AGAI 2:6 - Tanou Moonsoi Timugon

⁶ Kalo boo mabuoi uyogon Ku limbowon am tana' ti, lantur am raat.

AGAI 2:6 ပူးပေါင်းရင်းမြစ်များ

AYUP 9:6

Ginonggon ri Aki Kapuuno' tana' ti am pinuyu' tana'; inuyog No lugu' napatampakan ra tana' ti.

MAZMUR 18:7

Bulintok makakapaganan mampiau aku ra Tuhan; mampiau aku ri Aki Kapuuno' kuno koson makiindangan. Ralalom ru Baloi Nano rongogon No bolos kuno; talinaasin No pampiawan kuno.

MAZMUR 37:10

Ulun malaat mapuso ra mataki'; kabalu' pana uyumon, kalo boo majampa' ilo.

JISAYA 10:25

Kalo boo mabuoi lumonggo' Aku mangukum ramuyun, am pusoon Ku ilo.

JISAYA 13:13

Limbowon pasaukon Ku monontol, am tana' ti mauyog intor ra intok nano paat ra orou raginio, Bulintok ra Aku, Tuhan Ondo' Maayo Kaga' Kuasa' mapatalang ra sangit Kuno.

JISAYA 2:19

Ulun mansibuni ra ralalom ru luang batu giu' ra kabatuan bulur, kapoam mangkali ra luang giu' ra tana' koson tumuliar ra sangit ru Tuhan, am mansibuni intor ra kuasa' am katulayan Nano bulintok ra Io matong manguyog ra tana' ti.

JISAYA 29:17

Koson ra ragu ru ulun, kalo boo mabuoi kataunan masauk ra umo, am umo tumapuli' masauk ra kataunan.

JISAYA 34:4

Mato ru orou, bulan, am butitin matutuk. Limbowon mapuso, ilain koson ra rinulun koson naskhah rinulun. Butitin-butitin maratu' koson ra raun matutu' intor ra puun ru anggur kapoam puun ru nunuk.

JIRIMIA 33:14

Indagu Tuhan, “Masaboi paat no ra suguton Ku bantu' Kuno ra mamagun ru Israil am Jiuda.

JIRIMIA 51:33

Kalo boo mabuoi pantula' mangala risilo am manginginjang risilo koson ra ulun manginginjang ra gandum giu' ra intok mangagik ra gandum. Aku, Tuhan Ondo' Maayo Kaga' Kuasa', i Aki Kapuuno' ru Israil, nakaindagu noyo.”

YEHEZKIEL 38:19

Ra totopot sumangit mindagu Aku ra orou raginio tana' mogonggon ondo' makalalaa' masauk giu' ra pagun ru Israil.

YEHEZKIEL 38:20

Ngaangai' papait am susuit, ngaangai' bibiag maayo am boborok, am ngaangai' ulun ra tana' ti monontol sabap ra malaa' Raki'. Gunung maluyu', tobo matuan am moonong timbok malunsai.

JOIL 3:16

Bolos ru Tuhan mansangal intor ra Bulur Sion; maningkalur Io intor ra Jirusalim; limbowon am tana' ti malunggun, kaa' manindung Io ra ulun Nano.

RINALATAN 2:19

Mampakito aku ra kukula' kaimuagan giu' ra limbowon, am niayuk tatandu' ra tana' ti Mokoondo' raraa', apui am binuun ru lisun.

IBRANI 10:37

Sabap ra mokoondo' tinulisan noyo ra Buuk Kitab: “Kalo boo mabuoi am sumuku' Io; kalo kabuoyon No ratangan Nano.

PINAINTALANG 11:9

Ulun intor ra moonong pagun, bansa', ragu am papag magilong ayuk ra baangkai nilo buoi talu ngoorou naintanga' am kalo mataak nilo baangkai-baangkai no lobongon.