ABAKUK 2:19 - Tanou Moonsoi Timugon

¹⁹ Aibui boo ramuyun sabap mindagu kau ra saputul luton, “Tirong no!” kapoam mindagu ra rondo' batu maayo, “Ingkakat no!” Makaindagu kia sinungkalalaing rirun? Maaru' lair sinungkalalaing inangkupan ra pirok am mas, kaa' sinungkalalaing no kalo mamainawo.

ABAKUK 2:19 ပူးပေါင်းရင်းမြစ်များ

MAZMUR 135:15

Sinungkalalaing nilono binaal intor ra pirok am mas, binaal ru kalindu' ru ulun.

MAZMUR 135:17

makatalingo kaa' kalo mokorongog, sinungkalalaing kalo makapaminawo.

MAZMUR 97:7

Ngaangai' ulun sumamba ra sinungkalalaing tauyuon, ngaangai' dewa migulatur ra saang ru Tuhan.

JISAYA 26:14

Ragino minatoi ilo noyo am kalo boo maayag saguli'; baangkai nilono kalo boo tumirong saguli', sabap inukuman Mu ilo am namuso risilo. Kolondo' osoi-osoi pana mangkara' risilo.

JISAYA 40:19

Kalo nogondo' Io ra sinungkalalaing ondo' binaal ru kalindu' ru ulun, ondo' inangkupan ra mas ru ulun manukang ra mas, am inapinan ra pirok.

JISAYA 41:26

Osoi kia ramuyun igondo' manala' ra baal koson raginio, maa' raginio makapandai akai inala' raginio motopot? Kolondo' osoi-osoi pana ramuyun manala' ra baal koson ragitio! Kolondo' sangulun pana mangkirongog ramuyun mindagu ra atan-atan!

JISAYA 44:17

Suwo ru tataun no baalon ra sinungkalalaing, am igugulatur am sumamba io. Makiasi' io ra sinungkalalaing no am mindagu, “Okou noyo tuhan kuno; bayago' aku no!”

JISAYA 46:6

Ulun mapaingkual ra mas intor ra katia' nano, am manimbang ra pirok ra timbangan. Mampagaji' io sangulun manukang ra mas koson mambaal ra sinungkalalaing, am sambaan no sinungkalalaing binaal nano.

JISAYA 57:6

Alapon min batu-batu malamog intor ra sungoi, am sambaan io koson ra sinungkalalaing. Wain am gandum saukon min ra taak ra sinungkalalaing no. Indoson min kia ra kasagain Ku ngaangai' no?

JIRIMIA 10:14

Magilong ra ngaangai' no makaliman ulun ra sasambungon ilo am kolondo' karatian. Ulun ondo' nambaal ra sinungkalalaing makaliman ra papalo ayuk sabap ra sinungkalalaing binaal nilo kalo motopot am kalo maminawo.

JIRIMIA 10:3

Ugama ru bansa'-bansa' raginio kolondo' toojo onong. Mantagar ulun ra sampuun tataun giu' ra kataunan; ukiron boo tataun no ru ulun manukang ra tataun ra kakamot pangukir,

JIRIMIA 10:4

bungain boo ra mas am pirok. Tataun ondo' inukir no potolorogon ra paku' koson mamiot intor ra maaba'.

JIRIMIA 10:9

Sinungkalalaing nilo inangkupan ra pirok intor ra Sipanyol, am inangkupan ra mas intor ra Upas; ngaangai' no binaal ru ulun manukang. Bayang ru sinungkalalaing intor ra konoon matanggilung ra molondom am matanggilung ra mabubula', binaal ru ilo ondo' mapandai toojo mambaal ra konoon.

JIRIMIA 2:27

Ngaangai' kau tauyuon. Akau no minindagu ra rondo' puun tataun koson ra ama' min am rondo' bulur koson ra ina' min. Baal ragitio masauk sabap ra nangiruan kau Raki' am kalo minatong Raki'. Kaa' paat ra akau makakapaganan, piawon min Aku koson mamayag ramuyun.

JIRIMIA 2:28

Ati kia sinungkalalaing dewa ondo' binaal min ni? Paat ra akau makakapaganan, pakibayag kau ra dewa-dewa no, amon ru totopot dewa no masaga'! Okou Jiuda, dewa muno masuang koson ra suang ru bandar mino!

JIRIMIA 51:17

Nagilong ra ngaangai' no, ulun nakasioro' am makaliman ra sasambungon; ulun ondo' nambaal ra sinungkalalaing napilat guang sabap ra dewa-dewa no kalo motopot am kalo maminawo.

JIRIMIA 51:47

Nasaboi paat no ra Aku mangukum ra sinungkalalaing ru Babilonia. Titikop ru pagun no tauyuon, am ngaangai' ru mamagun nano potoyon.

DANIL 3:1

Paat ra sanganuan nambaal Raja' Nibukadnijar ra rondo' sinungkalalaing intor ra mas: sawat no 27 ngamito am pila' no maar 3 ngamito. Pinabigor no sinungkalalaing no giu' ra intok marata' Dura ra wilayah Babil.

DANIL 3:18

Kaa' amon ru kalo niayuk baalon No, musiti' mu pabalaan ra kalo sumamba akai ra dewa muno am niayuk migulatur samba ra sinungkalalaing mas ondo' pinabigor muno.”

DANIL 3:29

“Raino rongogo' raguon kutu: Osoi ayuk intor ra bansa', bansa' boborok kapoam ragu ra atan ayuk ondo' magasab ri Aki Kapuuno' ri Sadrak, Misak am niayuk i Abidnigo, puputulon, am baloi nano gabaan am saukon ra tuntur ru nalunsai. Kolondo' dewa ondo' makapambaal ra ondo' binaal ri Aki Kapuuno' nilo.”

DANIL 3:7

Ginio ra, pakatalimpuun ilo ayuk nokorongog ra bolos ru kuliamos miujik no, ulun intor ra ngaangai' bansa', bansa' boborok am ragu, migulatur am sumamba ra sinungkalalaing mas ondo' pinabigor ru Raja' Nibukadnijar.

DANIL 5:23

Minanggal kou ra Tuhan panguasa' giu' ra suruga'. Pinakai mu mangkuk-mangkuk ondo' inalap intor ra Baloi ru Tuhan. Okou raja', ulun mangaatang muno, ngaangai' andu' am ruandu' parulug muno nanginum noyo ra wain intor ra mangkuk-mangkuk no, am niayuk nongompor ra dewa-dewa ondo' binaal intor ra mas, pirok, gangsa', basi', tataun am batu – dewa-dewa ondo' kalo makakito, kapoam mokorongog, kapoam makapandai ra atan-atan. Kalo nangurumat kou ri Aki Kapuuno' ondo' makakuasa' mangaru' ra okou no maayag kapoam matoi, am ondo' nanguasa' ra ngaangai' binaal muno.

DANIL 5:4

Liliwa' nanginum, nongompor ilo ra dewa-dewa ondo' binaal intor ra mas, pirok, gangsa', basi', tataun am batu.

RINALATAN 17:29

Sabap ra itakau anak ri Aki Kapuuno', pai' takau noyo pangkara' ra i Aki Kapuuno' no koson ra sinungkalalaing ondo' binaal ayuk intor ra mas, pirok kapoam batu maya' ra kapandayan ru ulun.

PINAINTALANG 17:4

Ruandu' no nambayang ra matanggilung am kasumba' am nanantakin ra mas, parmata am sisigot mutiara. Nampaguut io ra sangkir mas ondo' napanu' ra baal makauyuyu' am majamol, ioginio ampos intor ra pansasawaan nano.