3 JUANIS 1:5 - Tanou Moonsoi Timugon

⁵ Pabukat ondo' tagamin kuno! Nangindangan kou toojo ra pabukat muno ra Kristian, kabalu' pana mokoondo' intor risilo kalo nauligan muno.

3 JUANIS 1:5 ပူးပေါင်းရင်းမြစ်များ

MATIUS 24:45

“Osoi kia ulipon ondo' gumagaya' am mapintar? Io noyo ulun ondo' paningganayon ru tuan nano am manusub mapaakan ra ulipon-ulipon ra bokon paat ra inaru' i.

MATIUS 25:16

Ulipon ondo' inanian ra limo ngaribu ruit mas ti parayus ongoi palaburo' ruit ra tinaakan riso, am pakaalap limo ngaribu poyo.

LUKAS 12:42

Taam ru Tuhan, “Osoi ulipon ra gumagaya' am matanda' toojo? Io no ondo' susubon ru tuan nano maningganai ra ulipon ra bokon, am mangani' risilo ra akanon paat ra inaru' noyo.

RINALATAN 1:15

Paat ra rondo' orou timinimung olo'-olo' maatus ruo ngoopor ngaulun, bigor i Pitrus koson mambala' risilo, kono,

ROMA 12:13

Pangani' kano ra rapu' mino ra ulun Kristian ondo' musikin, am pai' kano karara' tambuluyon ru pabukat ra Kristian ondo' kalo nauligan min.

GALATIA 6:10

Intor raginio, buoi ra itakau makakaluagan, alapo' takau noyo ginio koson mobobonsoi ra moonong ulun, mulu' poyo risilo ondo' makimambukat takau mulu' poyo ra mogondo' pangintapatan.

KOLOSI 3:17

Ngaangai' ondo' baalon am raguon min sauko' no ralalom inggalan ru Tuhan Jisus ayuk. Paringkuanang kano ri Aki Kapuuno', Ama' takau ra atan ondo' binaal ri Jisus Kristus ramuyun.

IBRANI 13:2

Pai' kano karara' tambuluyon ru ulun ondo' kalo nauligan min. Mokoondo' tinambului koson raginio am kalo nakatutun ilo ra sotopot no malaikat tambului nilai i.

3 JUANIS 1:10

Kaa' amon ru makaratong aku, balain takamin ra binaal nali. Magabau am mansunur io ramon! Kaa' kalo poyo nasamaan io raginio. Paat ra pabukat-pabukat Kristian no minatong, kalo inapu no ilo. Ininggalaran no poyo ulun ondo' masaga' mangapu ra pabukat Kristian, am nanusub io risilo mingkual intor ra pasimpungan ulun Kristian no.

3 JUANIS 1:3

Naansukan aku kaga' nokorongog ra tanou ru kukula' ngaulun pabukat ra Kristian, ondo' nakasuku' am nambala' raki' ra sumugut kou toojo ra katapatan – ioginio bayag muno masalok gumagaya' ra susuban ri Aki Kapuuno'.