ABAKUK 2:16 - Tanou Moonsoi Timugon

¹⁶ Raino nasaboi paat min koson tauyuon am sala' ka urumaton. Pangurumatan ramuyun makulau masauk ra pagasaban. Jajalin kau ru Tuhan manginum intor ra sangkir ondo' suang no ukuman; manginum kau am mangkasiling.

ABAKUK 2:16 ပူးပေါင်းရင်းမြစ်များ

MAZMUR 75:8

i Aki Kapuuno' noyo galama' masauk ra akim, mokoondo' inukum am mokoondo' pinalabus.

AMSAL 3:35

Ulun ra mapintar urumaton, kaa' ulun budu makaalap ra uyu'.

JISAYA 20:4

Rokopon ru raja' ru Asyur ulun intor ra karuruo pagun no am anjungon. Matutuo am mamulok, ngaangai' no magibaang ra mugar am kalo mangkasut, tumbung nilono makito, koson pagasaban ra Misir.

JISAYA 47:3

Ulun makakito ramuyun magibaang, asabin am tauyuon. Mansuli' Aku, am kolondo' sangulun pana polosoon Ku makalabus.”

JISAYA 49:26

Saukon Ku pantula' muno magauk ra raraa', saboi ilo galama' mampapatoi. Ngaangai' ulun pana makapandai, ra Aku, Tuhan, Mamamayag rirun; Ondo' Maikang kaga', i Aki Kapuuno' ri Jakub, Mamumuli' muno.”

JIRIMIA 25:15

Tuhan, i Aki Kapuuno' ru Israil minindagu raki', “Gitio noyo sangkir ru wain ondo' sinuangan ra sangit Kuno. Ibito' sangkir ti ra ngaangai' bansa', am susubo' ilo manginum intor ra sangkir ti. Susubon Tokou mongoi risilo.

JIRIMIA 25:17

Ginio ra inalap ku sangkir no intor ra kalindu' ru Tuhan, am ongoi ra ngaangai' bansa'; nanusub Tuhan raki' mongoi risilo. Aku pana nampainum risilo intor ra sangkir no.

JIRIMIA 51:57

Mangkinibit Aku ra panguasa'-panguasa' mangagauk – ulun nano ondo' mapintar, tingganai-tingganai nano am saujor-saujor nano. Mombolong ilo am kalo boo tumirong-tirong. Aku, Raja' nakaindagu noyo; Aku noyo Tuhan Ondo' Maayo Kaga' Kuasa'.

JIRIMIA 51:7

Ragili Babilonia koson ra sangkir mas ra kalindu' Kuno, am mangkinibit ra ngaangai' bansa' ra tana' ti magauk. Bansa'-bansa' nanginum ra wain saboi ilo mantuyang.

SULABOI 4:21

Pakakurit no, akau mamagun ru Idom am Us, pakaansuk no, buoi ra akau lakat poyo pakuriton. Akau pana lumpaan ru karaat, am magibaang sabap nagauk kau.

YEHEZKIEL 23:33

Magauk kou am maimbolo' sabap ra sangkir no nototop ra malaa' am katutukan. Ginio noyo ukuman ondo' nakalumpa' ra Samaria, maayo muno.

GOSIA 4:7

Akau lumanja' masuang, lumanja' masuang tula min Raki', imam-imam kau. Kulawon Ku boo baal mino. Kalo boo urumaton kau, kaa' asabin.

GOSIA 7:5

Paat ra bunsag maayo ru raja', binaal nilo raja' am niayuk pagawai-pagawai nano nanginum ra wain saboi nagauk am nambaal ra baal-baal sasambungon.

ABAKUK 2:10

Kaa' inatangan mino mampakauyu' ra sasambaloi min; am mamuso ra masuang bansa', maparatong kau ra katutukan ru inan galama'.

ABAKUK 2:15

Aibui boo ramuyun sabap ra nabaya' ra sangit akau nagasab am nanauyu' ra sambalayan-sambalayan min; mangkinibit kau risilo kakasiling koson ra ulun magauk.

PILIPI 3:19

Kaa' pupus no ilo ti poongoyon ak ra naraka, sabap ra kasagaan ru guang nilo galama' ti noyo ondo' alapon nilo koson ra tuhan nilai. Mongompor ilo toojo ra baal nilai ondo' sotopot no makauyuyu' am mangkara' ilo ayuk ra atan ondo' guangon ru ulun ru tana' ti.

PINAINTALANG 18:6

Baalo' noyo risilo maya' ra binaal nilo ramuyun; balasi' noyo ra suang mainduaan ra ngaangai' binaal nilo. Suangi' noyo sangkir nilo ra inumon ondo' mainduaan bisa' intor ra inumon ondo' pinasulung nilo ramuyun.