Kapuuno' kuno niayuk?

YEHEZKIEL 16:43

Nalilianan mu ati kulaan pinamakuan Kuno rirun paat ra okou boborok ayuk poyo, am napasingkual kou ra sangit Kuno ra ngaangai' binaal muno. Ginio sabap no ra musiti' kou mansaan ra ukuman no. Kua kia pansawa' kou poyo malupus nambaal ra ngaangai' baal ra bokon ondo' makauyuyu' no?” Tuhan Raja' minindagu noyo.

YEHEZKIEL 6:9

Giu' no maayag ilo ralalom ru pamatiran. Makakara' ilo boo Raki' am makaliman ra Aku nangukum am nanuyu' risilo sabap ra kalo gumagaya' ilo Raki'. Nangiruan ilo Raki' am nampili' ra sinungkalalaing, am sala' ka Aku. Majamalan ilo ra inan nilo galama' sabap ra binaal ondo' malaat am makauyuyu' ondo' binaal nilo.

MALIAKI 2:17

Binaal min Tuhan nasuraan ra ragu-ragu min. Kaa' nangkuot kau, “Ati kulaan akai nambaal ra Tuhan nasuraan?” Mindagu ra, “Ngaangai' ulun ondo' nambaal ra malaat karaan ra moonsoi ru Tuhan Ondo' Maayo Kaga' Kuasa', am maansayan Io risilo.” Kapoam mangkuot ra, “Ati kia i Aki Kapuuno' ondo' karaan ra matimpok no?”

UNTABAN 7:3

magibit ra taak nilo ra Tuhan: Onom kurita' ru sapi' am mopor am ruo ngainan sapi', rondo' kurita' sapi' tinaakan ru ruo ngaulun tingganai, am sanginan sapi' tinaakan ru moonong tingganai. Pakataak nilo ngaangai' no,