Kinala ru Raja' Gijkia no ulun ru Palistin am nanalingaau ra libung nilo, intor ra kampung ondo' boborok kaga' saboi ra bandar ondo' maayo kaga', nakaaya' Gaja am liliut no.
Nangayou Raja' Ujia ra ulun ru Palistin. Ginaba' no timbok ru bandar Gat, Jabni am Asdod, am nambaal ra bandar-bandar mokoondo' ra kubu mamaar ra Asdod am giu' ra intok ru ulun ru Palistin.
Mampaang Aku ra apui giu' ra pagun Magog, am giu' ra gawar ru nagas intok ru ulun maayag ra kaansayan. Ngaangai' ulun makapandai boo ra Aku noyo Tuhan.
Indagu Tuhan, “Mamagun ru Gaja ruruli' noyo makatula, ginio ra maaru' ukumin Ku ilo. Rinakop nilo noyo ngaangai' ulun intor ra rondo' bansa', am nantalan ra bansa' no koson ra ulun inulipon ra ulun ru Idom.
Iruon Ku kuasa' ru ulun-ulun manguasa' ra bandar Asdod am Askilon. Ukumin Ku bandar Ikron am mamuso ra ngaangai' ulun ru Palistin ondo' lakat poyo naayag.”
Kolondo' boo osoi pana ondo' mayan giu' ra bandar Gaja. Bandar Askilon iruanin. Mamagun ru Asdod pagiruon ralalom sampiruo orou, am mamagun ru Ikron pagiruon intor ra bandar nilo.
Pabukat ondo' tagamin ku: pai' pambalos ra kalaatan ru ulun, kaa' polosoo' noyo i Aki Kapuuno' mangukum risilo. Sabap ra tinulisan noyo ra Buuk Kitab, “ ‘Aku noyo mambalos am Aku noyo mangukum,’ kon ru Tuhan.”