AMOS 1:5 - Tanou Moonsoi Timugon

⁵ Lunsayon Ku kulobon garabang Damsyik, am mangimpai ra mamagun ru Limayak Awin intor ra intok ayanan nilo. Ulun manguasa' ru Bit-Idin patuunon Ku intor ra turungan ru raja', am mamagun ru Siria rokopon am niayuk patirin giu' ra pagun Kir.”

AMOS 1:5 ပူးပေါင်းရင်းမြစ်များ

2 RAJA'-RAJA' 14:28

Ngaangai' binaal ru Raja' Jirobiam II, nakasimpung kinapanggol nano ralalom pangayawan am ati kulaan io nampagaau saguli' ra Damsyik am Gamat intor ra Jiuda koson ra Israil, tinulisan ralalom ru buuk Sejarah ru Raja'-Raja' ru Israil.

2 RAJA'-RAJA' 16:9

Nangiou Raja' Pul ra kitaakon ru Raja' Agas. Raja' Pul am saujor nano namulunsar ra Damsyik, nampagaau ra bandar no am namatoi ra Raja' Rijin. Raja' Pul nagibit niayuk ra mamagun ru bandar Damsyik mongoi ra Kir koson ra ulun rinakop.

JISAYA 22:6

Ulun ru Siria minatong kiminura' ra kuda am kurita' kuda, ulun ru Ilam nananggal ra panah am tanggayan no, am ulun ru Kir tumampos magibit ra ampin.

JISAYA 43:14

I Aki Kapuuno' ru Israil, i Aki Kapuuno' ondo' matulai, Tuhan ondo' mamayag ramuyun mindagu, “Atarin Takamin ra saujor koson mamayag ramuyun intor ra Babil; Lunsayon Ku kulobon-kulobon garabang, am pagigindiyan ru namagun Babil makulau masauk ra tangi'.

JISAYA 8:4

Ra kalo poyo makapanabit io ‘ina'’ am ‘ama'’, ngaangai' rapu' ru bandar Damsyik am ngaangai' kuliamos ondo' ginaau ru Samaria ibiton ru raja' ru Asyur.”

JIRIMIA 50:36

Mapuso noyo nabi-nabi nano ondo' magabau – sasambungon ilo kaga'! Mapuso noyo saujor-saujor nano – mapara' piboo laa' nilo!

JIRIMIA 51:30

Saujor-saujor ru Babilonia kalo boo mangayou. Nairu' boo kinabaani nilo, am tatanga' mansibuni giu' ra ralalom ru kubu-kubu; malaa' ilo koson ra ruandu'. Kulobon garabang ru bandar linunsai noyo am baloi-baloi nosolob.

SULABOI 2:9

Kulobon-kulobon garabang nalunsai napumpunan ru ondo' nalunsai, am tataun ru umpok nano nangapandak. Raja' am tingganai-tingganai raino giu' ra pagun pamatiran. Ukum ru Tuhan kalo boo pailaan, am nabi-nabi kalo boo mangapu ra pinaintalang intor ra Tuhan.

YEHEZKIEL 27:23

Bandar-bandar Aran, Kani, Idin, ulun mantalan intor ra Syiba, bandar-bandar Asyur am Kilmad, ngaangai' no mantalan ramuyun.

YEHEZKIEL 30:17

Ungkuyon-ungkuyon mamulok ru bandar Giliopolis am Bubastis matoi ralalom ru pangayawan, am mamagun ra bokon rokopon.

GOSIA 10:8

Intok-intok ru ulun ru Israil sumamba ra sinungkalalaing giu' ra tampak ru bulur giu' ra Bitil pusoon. Bulungkut makaruui am niayuk sakot mampalungkut ra altar-altar nilo. Ulun pana gumolok ra gunung-gunung, “Sibunio' akai!” am ra bulur-bulur, “Ratu' no ramon!”

AMOS 5:5

Pai' ongoi ra Birsyiba koson sumambayang. Pai' paguyum Raki' giu' ra Bitil sabap ra Bitil lumiot. Pai' ongoi ra Gilgal, sabap ra mamagun ru bandar no patirin ra pagun.”

AMOS 9:7

Indagu Tuhan, “Akau ulun ru Israil, lioon Ku ulun ru Itiopia nogondo' koson ra Aku mampalio ramuyun. Ibiton Ku ulun ru Palistin intor ra Krita am ulun ru Siria intor ra Kir nogondo' koson ra Aku nagibit ramuyun intor ra Misir.

NAGUM 3:13

Saujor muno malawo koson ra ruandu' am pagun muno makatalang, kalo maalungan giu' ra saang ru pantula'. Apui sumolob ra lugu' ru kulobon garabang muno.