AGAI 1:11 - Tanou Moonsoi Timugon

¹¹ Naparatong Aku noyo ra tampio ra pagun ti saboi bulur, umo ru gandum, umo ru anggur, umo ru jaitun am ngaangai' tutuu' ra pagun ti mangapua'. Ulun, bibiag am ngaangai' tinanom min malumpa' ru tampio.”

AGAI 1:11 ပူးပေါင်းရင်းမြစ်များ

1 RAJA'-RAJA' 17:1

Sangulun nabi ondo' inggalan nano i Ilia intor ra Tisbi giu' ra Giliad mindagu ra Raja' Agab, “Ralalom inggalan ru Tuhan ondo' maayag, i Aki Kapuuno' ru Israil ondo' sambaan kuno, mambala' aku rirun ra buoi ru ruo kapoam talu ngambilor kolondo' bolobou kapoam rasam saboi ra aku mindagu ra mokoondo' ra rasam.”

2 RAJA'-RAJA' 8:1

Kalo poyo nasauk bitilan no, nambala' noyo i Ilisa ra ruandu' ondo' minayan giu' ra Sunim, ondo' anak ungkuyon nano binayag saguli' ri Ilisa, ra maparatong Tuhan ra bitilan giu' ra pagun no buoi tulu' ngambilor. Nambala' i Ilisa ra ruandu' no ra musiti' io mangiruan ra bandar no mabaya' ra sasambaloi nano am mongoi ra intok bokon.

AYUP 34:29

Amon ru mamatas i Aki Kapuuno' koson ra mongkoror ayuk, kolondo' osoi pana mokololob Riso. Amon ru pasibunion No bulos Nano, kolondo' osoi pana makatuum Riso.

JIRIMIA 14:2

“Mangiluk guang ru Jiuda; mamagun ru bandar nano mamaar matoi. Liminuya' ilo ra tana' am mampalaa; gumolok Jirusalim makiindangan.

SULABOI 1:21

“Rongog kano ra laa kuti; kolondo' osoi pana makabansuk ra guang kuno. Pantula' kuno maansayan sabap namparatong Kou ra karaat ti raki'. Porotongo' orou ondo' binantu' Muno, maa' raginio pantula' kuno maimbolo' koson raki'.

AMOS 5:8

Nambaal Tuhan ra butitin-butitin giu' ra limbowon – butitin Orion am butitin Kartika. Kinulau No kalandaman nasauk ra sinda, am nangulau ra matawang nasauk ra molondom. Piniau No timug intor ra raat am timug no pinasasar ra lantur. Tuhan noyo inggalan Nano.

AMOS 7:4

Nakito ku poyo rondo' napakitanan intor ra Tuhan Raja'. Nakito ku Io tatanga' tumampos koson mangukum ra ulun Nano ra apui. Apui no monolob pangai' ra raat maayo giu' ra ragana' ru tana' am tumalimpuun monolob ra tana'.

AMOS 9:6

Binaal ru Tuhan intok ayanan Nano giu' ra limbowon, giu' ra rasawat ru tana' pinaatang No limbowon koson ra bakuran. Piniau No timug intor ra raat, am pinasasar No ra lantur, Tuhan noyo inggalan Nano.

AGAI 2:17

Pinaratong Ku noyo angin malasu' am namparatu' ra rasam batu koson manutuk ra ngaangai' ampos ru umo min, kaa' lakat poyo marara' kau sumaguli' Raki'.

AGAI 2:19

Kabalu' pana kolondo' boo gandum ra natatang, am puun ru anggur, puun ru ara, puun ru dalima', am niayuk puun ru jaitun kalo poyo nangkawa', kaa' tumalimpuun raino barakaton Takamin!”

MALIAKI 3:11

Kalo polosoon Ku bibiag boborok mamuso ra tinanom min; puun ru anggur min makakawa' ra maawas.

MALIAKI 3:9

Akau ngaangai' matiu' ra ulas sabap ra ngaangai' bansa' namparuung Raki'.

SAGULION 28:22

Mangukum Tuhan ramuyun ra maruol-maruol ondo' tumapik, lanit-lanit am salom. Maparatong Tuhan ra tampio am angin malasu' saboi kumoson min mapuso. Karaat-karaat marayus lumumpa' ramuyun saboi kau matoi.