ABAKUK 2:5 - Tanou Moonsoi Timugon

⁵ Kalangkayaan mamparuung ra ulun. Ulun ondo' mangingkaut no minsawat guang am magalabo. Koson ra kapatayan, ilo niayuk kalo igondo' kajala'. Ginio sabap ra ilo manguasa' ra bansa' am ra bansa' ra bokon.

ABAKUK 2:5 ပူးပေါင်းရင်းမြစ်များ

2 RAJA'-RAJA' 14:10

Okou Raja' Amajia, malupus nangala ra ulun ru Idom, Raja' Amajia nasauk ra malilimbau! Mamanggo ra kamanangan raino am porondon no ra baloi. Kua paguguyum ra panguyatan ondo' pupus no maparatong ra karaat ra inan ru Raja' Amajia am mamagun?”

MAZMUR 138:6

Kabalu' pana Okou no matulai kaga', ilain Mu niayuk ulun ondo' asasabin, am ulun malilimbau kalo mapandai mansibuni intor Rirun.

AMSAL 20:1

Inumon ra mampagauk mambaal ra ulun magauk am mambutok. Sasambungon noyo ulun manginum saboi magauk.

AMSAL 21:24

Ulun malilimbau am minsawat guang, masaga' mapakaruol ra guang am kolondo' guguang.

AMSAL 27:20

Pagun ru ulun minatoi, masalok makaintok; ginio niayuk ra gogot ru guang galama' ru ulun kolondo' palasan nano.

MAMPATANOU 5:10

Jumanjai poyo suang ru langkaya' mino, jumanjai niayuk suang ru saanin min. Kalo makaalap kau ra atan-atan kaulian, makapandai kau ayuk ra akau ti ulun langkaya'.

JISAYA 14:6

ondo' sumangit-sangit nangimbolo' ra bansa'-bansa' am tanduusin nilo mangimbolo' risilo.

JISAYA 16:6

Mindagu ulun ru Jiuda, “Nakaining akai ra limbau ru ulun ru Moab; mapara' piboo limbau am manggo nilono. Kaa' ragu masawat nilono kolondo' onong-onong.”

JISAYA 2:17

Limbau ru ulun liomon No, am minsawat guang ru ulun pusoon No. Ngaangai' sinungkalalaing liomon No saboi mapuso, am Tuhan ayuk omporon ra orou raginio.

JISAYA 21:5

Ralalom ru pinaintalang no rondo' pagakanan maayo inatang; apin pinabingkal koson panturungan ru tambului. Nasuangan piniau mangakan am manginum. Pulali' maining panusuban, “Akau ngai' panglima, tomposo' noyo perisai mino!”

JISAYA 5:14

Kabang ru intok kapatayan gumaal toojo koson monolon ra ulun paawang giu' ra Jirusalim mababaya' ra nasuangan ulun ondo' mangiantak.

JISAYA 5:8

Aibui boo ramuyun! Nambali kau ra baloi am umo koson mamparuang ra longgom mino. Kalo boo mabuoi makayaan noyo ulun ra bokon ra intok. Akau ayuk mayan ra pagun raginio.

JIRIMIA 25:9

‘Mampiau Aku ra ngaangai' bansa' intor ra ralayo, am niayuk ulipon Kuno, Raja' Nibukadnijar intor ra Babilonia. Susubon Ku ilo maa' raginio mamulunsar ra Jiuda am mamagun nano am niayuk mamulunsar ra ngaangai' bansa' ra liliut nano. Pusoon Ku mamagun ru Jiuda mababaya' ra bansa'-bansa' giu' ra liliut nano, am mompoloso risilo matutuk ra sabubuoi no. Osoi ayuk ondo' makakito risilo makatigog am malaa'. Aku, Tuhan, nakaindagu noyo.

JIRIMIA 50:29

“Susubo' pulalai mamanah mamulunsar ra Babil. Susubo' moonong ulun ondo' mapandai mamakai ra busur am panah. Pagawangi' bandar no am pai' polosoo' sangulun pana makapagiru'. Balasi' ngaangai' binaal ru Babil; baalo' Babil koson ra ati kulaan pinamakuan ru Babil ra ulun bokon, sabap ra Babil liminimbau Raki', Ondo' Matulai Kaga', i Aki Kapuuno' ru Israil.

JIRIMIA 51:39

Liliwa' suung ru akan nilo sumonor, paakanon Ku ilo, am gaukon ilo am karuolon ulu. Mombolong ilo am kalo boo tumirong-tirong.

ABAKUK 1:15

Ulun Babilonia namparakop ra ulun ra pamata', ilain koson ra ondo' rinakop no papait. Ulun ru Babilonia namparalaat ra ulun rinakop nilo ra ralalom ru ralo liliwa' nagindii sabap ra namparakapan raginio!

ABAKUK 1:17

Mantilayun ilo kia mamakai ra ilang am mararayus mamuso ra bansa'-bansa' ra kolondo' guang makaasi'?

ABAKUK 2:4

Gitio noyo tanou no: ‘Ulun ondo' nambaal ra kalaatan pusoon, kaa' ulun ondo' nambaal ra kasagaan ri Aki Kapuuno' maayag sabap ra gumagaya' ilo ri Aki Kapuuno'.’ ”

1 TISALONIKA 4:11

Kaayag kano toojo ralalom pabansayan am pai' sombot ra atan ondo' baalon ru bokon. Sigagama' kano paginakan koson ra nambalaan mai ramuyun ragili.

JAKUBUS 4:6

Am mulu' poyo boo kataawan Nano ritakau. Ginio ra tinulisan ra Buuk Kitab ra, “Ampangin ri Aki Kapuuno' ulun ondo' minsawat guang, kaa' mataau Io ra ulun ondo' minggana' guang.”