AGAI 2:12 - Tanou Moonsoi Timugon

¹² Amon ru mokoondo' sangulun ondo' nangalap ra sangkinis kual intor ra taak simbalui ondo' pinataak ra Tuhan, am inibit no minuli' ralalom ru liningkom ra sukub nano, kalupus raginio sukub nano nakakambong ra ruti' kapoam rorondo' inansak, kapoam wain, kapoam umau jaitun, kapoam akanon ra atan ayuk, ngaangai' no kia masauk ra matulai niayuk?” Paat i Agai nampasaboi ra pangkuatan no, taam imam-imam no, “Kalo.”

AGAI 2:12 ပူးပေါင်းရင်းမြစ်များ

KAINGKUALAN 29:37

Baalon ginio moonong orou buoi katuluan. Ginio ra mapasau boo ngaangai' altar no, am atan ayuk ondo' makatiu' ra altar no musiti' pataakon ra Tuhan, am atan ayuk ondo' makakambong ra altar no mausung sabap ra kaikangan ru kapasawan ru ginio.”

MAMPATANOU 10:1

Baangkai ru bulongor nampalaat ra sambutul umau maamis owou, koson raginio niayuk ra kalo matanda' koborok ondo' makairu' ra kapintaran masawat kaga'.

YEHEZKIEL 44:19

Ra ilo kalo poyo mingkual mongoi ra liliut ra liwar, mongoi ra intok timungan ru ulun, imam-imam no musiti' mangalus ra bayang ru imam am tatangon ginio giu' ra ralalom ru lamin-lamin matulai. Musiti' ilo mambayang ra bokon maa' raginio bayang matulai no kalo makausung ra ulun.

IMAMAT 6:27

Sasangulun kapoam atan pana makatiu' ra kual ru bibiag no mausung sabap ra kaikangan ru kapasawan no. Bayang ondo' matakisan ru raraa' ru bibiag no musiti' pupuin ra intok ondo' mapasau.

IMAMAT 6:29

Moonong ungkuyon intor ra sasambaloi ru imam paakanon ra taak simbalui ti; taak simbalui ti matulai kaga'.

IMAMAT 7:6

Moonong ungkuyon intor ra sasambaloi ru imam makaakan ra kual ru taak simbalui ragitio, kaa' musiti' nilo akanon ginio giu' ra intok mapasau sabap ra taak simbalui ti matulai kaga'.

MATIUS 23:19

Mumpara' boo bolou mino! Atan kia ondo' maatang toojo? Ondo' pataakon no kia kapoam altar ondo' mampatulai ra taak nano?

SAGULION 33:10

Mangila' ilo ra ulun Muno am gumagaya' ra Ukum Muno; Mapataak ilo ra taak simbalui giu' ra rasawat ru altar Muno.