22 mamparatu' ra pamarintaan, am manutuk ra kuasa' nilo. Palapiaton Ku kurita'-kurita' kuda am ulun nampaugar no; ngaangai' kuda matoi am ulun-ulun nangura' no mampatoi ra rondo' am bokon.
Bansa' ondo' rondo' mangimbolo' ra bansa' ra bokon, am bandar ondo' rondo' mangimbolo' ra bandar ra bokon, sabap ra i Aki Kapuuno' tatanga' mamparatong ra kapaganan am pagalabaan risilo.
Saujor ru Amon am Moab mamulunsar ra saujor ru Idom am namuso raginio ra malingon. Kopongo raginio ilo no poyo mampapatoi ra rondo' am bokon ra moporos.
Mangkinibit Aku ra ulun ru Misir bambalingatan kaga' saboi mangilou ilo ra ulun ru Israil, am poyo ralalom ru raat pana. Kamanangan Kuno ra raja' ru Misir, saujor nano, kurita' kuda nano am mapaugar ra kurita' kuda nano maparatong ra pangurumatan Raki'.
Saguli' timug no am napalinjob ra ngaangai' kurita' kuda am mapaugar no, am niayuk ngaangai' saujor ru Misir ondo' nangilou ra ulun ru Israil ra tanga' ru raat; kolondo' sangulun pana naayag.
Mindagu Tuhan, “Singkualon Ku pangayawan ra gino ngai' ru Misir: pabukat manggal ra pabukat, pasambalayan manggal ra pasambalayan, bandar manggal ra bandar, am raja' manggal ra raja' koson mampagaau ra kuasa'.
Malunsai! Malunsai! Totopot lunsayon Ku bandar ti! Kaa' baal ragitio kalo masauk ra kalo poyo ulun pilion Kuno koson mangukum ra bandar ti matong. Paat raginio pataakon Ku bandar ti riso.’ ”
Giu' ra mija' Kuno susuit am bibiag no mamasug ra tinai' ra mangakan ra kuda am ulun nangura' ra kuda, saujor am ulun tutumula'. Aku, Tuhan Raja', nakaindagu noyo.”
Sabap ra ruung nano, makasugut io ralalom ru pamparuungan nano. Lumimbau io ra inan nano, am mamuso ra masuang ulun ra kalo mangani' ra pampakaraan. Io no poyo ondo' baani manggal ra Raja' Ondo' Maayo Kaga'. Kaa' pusoon io ra sala' ka ra kuasa' ru ulun.
Makakito bansa'-bansa' no ra baal raginio am mauyu' sabap malimanan nilo ra kaikangan nilo kolondo' toojo arati'. Ilo kalo boo makaindagu am kalo mokorongog sabap ra kalo makabaal ra atan ayuk.
Indagu Tuhan, “Kaa' ilai' min! Inaani' ayuk orou ra Aku kumakat koson ra sasi' koson manguu' ra bansa'-bansa'. Namatas Aku noyo koson manimung ra bansa'-bansa' am pamarintaan-pamarintaan maa' raginio makalumpa' Ku sangit Kuno risilo. Titikop ru tana' ti pusoon ra apui ru sangit Kuno.
Nanusub malaikat no raki' nampasaboi ra tanou ru Tuhan ti ri Jirubabil, “Makasugut kou sala' ka kaikangan ru saujor kapoam kaikangan muno galama', kaa' ra Ambiluo Kuno.
Indagu Tuhan, “Patirin Ku kurita' kuda intor ra Israil, am niayuk kuda giu' ra Jirusalim; busur ondo' pinakai ralalom pangayawan pusoon. Raja' min makimobonsoi ra gino ngai' ru bansa'; pamarintaan nano malangka' intor ra raat saboi ra raat, intor ra Sungoi Iprat saboi ra pompor ru tana' ti.”
Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”
Liliwa' ulun ri Gidion nanamput ra bujung nilo, nangkinibit Tuhan ra pulalai ru pantula' minibulunsar ra ilo po galama' ra ilang. Nagiru' ilo minongoi ra Jirira saboi ra Bit-Sita am bandar Abil-Migola, maar ra Tabat.