AGAI 2:23 - Tanou Moonsoi Timugon

²³ Paat orou raginio, okou Jirubabil, ulipon Kuno, pasaukon Tokou koson mamarinta ralalom ru inggalan Kuno, sabap okou noyo ondo' pinili' Kuno.” Ginio noyo ragu ru Tuhan Ondo' Maayo Kaga' Kuasa'.

AGAI 2:23 ပူးပေါင်းရင်းမြစ်များ

MAZMUR 65:5

Pakaansuk noyo ilo ondo' pinili' Muno, ilo ondo' inibit Muno minayan ra Baloi Muno. Giu' ra Baloi Muno, basugon Mu akai ra ngaangai' ondo' moonsoi, barakat Muno ramon giu' ra ayanan Muno ondo' matulai.

RIMBAI PANGAMPARAN 8:6

Sauko' aku ra ambai muno; pai' ganggol ra bokon ondo' ak am aku, sabap ra lumaai no koson ra kinaikang ru kapatayan, am saga' ru guang galama' manguasa' koson ra patayan. Simbula' nano koson ra simbula' ru apui, ondo' bibilak ra makalalaa'.

JISAYA 42:1

Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

JISAYA 43:10

“Akau ulun ru Israil, akau noyo sasi' Kuno; pinili' Takamin masauk ra ulipon Kuno maa' raginio mauligan min Aku am niayuk mangintopot kau Raki', am mangarati' kau ra Aku noyo rondo'-rondo' ayuk i Aki Kapuuno'. Suai intor Raki', kolondo' tuhan-tuhan ra bokon; intor poyo ra galing i, kapoam orou ra matong.

JISAYA 49:16

Jirusalim, masalok Aku mangkara' rirun; inggalan muno tinulisan Ku ra palar ru kalindu' Kuno.

JIRIMIA 22:24

Indagu Tuhan ra Raja' Joyakin anak ungkuyon ru Raja' Joyakim, intor ra Jiuda, “Ralalom ru inggalan Kuno, i Aki Kapuuno' ondo' maayag, mambala' Aku toojo ra kabalu' pana ra koson kou ra sinsing ru tatandu' ra kalindu' pamiris Kutu, kaa' paguson Tokou,

MATIUS 12:18

“Gitio noyo ulipon Kutu ondo' pinili' Kutu, sangulun ondo' tagamin Kuno am mapakatasu' ra guang Kuno. Pataakin Ku Ambiluo Kuno Riso, am mampatanou Io ra ngaangai' bansa' ra Aku ti motopot.

JUANIS 6:27

Pai' kano paguyum ra akanon ondo' mataki' malaat. Kaa' paguyum kano ra akanon ondo' tumaan, ioginio mangani' ra kaayagan motopot am mantilayun. Anak ru Ulun noyo mangani' ramuyun ra akanon ragitio, sabap ra i Aki Kapuuno' noyo galama' nangiou Riso.”

2 TIMOTIUS 2:19

Kaa' ondo' binaal ri Aki Kapuuno' no ra guang ru ulun Nano kalo maalap kauyog. Am minindagu Io noyo, “Tuhan makaulig ra osoi ulun Nano,” am poyo ra, “Osoi ayuk mangiou ra io ulun ru Tuhan, musiti' io tumalikur intor ra kasalaan nano.”

1 PITRUS 2:4

Intor poyo raginio, ibok am ratong kano ra Tuhan. Io ti mogondo' ra batu naayag, ondo' pinatiran noyo ru ulun ra kolondo' onong; kaa' Io no ondo' pinili' ri Aki Kapuuno' ra mokologo toojo.