AMOS 1:4 - Tanou Moonsoi Timugon

⁴ Ginio ra atarin Ku apui ra istana ondo' binaal ru Raja' Gajail am monolob ra kubu-kubu ru Raja' Bingadad.

AMOS 1:4 ပူးပေါင်းရင်းမြစ်များ

1 RAJA'-RAJA' 19:15

Indagu Tuhan riso, “Saguli' no ra tana' kaagisan mamaar ra Damsyik. Subol no ra bandar am umawo' ulu ri Gajail ra umau koson tatandu' ra io pinili' masauk ra raja' ru pagun Siria.

2 RAJA'-RAJA' 13:25

Paat raginio Raja' Jigoas intor ra Israil, intalu nangala ra Raja' Bingadad. Raja' Jigoas nampagaau saguli' ra bandar-bandar ondo' pinarinta ru Raja' Bingadad paat ra pamarintaan ru Raja' Jigoagas, ama' ru Raja' Jigoas.

2 RAJA'-RAJA' 13:3

Ginio ra siminangit Tuhan ra Israil. Tuhan nopoloso ra Raja' Gajail, raja' ru Siria am Raja' Bingadad anak ungkuyon ru Raja' Gajail, ruruli' nangala ra Israil.

2 RAJA'-RAJA' 6:24

Kalo nabuoi raiti, Raja' Bingadad intor ra pagun ru Siria naningganai ra ngaangai' ru saujor nano minanggal ra Israil am nagawang ra bandar Samaria.

2 TUNUNG RU BANSA' ISRAIL 16:2

Ginio ra Raja' Asa nangalap ra pirok am mas intor ra pambulian giu' ra Baloi ru Tuhan am giu' ra istana. Kopongo raginio Raja' Asa nangator raginio ra Damsyik ra Raja' Bingadad raja' ru Siria, nabaya' ra bilin ragitio,

JIRIMIA 17:27

Ngaangai' baal raginio masauk paat ra akau gumagaya' Raki' am mangiantak ra orou Sabat koson ra orou ondo' patimpokon ayuk Raki'. Pai' pangkayang ra maagat mansail ra kulobon-kulobon garabang ru Jirusalim paat ra orou raginio. Amon ru manggal kau ra susuban Kuno, solobon Ku koyoo' kulobon-kulobon garabang ru Jirusalim am niayuk istana-istana nano, am apui no kalo malasa' ru osoi pana.’ ”

JIRIMIA 49:27

Solobon Ku timbok ru Damsyik am mangumpo ra istana-istana ru Raja' Bingadad. Aku, Tuhan Ondo' Maayo Kaga' Kuasa', nakaindagu noyo.”

YEHEZKIEL 30:8

Mopongo Aku monolob ra Misir am mamatoi ra ngaangai' ulun manungka' riso, bagu no makapandai ilo ra Aku noyo Tuhan.

YEHEZKIEL 39:6

Mampaang Aku ra apui giu' ra pagun Magog, am giu' ra gawar ru nagas intok ru ulun maayag ra kaansayan. Ngaangai' ulun makapandai boo ra Aku noyo Tuhan.

GOSIA 8:14

“Ulun ru Israil nambaal ra istana-istana, kaa' nalilianan nilo ondo' Namangun risilo. Ulun ru Jiuda nambaal ra bandar-bandar mokoondo' ra kubu, kaa' paratuon Ku apui koson monolob ra ngaangai' bandar am istana nilo.”

AMOS 1:10

Ginio ra atarin Ku apui giu' ra timbok ru bandar Tirus am solobon kubu-kubu nano.”

AMOS 1:12

Ginio sabap ra atarin Ku apui giu' ra bandar Timan am solobon kubu-kubu ru Bojra.”

AMOS 1:14

Ginio ra atarin Ku apui giu' ra timbok ru bandar Raba am mangumpo ra ngaangai' kubu no. Paat raginio morongog ginia' ru pampatayan am pangayawan giminaai koson ra bagiu'.

AMOS 1:7

Ginio ra atarin Ku apui giu' ra timbok ru bandar Gaja am mangumpo ra ngaangai' kubu no.

AMOS 2:2

Ginio ra atarin Ku apui giu' ra pagun ru Moab am solobon kubu-kubu ru Kiriot. Mamagun ru Moab matoi giu' ra tatanga' ginia' ru pangayawan, liliwa' bujung samputin am ginia' ru pampatayan kosongowon ru saujor.

AMOS 2:5

Ginio ra atarin Ku apui giu' ra pagun ru Jiuda am solobon kubu-kubu ru Jirusalim.”

TINGGANAI RU BANSA' 9:57

Nangkinibit i Aki Kapuuno' niayuk ra mamagun ru Sikgim naimbolo' sabap ra kalaatan nilo, koson ra rinagu ri Jotam anak ri Gidion paat io nagulas risilo.