ABAKUK 2:12 - Tanou Moonsoi Timugon

¹² Aibui boo ramuyun sabap ra nambaal kau ra bandar ondo' mimpuun ra kalaatan am nambaal raginio ra namatayan.

ABAKUK 2:12 ပူးပေါင်းရင်းမြစ်များ

1 RAJA'-RAJA' 16:34

Paat ra pamarintaan nano, i Giil intor ra Bitil, nambaal saguli' ra bandar Jiriko. Koson ondo' igondo' pinaragu ru Tuhan ondo' pinabala' galing ri Josua anak ri Nun, anak ungkuyon ra katuaan ri Giil ondo' inggalan nano i Abiram, matoi paat ri Giil mapabanta' ra lugu' maatang ru bandar Jiriko. Anak ungkuyon ra pupusan ri Giil ondo' inggalan nano i Sigub niayuk minatoi paat ri Giil mapatakin ra kulobon garabang ru bandar raginio.

YEHEZKIEL 24:9

Gitio noyo ragu ru Tuhan Raja', “Aibui boo ra bandar ondo' nososok ra ulun mamatoi! Aku galama' mansuru.

MIKA 3:10

Akau nambaal ra Jirusalim, bandar ri Aki Kapuuno', mimpuun ra pamatayan am kolondo' katimpakan.

NAGUM 3:1

Aibui boo ra bandar ondo' nososok ra ulun mampatoi am ulun magabau, am niayuk nososok ra masuang rapu' ondo' gaawon am talingaawon.

ABAKUK 2:6

Ulun nanguasa' iison am asabin ru ulun ondo' kinuasa'. Konilo, “Aibui boo ramuyun sabap ra nangalap ra kuliamos ondo' sala' ka longgom min! Kula' poyo buoi min mapalangkaya' ra inan ra mampajajal ra ulun ondo' nagutang ramuyun koson mambayar ra utang?”

2 KORINTUS 1:21

I Aki Kapuuno' galama' mampaikang ramon, mababaya' ramuyun, sumimpung ri Kristus; Io niayuk nampili' ritakau ra Io no tatangan.

JOSUA 6:26

Paat raginio napatanou i Josua ra pangkaraan ragitio, “Osoi ondo' kuminam mambaal saguli' ra bandar Jiriko ulason ru Tuhan. Osoi ondo' mapabanta' ra batu maatang no matatakan ra anak katuaan. Osoi ondo' mambaal ra kulobon garabang no matatakan ra anak pupusan.”

PINAINTALANG 17:6

Kakito ku boo ruandu' no nagauk ra raraa' ru ulun ri Aki Kapuuno' am raraa' ru ulun ondo' pinatoi sabap ra giminagaya' ri Jisus. Paat nakito ku ruandu' no, nangimuag aku kakaga'.