AGAI 1:14 - Tanou Moonsoi Timugon

¹⁴ Koson raginio noyo Tuhan nanugog ra guang ri Jirubabil, gabenor ru Jiuda no, Tingganai Maayo Imam i Josua, am ngaangai' ulun ondo' siminaguli' noyo intor ra pamatiran maa' raginio mambaal ra Baloi ru Tuhan Ondo' Maayo Kaga' Kuasa', i Aki Kapuuno' nilo.

AGAI 1:14 ပူးပေါင်းရင်းမြစ်များ

1 TUNUNG RU BANSA' ISRAIL 5:26

Ginio sabap ri Aki Kapuuno' nambuir ra guang ru Raja' Pul intor ra Asyur koson mamulunsar ra pagun nilo. Raja' Pul niayuk nauligan ra Raja' Tiglat-Pilisir. Bansa' ru Rubin, bansa' ru Gad am bansa' ru Manasi Sirangon pinatiran ra pagun giu' ra Galag, Gabor, Gara am giu' ra rondo' intok mamaar ra Sungoi Gojan. Namagun ilo ra giu' no saboi orou raiti'.

2 TUNUNG RU BANSA' ISRAIL 36:22

Paat ra bilor kasaa' ra pamarintaan ru Raja' Koris, raja' Pirsia, inintopot ru Tuhan ragu Nano ondo' pinasaboi ru Nabi Jirimia. Namuir Tuhan ra guang ru Raja' Koris maa' raginio mangingkual ra susuban tinulisan koson basaan giu' ra titikop ru pamarintaan nano. Bolos ru surat no koon ragitio,

IJRA 1:1

Paat ra bilor kasaa' ra pamarintaan ru Raja' Koris, raja' ru Pirsia, sinugut ru Tuhan ragu Nano ondo' pinasaboi Nali pinabala' galing ra Nabi Jirimia. Inunsu' ru Tuhan guang ri Raja' Koris maa' raginio mangingkual ra susuban tinulisan, ondo' atarin koson basaan giu' ra titikop ru pamarintaan nano. Bolos no koson ragitio:

IJRA 1:5

Ginio ra tingganai ru bansa' intor ra bansa' ru Jiuda am Binjamin, imam-imam am niayuk ulun-ulun ru Liwi, am moonong ulun ondo' inunsu' guang no ri Aki Kapuuno', timinampos koson muli' ra Jirusalim am mambaal saguli' ra Baloi ru Tuhan.

IJRA 5:2

Paat ri Jirubabil anak ri Sialtiil am i Jisua anak ri Jojadak nokorongog ra tanou ru nabi-nabi no, ilo tumalimpuun poyo mambaal ra Baloi ru Tuhan giu' ra Jirusalim. Karuruo ngaulun nabi no pana nangindangan risilo.

IJRA 5:8

“Moogot akai mambala' rirun raja' ra minongoi akai noyo ra Jiuda am nakakito ra Baloi Sambayangan koson ri Aki Kapuuno' Ondo' Maayo, tatanga' baalon saguli' ra batu mangaayo am timbok ondo' linapisan ra tataun. Kandoi no binaal ra matuyu' kaga' am matanda'.

NIGIMIA 4:6

Ginio ra narayus akai namuna' ra timbok. Kalo nabuoi raiti timbok no nopongo pinuna' saboi sampiruo intor ra sawat no, sabap ra mamagun nangandoi ra guang maantak.

MAZMUR 110:3

Bulintok ra okou matong ra makakuasa', giu' ra bulur matulai, ulun muno masaga' mangindangan ayuk toojo. Koson ra bolobou bulintok ra susuab ti, nasuangan ru buayoi rumatong rirun.

AGAI 1:1

Paat ra bilor karuo ra pamarintaan ri Darius koson raja' ru Pirsia, paat ra orou kasaa' ra sila' koonom, mindagu Tuhan ondo' pinasaboi galing ra Nabi Agai. Tanou ru Tuhan no posoboyon ri Jirubabil anak ri Sialtiil, gabenor ru Jiuda, am niayuk ra Tingganai Maayo Imam Josua anak ri Jojadak.

AGAI 1:12

Kopongo raginio i Jirubabil am i Josua am niayuk ngaangai' ulun ru Israil ondo' siminaguli' noyo intor ra namatiran giu' ra Babilonia, giminagaya' ra ragu-ragu ri Nabi Agai, ulun sinusub ru Tuhan no. Nambaal ilo ra atan ondo' sinusub ru Tuhan risilo, sabap ra malaa' ilo ra Tuhan.

AGAI 1:15

Napatalimpuun ilo ra kandoi gili ra orou karuo ngoopor am apat ra sila' koonom ra bilor karuo ru pamarintaan ri Raja' Darius.

AGAI 2:2

Nanusub Tuhan ri Agai mampasaboi ra tanou ragitio ri Jirubabil, gabenor ru Jiuda no, Tingganai Maayo Imam Josua, am mamagun,

AGAI 2:21

koson posoboyon ri Jirubabil, gabenor ru Jiuda. Indagu Tuhan, “Kalo boo mabuoi uyogon Ku limbowon am tana' ti,

1 KORINTUS 15:58

Pabukat kau ngaangai' ondo' tagamin ku, ingkotog kano am ikango' toojo pangintapatan mino. Pirot kano pangandoi ra Tuhan, sabap ra nakapandai kano ra kandoi mino Riso kalo noyo malubat.

2 KORINTUS 8:16

Paringkuanangan mai ri Aki Kapuuno' ondo' nangani' ri Titus ra kapiratan masaga' mangindangan ramuyun mogondo' ramon.

IBRANI 13:21

Gama' ru mangani' Io ramuyun ra moonong baal moonsoi, koson makapambaal kau ra kasagaan Nano. Gama' ru ralalom ri Jisus Kristus noyo, mampasauk Io ra kasagaan Nano ralalom kaayagan takau. Musiti' takau mongompor ri Kristus ra sabuoi-buoi no! Amin.