ABAKUK 3:13 - Tanou Moonsoi Timugon

¹³ Miningkual Kou koson mamayag ra ulun Muno, koson mamayag ra raja' pinili' Muno. Namparatu' Kou ra tingganai ru ulun malaat, am namuso ra ngaangai' maamaya' nano.

ABAKUK 3:13 ပူးပေါင်းရင်းမြစ်များ

2 SAMUIL 5:20

Ginio ra minongoi i Daut giu' ra Baal-Pirasim am nangala ra ulun ru Palistin. Indagu io, “Jinunjung noyo ru Tuhan gagampin ru pantula' kuno, koson ra liur napajunjung ra ngaangai' no ra igondo' ayuk.” Ginio sabap ra intok no ininggalanan ra Baal-Pirasim.

MAZMUR 105:15

Minindagu Io, “Pai' min usigo' ulun-ulun ondo' pinili' Kuno; pai' min jamari' nabi-nabi Kuno!”

MAZMUR 105:26

Io pana nanusub ri Musa, ulipon Nano, am i Arun, ulun ondo' pinili' Nano.

MAZMUR 110:6

Ukumin No bansa'-bansa', saboi pangayawan raginio masuang mamagatoi; kalaan No raja'-raja' ra titikop ru tana' ti.

MAZMUR 137:7

Karaa' noyo, iou Tuhan, atan ondo' binaal ru ulun ru Idom, bulintok ra Jirusalim pusoon. Karaa' noyo ati kulaan ra ilo mindagu, “Gabaa' min Jirusalim saboi makuliagai toojo!”

MAZMUR 20:6

Akai pana magilakup ra okou namanang, am mangantak ra namanangan muno ra mongompor ri Aki Kapuuno' takau. Gama' iowon ru Tuhan no nansalinut kitaakon muno.

MAZMUR 28:8

Tuhan manindung ra ulun Nano; manungka' Io am mamayag ra raja' tinimpok Nano.

MAZMUR 68:7

Ulun ondo' kolondo' pabukat aniin No ra intok, am mapalabus Io ra ulun narakop suku' ilo maansukan; kaa' ulun mangalaat makaayan ra tana' mapua'.

MAZMUR 77:20

Mugar Kou maya' ra kinulun ru raat, lumaup Kou ra raat ondo' malandom, kaa' kalo makito baya' ru kalayam Muno.

MAZMUR 99:6

I Musa am i Arun nakasubol ra imam-imam Nano, am i Samuil noyo sangulun intor ra makiasi' Riso; mampiau ilo ra Tuhan am tumaam Io risilo.

JISAYA 63:11

Kaa' ilo pana nakakara' bulintok ra galing i, ioginio paat ri Musa, ulipon ru Tuhan. Ilo pana nangkuot, “Ati kia Tuhan, ondo' nangaak ra ulun am tingganai-tingganai nilono maya' ra raat? Ati kia Tuhan ondo' nanaak ra kuasa' Nano risilo?

JISAYA 64:1

Rilako' noyo limbowon am tuun no, iou Tuhan! Gunung magilong Rirun, am gunung mauyog sabap ra malaa'.

YEHEZKIEL 13:14

Kuayan Kuno koson mampalunsai ra timbok ondo' kinapuran nilo. Tutukon Ku ginio saboi batu maatang nano makito. Timbok no malunsai am mamatoi ramuyun ngaangai'. Bagu no moonong ulun makapandai ra Aku noyo Tuhan.

AMOS 9:1

Nakito ku Tuhan minigor ra sapapa' ru altar. Nangani' Io ra susuban ragitio, “Lambaa' kapuoro' toojo ulu ru lugu' giu' ra Baloi Kuno maa' raginio titikop ru langgar mapuyu'. Popolo' ulu-ulu ru lugu' no am polosoo' ngaangai' no maratu' ra rasawat ru ulu ru ulun. Ulun ondo' kalo matoi potoyon Ku ralalom pangayawan. Kolondo' sangulun pana makapagiru' koson mamayag ra inan.

JOSUA 10:11

Paat ulun ru Amori nagiru' intor ra ulun ru Israil mansail ra pipilon ru gunung, naparatu' Tuhan ra rasam batu risilo ra galur ru ralan saboi ra Ajika, saboi masuang poyo pinatoi ru rasam batu intor ra ondo' pinatoi ru ulun ru Israil.

JOSUA 10:24

am pinauma' ri Josua. I Josua pana nampiau ra ngaangai' ulun ru Israil timinimung, am nanusub ra panglima ondo' nangayou nabaya' riso, maa' raginio mapabanta' ra kalayam nilo ra liog ru raja'-raja' no. Ilo pana nambaal koson raginio.

JOSUA 10:42

Kinala ri Josua ngaangai' raja' no am pagun nilo lingono' sabap Tuhan i Aki Kapuuno' ru Israil nangayou tayar ru Israil.

JOSUA 11:12

Rinakop ri Josua ngaangai' raja' no am ginaau bandar nilono. Namatoi io ra moonong ulun ra giu' no, sumugut ra susuban ri Musa, ulipon ru Tuhan.

JOSUA 11:8

Nanaak Tuhan ra ulun ru Israil ra kamanangan ra pantula'; ulun ru Israil namulunsar am nangilou ra pantula' saboi ra Misripot-Maim am Sidon giu' ra ralayo, am saboi ra Limayak Mijpa giu' ra sirangon. Pangayawan no nasauk saboi ngaangai' pantula' pinatoi.