Tuhan siminoroi ra baloi Nano ondo' matulai; mokoondo' turungan Nano ra suruga'. Urioon No ngaangai' ulun am mapandayan No atan ayuk pana binaal nilono.
Indagu i Aki Kapuuno', “Pongkoror kau am rongogo' noyo ragu Kutu, akau namagun ra pagun-pagun maalur! Tampos kano am pootoro' pantagian mino ra makama; aniin kau ra kaluagan koson mindagu. Ibok no aruon takau osoi motopot am osoi makasala.
Mindagu Tuhan, “Limbowon no panturungan Kuno, am tana' papakirawan ra kalayam Kuno. Atan kia baloi ondo' maalap min kabaal Raki'? Atan kia intok ayanan moonsoi Raki'?
Orou ru Tuhan mamaar noyo. Paat ra orou raginio mangakim Io ra ulun; ginio ra pongkoror no giu' ra saang Nano. Tatanga' Tuhan tumampos koson manimbalui ra ulun Nano koson ra bibiag simbaluyon koson ra taak simbalui, am mangkimait Io ra pantula' koson mantakou ra Jiuda.