AMOS 2:11 - Tanou Moonsoi Timugon

¹¹ Nampili' Aku noyo ra kukula' ngaulun intor ra anak ungkuyon min koson masauk ra nabi, am kukula' ngaulun ra mamulok min masauk ra ulun Nazir. Sala' ka kia koon raginio, akau ulun ru Israil? Aku, Tuhan nakaindagu noyo.

AMOS 2:11 ပူးပေါင်းရင်းမြစ်များ

1 RAJA'-RAJA' 17:1

Sangulun nabi ondo' inggalan nano i Ilia intor ra Tisbi giu' ra Giliad mindagu ra Raja' Agab, “Ralalom inggalan ru Tuhan ondo' maayag, i Aki Kapuuno' ru Israil ondo' sambaan kuno, mambala' aku rirun ra buoi ru ruo kapoam talu ngambilor kolondo' bolobou kapoam rasam saboi ra aku mindagu ra mokoondo' ra rasam.”

1 RAJA'-RAJA' 18:4

Paat ri Ijibil namatoi ra nabi-nabi ru Tuhan, binuni ri Obaja maatus ngaulun nabi giu' ra ralalom ru luang batu. Tinayar no ilo ra ruo ngampulalai, limo ngoopor ngaulun sampulalai. Nangani' io risilo ra akanon am inumon.)

1 RAJA'-RAJA' 19:16

Baalo' niayuk ginio ri Jigu anak ri Nimsi maa' raginio masauk io ra raja' ru Israil, am niayuk ri Ilisa anak ri Sapat intor ra Abil-Migola maa' raginio masauk io ra nabi malit rirun.

1 RAJA'-RAJA' 20:13

Liliwa' raginio, sangulun nabi minuma' ra Raja' Agab am indagu, “Koon raginio ragu ru Tuhan, ‘Pai' kalaa' ra pulalai ru saujor ondo' maayo no! Paat ra orou raiti' mangani' Aku rirun ra kamanangan am makapandai kou ra Aku noyo Tuhan.’ ”

1 RAJA'-RAJA' 20:35

Ralalom susuban ru Tuhan, sangulun intor ra santimungan nabi nanusub ra sangulun nabi ra bokon mapalamba' riso, kaa' marara' nabi no.

1 RAJA'-RAJA' 20:41

Rilako' ru nabi no bangkos ra bulos nano, am paat raginio niayuk raja' no nakaulig riso sangulun nabi.

1 RAJA'-RAJA' 22:8

Taam Raja' Agab, “Mokoondo' sangulun poyo, i Mika anak ri Jimla. Kaa' masisang aku riso, sabap ra kalo igondo' io panala' ra baal moonsoi raki'; masalok io manala' ra baal malaat.” Taam Raja' Josapat, “Okou raja' kalo musiti' no mindagu koon raginio.”

2 RAJA'-RAJA' 17:13

Nanusub Tuhan ra kukula' ngaulun am nabi Nano koson mampakara' toojo ra Israil am Jiuda. Ragu ru Tuhan, “Longgo' kano mambaal ra malaat am gagayaa' min susuban Kuno ondo' nakasimpung ralalom ru Ukum ondo' tinaakan Kuno ra kinamatuaan mini am niayuk akau ondo' pinabala' galing ra nabi-nabi, ulipon-ulipon Kuno.”

2 RAJA'-RAJA' 6:1

Paat ra sangarawan, pulalai ru nabi ondo' inila' ri Ilisa mindagu ri Ilisa, “Intok inayanan takati mapisok kaga'!

2 TUNUNG RU BANSA' ISRAIL 36:15

Buoi ru ginio Tuhan, i Aki Kapuuno' ru kinamatuaan nilo, nararayus nanusub ra nabi koson mampakara' ra ulun Nano, sabap ra masaga' Io mamayag risilo am Baloi ru Tuhan.

JIRIMIA 11:21

Mamagun ru Anatot mompogogot ra aku matoi. Konilo, “Amon ru rayuson mu mampatanou ra tanou ru Tuhan, potoyon mai okou.”

JIRIMIA 2:31

Alii ra ulun ru Israil, rongog no ra ragu Kutu. Igondo' Aku kia koson ra tana' kaagisan ramuyun kapoam koson ra tana' ondo' molondom am makalalaa'? Kaa' kua kia indagu kau ra masaga' kau maya' ra kasagaan galama', am marara' boo sumaguli' Raki'?

JIRIMIA 2:5

Indagu Tuhan, “Atan kia panguwan ru kinamatuaan min Raki'? Kua kia talikur ilo Raki'? Sinamba nilo sinungkalalaing ondo' kolondo' onong, saboi ilo galama' nasauk ra kolondo' onong.

JIRIMIA 26:11

Imam-imam am nabi-nabi minindagu ra tingganai-tingganai am ra mamagun, “Ulun ragitio sotopot no ukumin ra matoi sabap ra minindagu io ra ondo' manggal ra bandar takau. Akau galama' nokorongog noyo.”

JIRIMIA 7:25

Intor ra kinamatuaan min miningkual intor ra Misir saboi ra orou raiti', magail Aku manusub ra ulipon-ulipon Kuli, nabi-nabi minongoi ramuyun.

SULABOI 4:7

Ragili tingganai-tingganai mai mapasau kaga' koson ra gapas ondo' mapulak kaga'. Ilo maayo inan am maikang, maligag am moonsoi.

MIKA 2:6

Ulun nampatanou raki' am mindagu, “Pai' potonowo' ramon. Pai' potonowo' intor ra ngaangai' no. Maaru' lair i Aki Kapuuno' kalo mampakauyu' ritakau.

RINALATAN 4:18

Piawo' nilo boo ruo ngaulun rasul i sumubol saguli' am inggalari' ilo ra kalo boo pasabitin inggalan ri Jisus kapoam makapangila' ralalom inggalan Nano.

RINALATAN 5:28

“Linolob takamin noyo ra pai' kau pangila' ra pangilaan ru ulun ragili. Kaa' ilai' boo binaal min! Nampatabual kau ra pangilaan min ra titikop ru Jirusalim ti, am nanguu' kau poyo ra akai no nangkinibit ra pinatayan ru ulun i.”

RINALATAN 7:51

Mapara' boo kotog ru guang min! Mapara' pagon mino mangkirongog ra bala' ri Aki Kapuuno'! Nogondo' kau ra kinamatuaan mini, masalok manggal kau ra Ambiluo ri Aki Kapuuno'!

SAGULION 18:18

Manusub Aku ra sangulun nabi risilo, nabi koson rirun, am intor ra bansa' nilo galama'. Mapasaboi Aku ra bala' Kuno riso, am io mapasaboi ra ngaangai' susuban Kuno ra ulun raginio.

1 SAMUIL 19:20

Ginio ra nanusub Raja' Saul ra kukula' ngaulun minongoi ra giu' no koson mamparakop ri Daut. Giu' no nakito nilo santimungan nabi tatanga' lumigo' am nagagampan giminolok, am tiningganai ilo ri Samuil. Ulun-ulun sinusub ru Raja' Saul pana kinuasa' ru Ambiluo ri Aki Kapuuno', am ilo pana tumalimpuun lumigo' am gumolok.

1 SAMUIL 3:20

Ngaangai' boo ru ulun ru Israil intor ra titikop pagun no nangiou ra i Samuil no nabi ru Tuhan.