AGAI 1:6 - Tanou Moonsoi Timugon

⁶ Masuang pinatias min ra sampug, kaa' nangkumos kau ra kalo kukula'. Makaakanon kau, kaa' kalo maukop koson mampabasug ramuyun. Makaruu' ru anggur kau kaa' kalo majala', makabayang kau kaa' kalo maukop koson mampalasu' ra inan. Gaji' ondo' inapu ru ulun mangandoi kalo maukop koson ra pakuan ru kaayagan nilo.

AGAI 1:6 ပူးပေါင်းရင်းမြစ်များ

2 SAMUIL 21:1

Paat ra pamarintaan ru Raja' Daut, bitilan ra mapaja' kaga' igondo' nasauk buoi talu ngambilor. Ginio ra pangkuot Raja' Daut ra Tuhan, am taam Tuhan, “Raja' Saul am sasambaloi nano natulaan noyo. Namatoi ilo ra ulun ru Gibion.” (

1 RAJA'-RAJA' 17:12

Taam ruandu' napuor no, “Ralalom inggalan ru Tuhan ondo' maayag, i Aki Kapuuno' ondo' sambaan muno, magibot aku ra kolondo' ruti' kuno. Soroi ayuk raki' sogonggom tapung ralalom ru mangkuk am sanganu umau jaitun ralalom ru butul. Tatanga' aku manimung sanganu luton koson ibiton muli' maa' raginio makapangansak aku ra akanon kuno am anak kuno. Ginio noyo akanon mai ondo' pupus; malupus raginio mangkuliman akai ra matoi ayuk.”

NIGIMIA 5:2

Mokoondo' ulun ondo' mindagu, “Sasambaloi mai maayo, am makapakuan akai ra gandum koson maayag.”

AYUP 20:22

Paat ra pangayaan ru kasugutan nilo, kangilukan am kaimbalaan matong lumumpa' risilo.

AYUP 20:28

Ngaangai' kalangkayaan nilo mapuso sabap nalumpa' ru sangit ri Aki Kapuuno'.

MAZMUR 107:34

Sinauk No tana' ra malabung no ra limayak mapua', kinibit ru kalaatan ru ulun ondo' namagun ra giu' no.

AMSAL 11:24

Mokoondo' ulun mataau, ka rumuang kinalangkaya' nano. Mokoondo' ulun makalit, kaa' rumuang kinamusikin nano.

JISAYA 5:10

Puun-puun ru anggur ondo' timinuu' ra tana' ondo' kinapila' no mopor ngahektar, ampos no balu' ngalito wain ayuk. Maatus am balu' ngoopor ngalito sampug, ampos nano mopor am balu' ngalito gandum ayuk.”

JIRIMIA 12:13

Ulun Kuno mantanom ra gandum, kaa' mangkumos ra alab. Mingkotog ilo mangandoi kaa' kolondo' maalap ra ampos. Sabap ra siminangit Aku toojo, kinumos nilo kalo mauli'.”

JIRIMIA 14:4

Sabap ra kalo riminatu' rasam tana' mapua' kaga'; ulun-ulun magitanom nasindualan guang, nauyu' ilo am sinilian bulos.

JIRIMIA 44:18

Kaa' intor ra akai liminonggo' mampataak ra taak simbalui ra Raja' Ruandu' ru Suruga', am liminonggo' mampataak ra wain riso, naawayan akai ra ngaangai' no, am bansa' mai minatoi ralalom ru pangayawan am sabap ra bitilan.”

GOSIA 4:10

Mangakan kau ra tayar intor ra taak-taak simbalui ondo' pinataak, kaa' marayus kau maitilan. Sambaan min dewa-dewa kalabungan, kaa' magulayun kau kalo makaalap ra anak. Ngaangai' no nasauk sabap ra nangiruan kano Raki' koson sumamba ra tuhan-tuhan ra bokon.”

GOSIA 8:7

Paat ra ulun Kuno mampatias ra angin, mangkumos ilo ra bagiu'. Umo ru gandum ondo' kalo sumilou kolondo' ampos ru akanon. Kaa' amon ru umo no sumilou niayuk, ulun bansa' ra bokon mangai' ra gandum nano.

IMAMAT 26:20

Ngaangai' pirot mino kolondo' onong, sabap ra tana' kalo manangampos am puun-puun kinawa' kalo mangkawa'.

IMAMAT 26:26

Kalo manaak Aku ramuyun ra akanon saboi mopor ngaulun ruandu' makapakuan ra rondo' ayuk intok pangansakan ra ruti' koson mangansak ra ngaangai' ruti' ondo' soroi. Tukuon ruti' no, makaakan kau pana raginio, lakat kau poyo maitilan.

AGAI 1:10

Ginio sabap no ra rasam kalo rumatu' saboi kolondo' tinanom ondo' tumuu'.

AGAI 1:5

Ilai' noyo atan ondo' nasauk ramuyun!

AGAI 1:7

Kalo kia nakaliman kau kua kasauk ngaangai' baal raginio?

AGAI 1:9

Malansan kau ra masuang kumoson, kaa' ondo' naalap min totopot kalo kukula'. Paat ra akau magibit muli' kinumos no, sampuyon Ku ginio saboi makai' siabin ru angin. Kua baalo' Ku ginio? Baalon Ku ginio sabap ra Baloi Kuno lakat poyo nalunsai, kaa' akau ngaangai' bambal ayuk mambaal ra baloi ru sigagama'.

AGAI 2:16

Minongoi kau ilong ra tinuntur ra gandum am nangkara' ra makaalap 200 ngakilogram gandum, kaa' sotopot no mokoondo' 100 ngakilogram ayuk. Minongoi kau suuk ra 100 ngalito wain intor ra tuung ru wain, kaa' ondo' soroi 40 ngalito ayuk.

AGAI 2:17

Pinaratong Ku noyo angin malasu' am namparatu' ra rasam batu koson manutuk ra ngaangai' ampos ru umo min, kaa' lakat poyo marara' kau sumaguli' Raki'.

JAKARIA 5:4

Minindagu Tuhan Ondo' Maayo Kaga' Kuasa' ra porotongon No pagulasan no ra moonong baloi ru moonong mantatakou am baloi ru moonong ulun ondo' nagibot ra kalo motopot. Pagulasan no mayan ra baloi nilo saboi ngaangai' no masauk ra tunturan ru napuut.”

JAKARIA 8:10

Kalo poyo raginio, kolondo' ulun ondo' makaandar mampagaji' kapoam mampasiwa' ra bibiag, am kolondo' ulun ondo' makaliman ra mamimio intor ra ulisoon ru pantula'. Nangkinibit Aku ra ulun mansasangor.

MALIAKI 2:2

Musiti' kau mangurumat Raki' ra binaal min. Amon ru marara' kau rumongog ra ragu Kuno, ulason Takamin. Ulason Ku ngaangai' ondo' apuon min koson ra barakat. Sotopot no, inulas Ku noyo ngaangai' no sabap ra kalo lioon min susuban Kuno.

SAGULION 28:17

“Kaulas noyo kumoson ru gandum min, am akanon ondo' baalon min intor ra gandum no.