AGAI 2:19 - Tanou Moonsoi Timugon

¹⁹ Kabalu' pana kolondo' boo gandum ra natatang, am puun ru anggur, puun ru ara, puun ru dalima', am niayuk puun ru jaitun kalo poyo nangkawa', kaa' tumalimpuun raino barakaton Takamin!”

AGAI 2:19 ပူးပေါင်းရင်းမြစ်များ

KASAUKAN 26:12

Pagitanom i Isak ra sampug ra pagun raginio am bilor raginio niayuk nangkumos io ra maatus kinauli' no intor ra tinanom nano, sabap ra binarakat io ru Tuhan.

AYUP 39:12

Malansan kou kia ra sapi' masigo koson manimung ra kumoson, am magibit ra ampos ru tinanom muno mongoi ra intok pangagikan?

MAZMUR 133:3

Baal raginio koson ayuk ra bolobou rasawat ru Gunung Girmon, ondo' rumatu' ra kabuluran Sion. Ra giu' no, Tuhan mapatuun ra barakat Nano, ioginio kaayagan ra kolondo' pupus.

MAZMUR 84:12

Tuhan noyo manindung am raja' takau ra matulai, barakaton No itakau ra kaansayan am katulayan. Kalo ingain No atan-atan ondo' moonsoi intor ra ulun ondo' bayag nano kolondo' ruruko.

JIRIMIA 31:12

Matong ilo ra Bulur Sion liliwa' marimbai ra maansukan; maansukan ilo sabap ra pinataak Kuno, iono gandum, wain, umau jaitun, domba am sapi'. Ilo koson ra taman ondo' naukop ra timug, kalo naawayan ilo ra atan pana.

JIRIMIA 31:14

Imam-imam basugon Ku ra akanon masuang, am mangukop ra ngaangai' ondo' pakuan ru ulun Kuno. Aku, Tuhan, nakaindagu noyo.”

JOIL 1:12

Puun ru kikinawa' giu' ra umo liminonot noyo boo ngaangai'; puun anggur, puun ipol, puun ara, puun kurma am puun dalima', mamagun pana kalo boo maansukan.

JOIL 2:14

Maaru' lair Tuhan i Aki Kapuuno' mino mangulau ra pangkaraan Nano, am mambarakat ramuyun ra ampos ru tana' ti ondo' masuang. Ginio ra makapampataak kau Riso ra gandum am wain.

AGAI 1:11

Naparatong Aku noyo ra tampio ra pagun ti saboi bulur, umo ru gandum, umo ru anggur, umo ru jaitun am ngaangai' tutuu' ra pagun ti mangapua'. Ulun, bibiag am ngaangai' tinanom min malumpa' ru tampio.”

MALIAKI 3:10

Ibito' min ngaangai' sampiopor min giu' ra Baloi Kuno maa' raginio mokoondo' masuang akanon ra giu'. Pangkinam kano Raki', am makito min Aku mangukab ra gigimpalan-gigimpalan ru suruga' am labain kau ra ngaangai' ondo' moonsoi.

MATIUS 6:33

Sotopot no, gogoto' min galing ra i Aki Kapuuno' mamarinta ra kaayagan mino am baalo' noyo kasagaan Nano, am aniin kau boo ri Aki Kapuuno' ra ngaangai' baal ra bokon no.

SAGULION 15:10

Anii' io ra atan ayuk ra kalo kibayarin am ra taau ru guang, am mambarakat Tuhan ramuyun ralalom ngaangai' ru baalon min.

SAGULION 28:22

Mangukum Tuhan ramuyun ra maruol-maruol ondo' tumapik, lanit-lanit am salom. Maparatong Tuhan ra tampio am angin malasu' saboi kumoson min mapuso. Karaat-karaat marayus lumumpa' ramuyun saboi kau matoi.