ABAKUK 3:16 - Tanou Moonsoi Timugon

¹⁶ Norongog Ku ngaangai' no am monontol aku; bibil kuno monontol sabap ra malaa' aku. Inan kuno malawo kalo maikang, kalayam kuno nakasaru paat ra mugar. Maginaa aku ra guang mororo' paat raginio Okou mangukum ra ulun ondo' mamulunsar ritakau.

ABAKUK 3:16 ပူးပေါင်းရင်းမြစ်များ

AYUP 30:17

Paat ra rondom ngaangai' ru bungul kuno maruol kaga', am kinaruol no ondo' sumusuk ra kalo lumonggo'.

AYUP 30:30

Kungkung kuno lumitom; inan kuno mosolob ru salom.

MAZMUR 119:120

Monontol aku malaa' Rirun, am malaa' aku ra nangatangan Muno.

MAZMUR 91:15

Bulintok ra mampiau ilo Raki', tumaam Aku risilo. Bulintok ra ilo makakapaganan, indanganon Ku ilo. Bayagon Ku ilo am urumaton Ku ilo.

AMSAL 12:4

Andu' ra moonsoi masauk ra kaansukan ru ralaki nano, kaa' andu' ra mapakauyu' ra ralaki nano koson ayuk ra maruol kinso ondo' mapasauk ra bungul mopopol.

AMSAL 14:30

Guang ra kalinuos inan maligag, kaa' sumolon koson ayuk ra maruol kinso ondo' mapasauk ra bungul mopopol.

JISAYA 21:3

Atan ondo' nakito kuno am norongog ralalom pinaintalang raki' makalalaa' am makaruol toojo; karualan raginio koson ra ruandu' maganak.

JIRIMIA 23:9

Guang kuno natutuk am monontol aku. Tuhan am ragu Nano ondo' matulai mampasauk raki' koson ra ulun nagauk, ulun ondo' nanginum ra masuang kaga' wain.

JIRIMIA 30:7

Orou makalalaa' masaboi, orou ondo' kolondo' pogondo' no. Tayar ru ulun Kuno, ginio noyo orou ondo' mampakalaa' risilo, kaa' bayagon ilo.”

JIRIMIA 4:19

Mapara' boo pari' ru guang kuno. Kalo boo moorot ku imbolo'. Guang kutu kobol-kobol, kalo mokororo' aku, sabap ra nokorongog aku ra bolos ru bujung, am golok ru pangayawan.

JIRIMIA 5:15

Ulun kau ru Israil, tatanga' Tuhan mamparatong ra rondo' bansa' intor ra pagun maalur koson mamulunsar ramuyun. Bansa' no maikang kaga' am soroi noyo intor ra galing i poyo. Kalo maratian min ragu nilono.

SULABOI 1:13

“Namparatu' Io ra apui intor ra limbowon, apui ondo' nonolob ra inan kuno. Nampaatang Io ra landak raki' am namparatu' raki' ra tana'. Io pana nompoloso boo raki' sangulun naimbolo' ra nonsongorou.

SULABOI 1:20

“Iou Tuhan, ilai' kaimbalaan kuno am kinapagon ru guang kuno. Guang kuno natutuk sabap ra tula kuno ragili. Pampatayan masauk giu' ra ralan maayo, kaa' niayuk giu' ra ralalom ru baloi pana mokoondo' patayan.

YEHEZKIEL 3:14

Kuasa' ru Tuhan rumatong raki' ra mapuor, am paat ra aku kinayang am inibit ru Ambiluo Nano, malimanan ku maruol guang am sumangit.

DANIL 10:8

Tinatang aku sangulun, am magilong ra pinaintalang ondo' makaimuag no. Kalo boo maikang aku, am bulos kuno mabula' kaga'.

DANIL 10:9

Pokorongog aku ra bolos nano, naratu' aku nakalaub ra tana' am nalausan.

DANIL 8:27

Malawo aku am narualan buoi kukula' ngoorou. Kopongo raginio sukal aku am saguli' nambaal ra kandoi ondo' pinataak ru raja'. Magalabo aku mangkara' ra pinaintalang no am kalo makarati' raginio.

ABAKUK 3:2

Iou Tuhan, nokorongog aku no ra intor ra binaal Muno, guang kuno natikop ra imuag. Gama' ru baalon Mu poyo binaal Muno ondo' makaimuag ra paat maiti. Pakaasi' no ramon kabalu' pana sumangit Kou.

LUKAS 21:19

Musiti' kau mokoorot am mokoowot kau boo ra kaayagan motopot.”