AMOS 1:9 - Tanou Moonsoi Timugon

⁹ Indagu Tuhan, “Mamagun ru Tirus ruruli' noyo makatula, ginio ra maaru' ukumin Ku ilo. Nagibit ilo ra ngaangai' ulun intor ra rondo' bansa' giu' ra pamatiran ra pagun ru Idom; kalo nanugut ilo ra nabantuan ru pabukatan ondo' binaal nilo.

AMOS 1:9 ပူးပေါင်းရင်းမြစ်များ

2 SAMUIL 5:11

Raja' Giram, intor ra pagun Tirus, nangator ra ulun-ulun sinusub nano mongoi ra Raja' Daut. Nangani' Raja' Giram ri Raja' Daut ra tataun sidar, manukang ra tataun am manukang ra batu koson mambaal ra istana.

MAZMUR 83:7

ulun ru Idom am ulun ru Ismail, ulun ru Moab am ulun ru Gagri;

JIRIMIA 47:4

Nasaboi paat no koson mamuso ra ngaangai' ulun ru Palistin, am mamuso ra ngaangai' indangan ondo' inapu ru bandar Tirus am Sidon. Aku, Tuhan mamuso ra ulun ru Palistin, ngaangai' ulun ondo' minatong intor ra pulu' Krita.

YEHEZKIEL 27:1

Indagu Tuhan raki',

YEHEZKIEL 27:27

Ngaangai' kuliamos talanon muno, ngaangai' ulun masundoi ra raat am ulun-ulun muno, ulun manukang ra tataun am ilo ulun mantalan muno, am moonong saujor ralalom ru kapal muno, ngaangai' no natatak ra nolosor paat ra kapal muno nakalom.

YEHEZKIEL 28:1

Indagu Tuhan raki',

YEHEZKIEL 28:18

Talanon muno nososok ra ondo' kalo mabanis saboi intok-intok sambayangan muno najamalan. Ginio ra solobon ku bandar muno saboi mapuso. Ngaangai' ulun ondo' magilong rirun raino makakito ra kaau ayuk.

AMOS 1:11

Indagu Tuhan, “Mamagun ru Idom ruruli' noyo makatula, ginio ra maaru' ukumin Ku ilo. Kolondo' guang makaasi', nangilou ilo noyo ra ulun ru Israil, pabukat nilo. Narayus-rayus ilo siminangit am nagulayun nansuli'.

AMOS 1:6

Indagu Tuhan, “Mamagun ru Gaja ruruli' noyo makatula, ginio ra maaru' ukumin Ku ilo. Rinakop nilo noyo ngaangai' ulun intor ra rondo' bansa', am nantalan ra bansa' no koson ra ulun inulipon ra ulun ru Idom.

OBAJA 1:11

Paat ra pantula' mampalunsai ra kulobon garabang ru Jirusalim am kuasaan bandar no, kolondo' atan pana mabaal min. Nogondo' laat min ra ulun bansa' ra bokon ondo' nagaut ra rapu' ru Jirusalim, am tinayar-tayar ginio ra ilo galama'.

JAKARIA 9:1

Gitio noyo tanou ru Tuhan. Nangukum Io ra pagun Gadrak am bandar Damsyik. Sala' ka ayuk bansa'-bansa' ru Israil, kaa' pusor bandar ru pagun Siria niayuk longgom ru Tuhan.

MATIUS 11:21

“Aibui boo ra ulun ru Korajin! Aibui boo ra ulun ru Bitsaida! Amon ru kaimuagan ondo' binaal ra tatanga' min nabaal noyo giu' ra Tirus am Sidon, lair noyo ulun ru giu' no mangulir am manauk ra ulu nilai ra kaau, koson tatandu' ra ilo ti timinalikur noyo intor ra tula nilono!

MATIUS 11:22

Karaa' min, paat ra Orou Pupus no, maayo guang ri Aki Kapuuno' makaasi' ra ulun ru Tirus am Sidon ka akau!

LUKAS 10:13

“Mumpara' boo laat ru bandar Korajin! Mumpara' boo laat ru bandar Bitsaida! Amon ru kaimuagan ondo' binaal ra tatanga' min nabaal noyo giu' ra bandar ru Tirus am Sidon, lair poyo ulun ru giu' i timinalikur intor ra tula nilai am nangulir!

LUKAS 10:14

Paat ra Orou Pupus no, maayo guang ri Aki Kapuuno' makaasi' ra ulun Tirus am ulun Sidon ka akau!