2 TISALONIKA 3:15 - Tanou Moonsoi Timugon

¹⁵ Kaa' pai' karaa' ra ilo pantula', kaa' sawayo' ilo no koson pabukat min ra Kristian.

2 TISALONIKA 3:15 ပူးပေါင်းရင်းမြစ်များ

TITUS 3:10

Moonsoi ru induain mu mansawai ra ulun ondo' mangkinibit ra pantutuliaran ra pasimpungan ulun Kristian. Am amon ru kalo niayuk gumagaya' io, pai' noyo pakimanrangan riso.

1 TISALONIKA 5:14

Pabukat ku ngai', makitaak akai poyo ramuyun ra sawayo' min noyo ulun ondo' mangatiar, kaikango' min noyo guang ru ulun ondo' malaa', indangano' min noyo ulun ondo' malawo am kataan kano ra ngaangai' ulun.

1 KORINTUS 5:5

Polosoo' min ak ulun no kuasaan ru Tingganai ru riwato koson mamuso ra inan nano, maa' raginio bayagon boo ambiluo nano paat ra Tuhan matong saguli'.

1 KORINTUS 4:14

Tinulisan ku gitio sala' ka koson mampakauyu' ramuyun, kaa' mangila' ramuyun koson ra anak kuno galama' ondo' tagamin kuno.

GALATIA 6:1

Pabukat kau ngaangai', amon ru marampatan min sasangulun no makasala, akau ondo' maikang toojo pangintapatan musiti' magibit ra ulun no sumaguli' ra katapatan mabaya' ra ragu mamunduk riso. Am ilalai' min galama' ra akau pana kalo matiu' ru pangkinaman.

AMSAL 25:12

Sawai ru ulun mapintar no ra ulun masaga' mangkirongog iono mokologo poyo ka sinsing mas kapoam kuliamos ru limpor.

AMSAL 9:9

Amon ru mambilin kau ra ulun mapintar, ulun no rumuang pintar nano. Atan ayuk pana pangilaan min ra ulun ondo' gumagaya' ri Aki Kapuuno' katutunan nano rumuang.

MATIUS 18:15

“Amon ru sangulun ondo' mangintopot Raki' makatula rirun, tuumo' am balai' sala nano ra akau ayuk ruo. Amon ru mangkirongog io rirun, naalap mu io ti saguli'.

2 KORINTUS 13:10

Ginio nai ra aku nanulis ra surat ti paat ra aku maalur ramuyun; maa' raginio ra aku mongoi ramuyun ra maagu no, kalo pana boo malasang ragu kuno ramuyun sumugut ra kuasa' ondo' pinataak raki' ru Tuhan – kaa' sala' ka kuasa' koson mamuso, kaa' mampaikang ra pangintapatan min.

2 KORINTUS 10:8

Kalo mauyu' aku, kabalu' pana lumimbau aku toojo ra kuasa' ondo' pinataak ramon ru Tuhan. Sabap ra kuasa' ti tinaakan koson mampaikang ra pangintapatan min, sala' ka mampalawo ramuyun.

MAZMUR 141:5

Masaga' aku mangapu ra ukuman am sawai intor ra ulun moonsoi, kaa' kalo masaga' aku mangapu ra pangamparan intor ra ulun malaat sabap ra magail aku makiasi' manggal ra kalaatan nilono.

2 TISALONIKA 3:6

Pabukat ku ngai', ralalom inggalan ru Tuhan Jisus Kristus, manusub akai ra inggalur kano ra ulun Kristian ondo' mangatiar, koson kalo maya' ra pangilaan ondo' pinaatak maili risilo.

2 TISALONIKA 3:13

Pabukat ku ngai', pai' kano kalawo guang mambaal ra moonsoi.