ABAKUK 3:10 - Tanou Moonsoi Timugon

¹⁰ Paat ra gunung-gunung makakito Rirun, ngaangai' no muyog; rasam rumatu' intor ra limbowon. Timug giu' ra ragana' ru tana' mompongoos am kinulun nano lumapos.

ABAKUK 3:10 ပူးပေါင်းရင်းမြစ်များ

NIGIMIA 9:11

Linapak Mu raat koson nambaal ra ralan ru ulun Muno mongoi ra sandaup, nangator Kou risilo ra sandaup nansail ra lonor ru raat ondo' mapua'. Ulun ondo' nangilou risilo nolosor giu' ra raat ondo' malandom, koson ilo ra batu ondo' liminosor giu' ra raat ondo' makalalaa'.

MAZMUR 104:32

Pulolowon No tana' ti, tana' ti pana monontol; kumambong Io ra gunung, gunung pana makalisun.

MAZMUR 148:7

Omporo' noyo Tuhan, akau ngaangai' minayan ra tana' ti, ngaangai' tambuakal ru raat am titikop ru raat ra malandom;

MAZMUR 18:15

Pabakison No panah Nano am kuliagayon No pantula' Nano; pasasakon No ganit no saboi ilo magiru'.

MAZMUR 65:13

Limayak ra makasakot masuang kaga' bibiag tinambiag; ngaangai' bulur maansukan kaga'.

MAZMUR 66:6

Kulawon No raat masauk ra tana' mapua', am kinamatuaan maili nantana' ra liminaup. Giu' no maansukan akai sabap ra binaal Nano.

MAZMUR 93:3

Iou Tuhan, lonor ru raat makakinulun, raat makanginoos ra mapuor kaga'.

JISAYA 43:20

Tambiag ra masigo pana mangurumat Raki', taani am susuit unta mongompor Raki' bulintok ra Aku mampatilis ra timug ru sungoi-sungoi boborok no giu' ra tana' kaagisan, koson mapainum ra ulun pinili' Kuno.

JISAYA 55:12

Tatangon min Babil ra guang maantak, am inataran paingkualo' ra maayag. Gunung am bulur maansukan am magilakup, tatanom giu' ra umo magilakup.

JIRIMIA 4:24

Tingaanon ku gunung-gunung – ngaangai' no nonontol, am bulur-bulur mangauyog.

MIKA 1:4

Ngaangai' gunung liminuu' ra ragana' ru kalayam Nano koson ra dian ralalom ru apui ondo' mapaang; tana' intor ra gunung lumuyu' mongoi ra limayak koson ra timug giu' ra rasawat ru bulur tumilis mongoi ra ragana'.

NAGUM 1:5

Gunung-gunung muyog giu' ra saang ru Tuhan; bulur-bulur lumuu' ra saang Nano. Tana' ti mogonggon paat ra Tuhan matong; tana' ti am ngaangai' ru mamagun nano monontol.

ABAKUK 3:6

Paat ra Okou lumonggo', muyog tana' ti; paat ra Okou magilong, bansa'-bansa' songongonsol. Gunung-gunung ondo' lair noyo soroi natutuk kalingon; bulur-bulur ondo' nagulayun soroi pana liminonson, bulur-bulur intok Muno mugar intor noyo ra galing.

MATIUS 27:51

Tabir ondo' pinatair ralalom Baloi Tuhan napiruo karilak intor ra rasawat suku' ra ragana'. Tana' ti nauyog am bulur batu nangapilang.

MATIUS 8:24

Namulali' bagiu' mapuor kaga' no ra tasik saboi nototop parau i ra timug. Paat ragili nombolong i Jisus.

IBRANI 11:29

Sabap ra pangintapatan noyo, ulun ru Israil nakalaup ra Raat Malia' koson mantana' ayuk ra ralan mapua'. Kaa' ulun ru Misir nongolosor ngai' paat ra ilo liminaup siminunu' ra ulun ru Israil.

JOSUA 4:18

Pakasaboi imam-imam no ra tobo ru sungoi, timinilis poyo timug ru sungoi am nampaliur koson ra talimpuun.

PINAINTALANG 16:12

Pasasaro' boo ru malaikat koonom no suang ru sangkir nano ra sungoi Iprat ondo' maayo no. Ginio ra sungoi no liminasak saboi nasauk ra intok pansailan ru raja'-raja' ondo' intor ra sirangon no.

PINAINTALANG 20:11

Kakito ku boo rondo' takhta ondo' maayo am mapulak am Io ondo' nanturung no. Limbowon am tana' maliom ra saang Nano, saboi kalo boo makito saguli'.

PINAINTALANG 6:14

Limbowon no riminulun koson ra naskhah rinulun am ngaangai' bujuk am pulu' uyogon intor ra intok nilono.