ABAKUK 2:1 - Tanou Moonsoi Timugon

¹ Magaloi aku ra manara ru ulun magalung, am maginaa ra atan ondo' paraguon ru Tuhan raki' am atan taam Nano ra nambutakan kuno.

ABAKUK 2:1 ပူးပေါင်းရင်းမြစ်များ

2 SAMUIL 18:24

Tatanga' Raja' Daut manturung ra guang ru pangkilolot ru kulobon garabang tampilon ralalom am kulobon garabang tampilon ra liwar ru bandar no. Pagaloi mantamung no ra rasawat ru timbok am bigor giu' ra rasawat ru taap ru kulobon garabang. Paat ra io nampulolou, nakito no sangulun matong nasimbul.

2 RAJA'-RAJA' 17:9

Nambaal ilo ra baal-baal ondo' ininggalaran ru Tuhan, i Aki Kapuuno' nilo. Nambaal ilo ra intok-intok sambaan giu' ra ngaangai' ru bandar nilo, intor ra kampung ondo' boborok kaga' saboi ra bandar ondo' maayo kaga'.

2 RAJA'-RAJA' 9:17

Sangulun magalung ondo' mangandoi ra manara giu' ra Jijriil nakakito ra Raja' Jigu am ulun-ulun nano matong. Kono, “Nakakito aku ra kukula' ngaulun matong!” Taam Raja' Joram, “Susubo' sangulun saujor mangkuda mongoi pangimumui risilo no ru rangan kapoam pantula'.”

AYUP 31:35

Kolondo' kia osoi pana ondo' masaga' mangkirongog ra ragu-ragu kuno? Magibot aku ra moonong ragu kuno motopot. Polosoon i Aki Kapuuno' Ondo' Maayo Kaga' Kuasa' tumaam raki'. Amon ngaangai' panguwan ru pantula' kuno tulisin maa' raginio makakito aku raginio,

AYUP 31:37

Balain ku i Aki Kapuuno' ra ngaangai' ondo' baalon kuno, am muma' Riso ra mangintopot am ulu ra tumungar.

MAZMUR 5:3

I Aki Kapuuno' kuno, Raja' kuno, rongogo' noyo laa kuno am indangano' aku no. Makiasi' aku Rirun, iou Tuhan;

MAZMUR 85:8

Paintalango' noyo katagaman Muno ramon, indangano' noyo am bayago' akai no, iou Tuhan.

MAZMUR 85:9

Rongogon ku ragu ru Tuhan i Aki Kapuuno'; binantu' No kaansayan ritakau, ulun Nano, amon ru kalo sumaguli' takau mambaal ra tula.

JISAYA 21:5

Ralalom ru pinaintalang no rondo' pagakanan maayo inatang; apin pinabingkal koson panturungan ru tambului. Nasuangan piniau mangakan am manginum. Pulali' maining panusuban, “Akau ngai' panglima, tomposo' noyo perisai mino!”

JISAYA 21:6

Tuhan pana mindagu raki', “Ugar no am pongondoyo' sangulun mantatamung, am susubo' io mapabala' atan nakito nano.

JISAYA 21:8

Mantatamung raginio nampiau, “Tuan, nangandoi aku ra intok pantamungan ti orou am rondom.”

JISAYA 62:6

Giu' ra timbok muno, okou Jirusalim, paayanon Ku mantatamung; orou rondom kalo mokopongkoror ilo, kaa' musiti' ilo mapakara' ra Tuhan intor ra bantu' Nali, maa' raginio kalo malilianan No.

JIRIMIA 12:1

“Iou Tuhan, amon ru pabalaan ku baal kutu Rirun, maaru' matutunan toojo ra Okou noyo ondo' motopot. Kaa' musiti' aku mangkuot Rirun intor ra katimpakan. Kua kia ra ulun malaat langkaya'? Kua kia ra ulun ondo' kalo mabanis guang makabanang?

JIRIMIA 6:17

Kopongo raginio nampalantik Tuhan ra magagalung koson mangkirongog ra bolos pulanu ru bujung. Kaa' konilo, “Marara' akai mangkirongog.”

YEHEZKIEL 3:17

“Okou ulun mapandai matoi, lantikon Tokou masauk ra magagalung ra bansa' ru Israil. Musiti' kou mampasaboi ra pampakaraan ondo' pataakon Kutu rirun ra tayar nilo.

YEHEZKIEL 33:7

Raino, okou ulun mapandai matoi, lantikon Tokou masauk ra magagalung ru bansa' ru Israil. Musiti' mu posoboyon pampakaraan Kuno risilo.

MIKA 7:7

Kaa' maginaa aku ra Tuhan; malansan aku ri Aki Kapuuno' ondo' mamayag raki'. Mangkirongog i Aki Kapuuno' kuno ra pakiasian kuno.

2 KORINTUS 13:3

Makaapu kau niayuk ra inono' ondo' gogoton mini ra topot-topot i Kristus mindagu mansail raki'. Paat ra Io mampatanda' ramuyun, kalo malawo Io, kaa' mampakito Io ra kuasa' Nano ramuyun.

GALATIA 1:16

Paat ri Aki Kapuuno' nampaintalang ra Anak Nano raki', koson potonowon ku Tanou Moonsoi ra ulun sala' ka Jaudi, kalo nakitulu' aku ra osoi ayuk pana.