ABAKUK 2:10 - Tanou Moonsoi Timugon

¹⁰ Kaa' inatangan mino mampakauyu' ra sasambaloi min; am mamuso ra masuang bansa', maparatong kau ra katutukan ru inan galama'.

ABAKUK 2:10 ပူးပေါင်းရင်းမြစ်များ

1 RAJA'-RAJA' 2:23

Kopongo raginio nagibot Raja' Salomo ralalom inggalan ru Tuhan, kono, “Polosoon noyo i Aki Kapuuno' no mamatoi raki' amon ru kalo ukumin ku ra matoi i Adonia sabap ra makitaak ra baal raginio!

2 RAJA'-RAJA' 10:7

Kopongo ra ilo nakaapu ra surat ru Raja' Jigu, potoyo' nilo ngaangai' papag ru Raja' Agab, ondo' suang no tulu' ngoopor ngaulun. Pasuango' nilo ulu-ulu no ra kukula' bakul, am atari' ngaangai' no ra Raja' Jigu giu' ra Jijriil.

2 RAJA'-RAJA' 9:26

‘Rondom i nakakito Aku ra namatayan ri Nabot am anak-anak nano. Raino bantuon Ku ra mangukum Aku rirun ragiti, ra tana' ragitio niayuk.’ Ginio ra alapo' baangkai ru Raja' Joram, am patiri' ra tana' ondo' ragili longgom ri Nabot, maa' raginio masugut ukuman ri Aki Kapuuno' no riso.”

AMSAL 1:18

kaa' ulun malaat mapataan ra landak ondo' masulungan nilo galama' – landak ra makapatoi risilo galama'.

AMSAL 20:2

Malaa' ra raja' sumangit nogondo' niayuk laa' bulintok singa' mansangal. Ulun mangkinibit ra raja' sumangit iono mamuso ra inan galama'.

AMSAL 8:36

Osoi kalo makatuum raki' mamungawo io, am ulun masisang raki', gumogot ra kapatayan.”

JISAYA 33:11

Ngaangai' inatang mino papalo ayuk, am nansalinut binaal mino pana kolondo' onong. Sangit mino ondo' koson ra apui mamuso ramuyun.

JIRIMIA 22:30

“Ulun no inaru' noyo maa' raginio matatakan ra anak-anak nano am masalok kalo makasugut ralalom ru kaayagan nano. Kolondo' papag nano ondo' mamarinta giu' ra Jiuda koson ra palit ri Daut. Aku, Tuhan nakaindagu noyo.”

JIRIMIA 26:19

Raja' Gijkia am mamagun ru Jiuda kalo namatoi ri Mika. Sotopot no, Raja' Gijkia malaa' ra Tuhan am makimasi' Riso. Ginio ra kalo sinugut ru Tuhan inatangan Nano koson mampalumpa' ra karaat risilo. Raino ti, mamaar takau mamparatong ra karaat ondo' makalalaa' ra inan takau galama'.”

JIRIMIA 36:31

Okou ukumin Ku, papag muno, am pagawai-pagawai muno, sabap ra tula min ngaangai'. Kolondo' osoi pana, okou, mamagun ru Jirusalim kapoam Jiuda, ondo' mampalio ra pinakara' Kuno. Ginio ra, porotongon Ku karaat ondo' pinololob Kuno ramuyun ngaangai'.”

JIRIMIA 44:7

Ginio ra raino Aku, Tuhan Ondo' Maayo Kaga' Kuasa', i Aki Kapuuno' ru Israil, nangkuot ra sabap binaal min baal ondo' malaat no ra inan min galama'. Mamuso kau kia ra ungkuyon, ruandu', anak am lalagang, saboi kolondo' sangulun pana intor ra bansa' min soroi?

NAGUM 1:14

Gitio noyo ondo' inaru' ru Tuhan intor ra Asyur, “Kolondo' ilo ra papag koson mamparayus ra bansa' nilo. Tutukon Ku sinungkalalaing ondo' giu' ralalom ru kuil-kuil ru dewa nilo. Tatanga' Ku baalon kalalair lobong ra tayar ru ulun ru Asyur, kalo maaya' ilo maayag!”

ABAKUK 2:16

Raino nasaboi paat min koson tauyuon am sala' ka urumaton. Pangurumatan ramuyun makulau masauk ra pagasaban. Jajalin kau ru Tuhan manginum intor ra sangkir ondo' suang no ukuman; manginum kau am mangkasiling.

UNTABAN 16:38

Intok ru baa no matulai sabap pinataak noyo giu' ra altar ru Tuhan. Ginio ra alapo' noyo intok ru baa ru ngaangai' ulun ondo' inukum ra matoi sabap ra tula nilo, am tuyuo' boo ra intok ru baa no masauk ra kapingan mangalilis koson saukon ra taub ru altar. Taub no masauk ra rondo' papakaraan ra ulun ru Israil.”

MATIUS 27:25

Ngaangai' ru ulun no timinaam, “Polosoo' noyo akai am anak maino balasin ukumin sabap ra pinatayan Nano.”